ISAÍAS 55:6 - Biblia Guarani Tumpa Iñee

⁶ “Eeka yandeYa ipuere oñeväe ramboeve, eenɨi köi oï ramboeve.

ISAÍAS 55:6 ပူးပေါင်းရင်းမြစ်များ

1 CRÓNICAS 28:9

Jare nde cheraɨ Salomón, eikuaa cheTumpa jare eyeokuai chupe opaete ndepɨa jupi reve jare nekɨ̈reɨ ngatu reve kavi, echa yandeYa oecha opaete vae ipɨa jare oikuaa oipotagüe yemongeta. Jayave, nde reeka yave, jae omeeta ndeve reväe vaerä; ërei resɨrɨ ko yave chugüi, ndembosɨrɨta iyeugüi jekuae avei pegua.

2 CRÓNICAS 19:3

Ërei oime vi mbae ikavi vae oyekuaa nderé, echa ko remboai Asera iä reta kuae ɨvɨ pe, jare reñeñono ndepɨa reve kavi reeka vaerä Tumpa”.

ESDRAS 10:2

Jayave Secanías, Jehiel taɨ, Elam iñemuña pegua jei Esdras pe: “Oreyoa ñaneTumpa kotɨ, echa rogüɨreko ketɨgua kuña reta ïru ɨvɨ pegua, ërei jeseve ipuereño oï kavi ye Israel iñemuña reta.

JOB 8:5

Ndeimboveasɨ yave nde reeka Tumpa yave, jare remoñera yave Imbaepuere yae ete vae.

SALMOS 14:2

YandeYa omae ara güi opaete kuimbae reta re, oecha vaerä oime ra kia iyarakuaa vae, oeka Tumpa vae.

SALMOS 145:18

YandeYa köiño oï oenɨi vae güi, opaete añetete oenɨi vae güi.

SALMOS 148:14

¡Jae ko ombotuicha yae tëta imbae vae imbaepuere! ¡Pemboete yandeYa, opaete imbae vae reta, pe Israel iñemuña reta! ¡Pe köiño peï chugüi vae reta! ¡Aleluya!

SALMOS 27:8

Nde rere cheve: “¡Chereeka!” Jare che roeka cheYa Tumpa.

SALMOS 32:6

Jáeramo oyerureta ndeve opaete oñeñono tee ndeveguarä vae reta, reñeväe ramboeve; añetete, ɨporu oime yave, ngaraa ojo oväe chupe reta.

SALMOS 34:19

Jupi vae, jeta yae ko iyemoambeko reta, ërei ngatu opaete kuae reta güi yandeYa oepɨ.

SALMOS 75:1

CheRu Tumpa, romee yasoropai ndeve; echa köi yae ko reï, kuimbae reta omoërakua ndembaepuere tuicha yae vae re.

SALMOS 95:7

Echa jae ko ñaneTumpa; yande tëta imbae vae reta, ikapii jokɨ katúa pegua, jare vecha reta jae ipo pegua. Añave peendu yave iñee:

PROVERBIOS 8:17

Che aɨu cheraɨu vae reta, jare chereeka voi vae reta cheväe.

ISAÍAS 12:6

Pesapúkai jare petairari peyerovia güi, pe Sión pegua reta, echa Tumpa, Iyoambae Israel pegua tuicha yae vae, oime oï pepɨte pe.”

ISAÍAS 26:9

Pɨ̈tu yave cheä-yekɨi nderé, aikove aiko ramboeve roekata ndeimbove voi, opaete chepɨa ndive ko roeka. Nde rejäa yave ɨvɨ pegua reta, kuimbae reta oikuaata jupi vae.

ISAÍAS 45:19

Che mbaetɨ ko chemiari vɨari, mbaetɨ ko cheñee amoë pɨtumimbía güi. Mbaetɨ jae Jacob iñemuña reta pe: ‘Chereeka, mbaetɨ kia oïa pe.’ Che peYa ko, chemiari jupi rupi jare isɨmbi rupi vae.

ISAÍAS 45:22

Opaete ɨvɨ pegua reta, perovia cheré peasayepe vaerä, echa che ko Tumpa, mbaetɨ yé ko ïru.

ISAÍAS 46:13

Che, aruta yereroasayepe; aruta ete ma, köi yae ma ou. Che ameeta yereroasayepe Sión pe, jare cheyemboete tëtaguasu Israel pe.

ISAÍAS 49:8

YandeYa jei: “Ou ma oväe aechauka vaerä cheporoaɨu, jáeramo ayeapɨsaka nderé, ou ma oväe yereroasayepe iara, jáeramo romborɨ. Che ko roñovatu, nderupi ayapo vaerä ñererökuavee päve tëta ndive, amopüa ye vaerä kuae tëtaguasu, amee ye vaerä iyagüe reta pe ɨvɨ opa oyemboai oï vae.

