ISAÍAS 55:5 - Biblia Guarani Tumpa Iñee

⁵ Mase, reenɨita kuimbae reikuaambae reta, jare kuimbae ndekuaambae reta yogüeruta ndekotɨ, che ndeYa Tumpa jeko pegua, Iyoambae Israel pegua ndemboeteuka vae jeko pegua.

ISAÍAS 55:5 ပူးပေါင်းရင်းမြစ်များ

GÉNESIS 49:10

Judá güi ngaraa kia ipuere opɨ̈ro mbaepuere, ngaraa vi ipo pegua oro pegua vae ave, ou regua Siloh, jókuae ipo pegua oro pegua iya, chupe opaete vae omeeta mbaemboete.

2 SAMUEL 22:44

Chereroasayepe cherëta ipɨapochɨ güi, cheñovatu aiko vaerä tëtaguasu reta juvicharä, oyeokuaita cheve tëta aikuaambae.

SALMOS 18:43

Chereroasayepe tëta iñerarose vae güi, cheñono tëtaguasu reta itenondeguarä. Tëta aikuaambae yeokuai cheve.

ISAÍAS 45:14

YandeYa jei körai Ciro pe: “Egiptoɨgua reta iparavɨkɨ reta, Etiopíaɨgua omaemee vae reta, Sabáɨgua reta, kuimbae ipuku vae reta, opata oñemee ndeve jare yogüɨrekota nderembiokuairä; reñapɨtita opa reraja nderaɨkue, oyetavatɨka retata nderóvai jare nemoñera retata körai: ‘Añetete oime Tumpa oï nde ndive, mbaetɨ ïru Tumpa chugüi.’ ”

ISAÍAS 45:22

Opaete ɨvɨ pegua reta, perovia cheré peasayepe vaerä, echa che ko Tumpa, mbaetɨ yé ko ïru.

ISAÍAS 45:23

Cheyé aeño ko añererökuavee, cheyuru güi ko oë ñee jupi vae, jare ngaraa ko opɨta oyembopombae: Opaete vae oyetavatɨkata cheróvai, jare cheree reño jei retata mbaembae oyapo vaerä vae,

ISAÍAS 49:12

Mase, amogüe reta yogüeruta matɨ güi, amogüe reta yogüeruta ɨvɨtuguasu kotɨ güi, amogüe reta yogüeruta kuaraɨ oikea kotɨ güi, amogüe reta yogüeruta ɨvɨ Sinim jee vae kotɨ güi.

ISAÍAS 49:6

Jae jei körai: “Mbaetɨta royókuai, remopüa ye Jacob iñemuña reta vaeräño, Israel iñemuña jembɨregüe reta; roñono vi ko tembipe rami opaete tëtaguasu reta peguarä, reraja vaerä yereroasayepe amee vae opaete vae reta pe, ɨvɨ jembeɨ rupi ave.”

ISAÍAS 52:15

Jökoraita jae omopɨakañɨ, jeta tëtaguasu reta; mburuvicha guasu reta ngaraa etei iñee omoë jóvai, echa oecha retata mbaetɨi kia omombeu chupe vae, jare oikuaa retata mbaetɨi oendu vae.

ISAÍAS 55:4

Mase, che ko añono imiari vaerä tëta reta pe, oiko vaerä mburuvicha guasurä jare tëtaguasu reta imboearä.

ISAÍAS 56:8

Che peYa Tumpa, Israel iñemuña reta opa oñemoai moai ñogüɨnoi vae reta omboatɨ vae, jae körai: Amboatɨ ye ñotai ïru tëta reta rupi oñemoai ñogüɨnoi vae.”

ISAÍAS 60:5

Reechata jare reyerovia yaeta, nepɨakañɨ yaeta; echa güeru retata ndeve mbaeyekou reta tëtaguasu reta ɨguasu jembeɨ rupigua güi, güeru retata ndeve ïru tëtaguasu reta imbaeyekou reta.

