ISAÍAS 55:8 - Biblia Guarani Tumpa Iñee

⁸ YandeYa jei: Cheyemongeta reta mbaetɨ ko peyemongeta reta rami, jare perape reta, mbaetɨ cherape rami.

ISAÍAS 55:8 ပူးပေါင်းရင်းမြစ်များ

2 SAMUEL 7:19

Jare mbaeä ndeve cheYa Tumpa, cheñemuña re ave nemiari këraita yogüɨreko kuri vae re. ¡Mbaetɨ kia nde rami vae cheYa Tumpa!

2 REYES 5:11

Javoi Naamán iyarasɨ ojo, jei körai: —Che yepe jae cheyeupe: “Jupiveiño jae oëta omae cheré, oyemboɨ reveño oenɨita iYa Tumpa jee, jare oupita ipo jare opokota mbaerasɨ jenda re, jare okuerata chepire mbaerasɨ ókui vae.

JOB 35:5

Emae ara reta re, emae kavi jese, mombɨrɨ opɨta amapɨtu reta ndegüi.

SALMOS 25:10

Opaete yandeYa jemimbota ko mboroparareko jare añete vae, iporogüɨrökuavee päve jare iporookuai reta oñovatu jare oyapo vae pe.

SALMOS 33:11

ërei yandeYa iyemongeta, oikota jekuae avei.

SALMOS 40:5

CheYa Tumpa, jeta yae ko mɨakañɨ reta reyapogüe jare ndeyemongeta reta orekotɨ. ¡Oyepapa rapeä nderóvai! Yepe tëi amoërakua jare chemiari jese reta, ngaraa opa amoërakua.

SALMOS 92:5

CheYa Tumpa, ¡nderembiapo reta oremopɨakañɨ yae ko! ¡Ndeyemongeta roupitɨ rapeä ko!

PROVERBIOS 21:8

Kuimbae ipɨapochɨ vae jeko, mbaetɨ ko ikavi; ërei kuimbae jeko kavi vae jembiapo, ikavi ko.

PROVERBIOS 25:3

Ara ɨvate yae vae, ɨvɨ iyɨvɨte, jare mburuvicha guasu reta iyemongeta, jae ko mbaetɨ yandepuere yaikuaa vae.

ISAÍAS 14:24

YandeYa Imbaepuere yae ete vae jei jee re aeño: “Añetete, che ayemongeta rami oyeapota; ayemongeta oyeapo vaerä vae oyembopota ko.

ISAÍAS 53:6

Opaete yande reta yanderopa vecha reta jopa rami, metei ñavo opia jape jape ae rupi; ërei ngatu yandeYa oñono jese opaete yandeyoa.

ISAÍAS 58:13

Emboete ara mbutuu pegua, agüɨye eyapo ndeparavɨkɨ cheara oñeñono tee vae pe. Kuae ara ereko, ara yerovia katu pegua, che ndeYa peguarä oñeñono tee jare imboetea yae vae. Emboete, agüɨye eeka nderemimbotaño ani mbae ndeyeupeguaräño.

ISAÍAS 65:2

Ara ñavo arökuavee tëi chepo tëta ipɨapochɨ vae pe, jókuae tëta oguata tape ikavimbae rupi, ipɨa jemimbota rupiño.

ISAÍAS 66:18

“Echa che aikuaa nderembiapo reta, jare ndeyemongeta reta. Oväeta ara, amboatɨ vaerä opaete tëtaguasu jare ñee ambuae mbuae pe imiari vae reta, yogüeruta jare oecha retata cheyemboetea.

JEREMÍAS 3:1

YandeYa jei: “Metei kuimbae omombo yave jembireko, javoi jókuae kuña ojo omenda ïru kuimbae ndive yave, tenondegua ime ngaraa ma güɨreko ye. ¡Jókuae nunga, ikavimbae yae ko kuae tëtaguasu peguarä! Ërei ngatu nde, Israel, jeta yae ko ndeaguasa, ërei ¡añave peyerova ye chekotɨ! Che ndeYa jae kuae.

EZEQUIEL 18:29

Ërei Israel pegua reta jei yave cheve, mbaetɨ jupi ayapo. ¿Che ra mbaetɨ jupi ayapo? ¿Israel pegua retaä ra jupimbae oyapo?

DANIEL 4:37

Añave che Nabucodonosor, amboete jare ambotuicha Mburuvicha guasu ara pegua, echa opaete jembiapo reta añete vae ko, jare jemimbota reta jupi vae ko; jare jae ipuere omomichi ipɨayemboete oiko vae.”

OSEAS 14:9

Yarakuaa katu vae jare oyeandu katu vae reta toikuaa kuae ñee: YandeYa jemimbota sɨmbi ko, jupi vae reta oguatata jokoropi, ërei ipɨapochɨ vae reta, oyepɨakata jokoropi.

1 SAMUEL 16:7

Ërei yandeYa jei Samuel pe: “Agüɨye emae jova re, ani vi ipukugüe reño, echa che aröɨro ko; che mbaetɨ ko amae kuimbae omae vae re; echa kuimbae omae jesa róvai oï vae reño, ërei che ko amae ipɨa re.”