ISAÍAS 58:9

Jayave, reyerureta jare ndeYa oenduta, resapúkai yave, jae jeita: ‘Ko aï.’ Reeya yave reporogüɨrekoasɨ katu vae, mbaetɨ yave reporomomburu ani rere ñee ikavimbae vae,

ISAÍAS 65:10

Jare ɨvɨpe kavi Sarón vecha reta ikarúa jendarä, ɨvɨpe kavi Acor guaka reta ikarúa jendarä, tëta chereeka vae güɨnoita imbaerä.

ISAÍAS 65:24

Jare ndei oyerure reta mbae re cheve mbove, che omboyevɨta ma; imiari vɨteri ñogüɨnoi ramboeve, che aenduta ma.

JEREMÍAS 25:5

Jae reta jei peve: ‘Peeya pereko kavimbae jare perembiapo pɨ̈chɨi yae vae; pepuere vaerä peiko ɨvɨ yandeYa omee peve jare peñemuñagüe reta pe jekuae avei pegua vae pe.

JEREMÍAS 33:3

Eyerure cheve jare aenduta ndeve, amombeuta ndeve mbae tuicha vae jare oñemi oï ndegüi vae, nde reikuaambae vae.

EZEQUIEL 14:6

Jáeramo ere Israel iñemuña reta pe: ‘Körai jei yandeYa Tumpa: Peyerova ye chekotɨ, peyembosɨrɨ petumpa-raanga reta güi, jare peeya opaete pɨ̈chɨi yae vae.’

EZEQUIEL 33:11

Ere chupe reta: YandeYa Tumpa jei iyé aeño: Mbaetɨ aipota iyoa vae omano, aipota vae ko jae oyepoepɨ vaerä jeko güi oikove vaerä. Israel, eeya ndereko ikavimbae vae, ¿maera pa remanota?’

EZEQUIEL 8:6

Javoi jei cheve: “¿Nde kuimbae, reecha pa mbae pɨ̈chɨi yae Israel iñemuña reta oyapo vae, oeyauka vaerä cheve reta chero mbaemboetea? Ërei reechata ïru mbae ikavimbae yae ete oyapo reta vae.”

DANIEL 4:27

Jáeramo nde mburuvicha guasu, eendu cheporomboarakuaa: Eyapo jupi vae, agüɨye mo ndeyoa, ikavimbae reta reyapo vae jekovia pe, eyapo mboroparareko oiporara ñogüɨnoi vae reta pe, jayave güɨramoi kuae ndepɨagüive reiko vae oyembopukuta ndeve.’ ”

OSEAS 10:12

Jae chupe reta: Peñotɨ jupi vae, jare pearɨvo mboroaɨu opambae. Peyapo katu ɨvɨ pemaetɨ pɨau vaerä, echa añave ko ara peeka vaerä yandeYa, jae ou regua pemboe jupi vae re.

AMÓS 5:6

Peyu yandeYa kotɨ jare peikoveta; agüɨye vaerä ou tata rami José iñemuña reta kotɨ, jare opa pemboai, jare mbaetɨta Bet-el pe kia ipuere ombogüe.

JONÁS 3:8

Jaeño peñeapeva temimonde mbɨatɨtɨ pegua pe, jare pesapúkai täta yeyé Tumpa pe; jare metei ñavo vae toyepoepɨ jeko kavimbae güi jare jembiapo ikavimbae güi.

San Mateo 5:25

Eï kavi jarembae oñeapo nderé mbae re vae ndive, jae ndive reo ramboeve mburuvicha oïa kotɨ. Agüɨye vaerä oñeapota nderé vae nemee mburuvicha ipo pe, jare jae ndemboeterenga tembipɨɨrɨru iyangarekoa pe, javoi jae neñoña tembipɨɨrɨru pe.

San Lucas 13:25

Echa o iya oyokenda ma yave öke, pe reta pepɨtata oka pe. Jayave pembopu tëita öke jare pereta: “OreYa, oreYa, eipea öke oreve.” Ërei jae jeita peve: “Che mbaetɨ pokuaa.”

San Juan 8:21

Jare Jesús jei ye chupe reta: —Ajata ma kuae güi. Pe reta chereeka tëita ko, ërei pemanota peyoa pe. Pe reta ngaraa pepuere peo che ajataa pe.

Efesios 3:13

Jáeramo agüɨye peyembopɨtu, aiporara peré vae re. Jaeño pemboete Tumpa kuae re.

DEUTERONOMIO 4:29

Ërei ngatu joko güi peeka yave yandeYa Tumpa opaete pepɨa ndive jare opaete perekove ndive, peväeta.

DEUTERONOMIO 4:7

Echa ¿kia nunga tëtaguasu pa oime köi yae itumpa-raanga oï chugüi vae, yande yandeYa Tumpa yayerure avei chupe vae köi oï yandegüi rami?

Hebreos 2:3

jayave, ¿këraita pa yaasayepe, ñaröɨro yave yemboasa tuichagüe? Echa yandeYa räri imiari kuae yemboasa re, jare yaikuaa imiari yandeve oyeapɨsaka jese vae reta rupi.

Hebreos 3:13

ërei ara ñavo peñomoäta ngatu, “kuae ara” yae ramboeve, agüɨye vaerä metei ave pepɨte pegua oyembopɨatäta mbaeyoa iporombotavɨ rupi.