ISAÍAS 60:9

Jae ko barco guasu reta yogüeru Tumpa kotɨ vae, tenonde ou barco reta Tarsis pegua, güeru reve nemembɨ Israel iñemuña reta mombɨrɨ güi, ioro ndive jare ikorepoti ndive, ndeYa Tumpa, Iyoambae Israel pegua jee re, jae ko ndemboeteuka vae.

JEREMÍAS 30:19

Chugüi reta oëta tairari yasoropai pegua, jare yerovia katu pegua mbuka reta. Ngaraa iñemuña reta jagüe, echa che amoñemuñaukata. Ngaraa oñereröɨrouka reta, echa che amboeteukata.

EZEQUIEL 39:7

Jare amboyekuaata cheré ikɨambae vae, chembae vae reta Israel ipɨte pe, jare ngaraa ye ma amaeño oñereröɨrouka cheré ikɨambae vae; jare tëtaguasu reta chekuaata che ko jae Tumpa vae, Iyoambae Israel pegua.

OSEAS 1:10

Jeseve, Israel iñemuña reta jeta yaeta, ɨguasu jembeɨ pe ɨvɨkuitï oï rami, mbaetɨta ipuere oñejäa ani oyepapa. Jare “tëta chembaeä ko pe reta”, jei chupea pe jeita chupe: “Tumpa oikove vae taɨ ko pe reta.”

ZACARÍAS 2:11

Oñemoïruta jeta tëtaguasu reta yandeYa re jókuae ara, jare jeita: “Toyogüɨreko chembaerä, che aikota jae reta ipɨte pe.” Jökorai peikuaata yandeYa imbaepuere yae ete vae ko chembou.

San Lucas 24:26

¿Mbaetɨ yera peikuaa Cristo oiporara tai ko opaete kuae mbaembae ndei oyemboeteuka mbove?

San Juan 17:1

Kuae jei ma yave, Jesús omae ara kotɨ jare jei: “CheRu, ara oväe ma. Che ndeRaɨ emboeteuka, che romboeteuka vaerä vi.

Hechos 3:13

Ñaneñemuñagüe reta Abraham, Isaac, Jacob iTumpa omboeteuka ma Taɨ Jesús. Kuae Jesús pe reta pemee, jare peröɨro Pilato jóvai; Pilato jei tëi oyorauka vaerä yave.

Hechos 5:31

Ërei kuae Jesús, Tumpa imbaepuere rupi oñono Tenondeguarä jare Oporomboasa vaerä, Israel pegua reta oeya vaerä iyemongeta ikavimbae vae ipɨa pe güɨnoi vae, jare Tumpa iñɨ̈ro vaerä chupe reta iyoa reta re.

Romanos 15:20

Jökorai, añeñono amombeu vaerä ñee ikavi vae, mbaetɨ etei oendu Cristo regua vae rupi, agüɨye vaerä amopüa ïru vae omopüa ma vae re,

Efesios 2:11

Jáeramo, pemaendúa pe judiombae reta, tenonde rupi jete pe oyembocircuncida vae reta jeise peve “oyembocircuncidambae”,

Efesios 3:5

jókuae tenonde yave rupi mbaetɨ kuimbae reta oikuaa vae, ërei añave Tumpa oikuaauka temimondo oñono tee iyeupeguarä vae reta pe jare iñeemombeúa reta pe Espíritu rupi.

Hebreos 5:5

Jaeramiño vi Cristo mbaetɨ oyeparavo jaeiño sacerdote tenondegua eterä. Tumpa ko oiparavo jei yave: “Nde ko jae cheRaɨ. Che ko romoñemuña añave.”

1 Pedro 1:11

oyemboe reve kia jare kërai yave ra oasata Cristo iEspíritu oiko jese reta vae oikuaauka voi chupe reta vae; kërai Cristo oiporarata jare kërai taɨkue rupi oyemboeteukata vae.