ISAÍAS 55:2 - Biblia Guarani Tumpa Iñee

² ¿Maera pa peiporu pekorepoti, tembiumbae re, jare peparavɨkɨ, mbae pemoangapɨɨmbae re? Peyeapɨsaka kavi cheré, jare peu tembíu kavi, peu tembíu jëe ngatu vae.

ISAÍAS 55:2 ပူးပေါင်းရင်းမြစ်များ

SALMOS 22:26

Okaruta yogüɨrekoasɨ katu vae reta, jɨ̈vɨata regua; yandeYa oeka vae reta, omboeteta, jare yogüɨrekopukuta.

SALMOS 34:11

Peyu cheraɨ reta, peyeapɨsaka cheré; pomboeta peipoɨu yandeYa güi.

SALMOS 36:8

Ipɨakatuta opɨta reta, jeta tembíu ndero pe oï vae re; nde remeeta jou ɨ ikavi yae vae,

SALMOS 63:5

Cheangapɨɨ kavita, maekägüe iñaputuu re jare soo ikɨra kavi vae jou vae yangapɨɨ kavi rami, romboeteta yerovia katu reve.

ÉXODO 15:26

jei körai: “Peendu kavi yave che peYa Tumpa iñee, jare peyapo yave jupi vae cheresa róvai, peendu jare peyapo yave opaete cheporookuai, ngaraa ambou peve metei ave mbaerasɨ reta Egiptoɨgua reta pe ambou vae; echa che ko jae peYa pepoanoa.”

PROVERBIOS 1:33

ërei oyeapɨsaka cheré vae, oikota oipoɨumbae reve, oiko pɨagüiveta, okɨɨyembae reve ikavimbae güi.”

PROVERBIOS 7:23

metei güɨra jaeiño oa ñuai pe rami, oikuaambae reve oyukata ko vae, javoi metei uvɨ oeterasa.

PROVERBIOS 8:32

Añave, cheraɨ reta, peyeapɨsaka cheré; oyerovia ko chereko omomoe vae.

PROVERBIOS 9:5

“Peyu pekaru, jare peu vino amboyea kavigüe.

ECLESIASTÉS 6:2

Tumpa omee amogüe pe täta oikokatu vaerä, imboetea yae vaerä, jare mbaetɨ mbae oata chupe vaerä; ërei mbaetɨ omaeño oyekou opaete jókuae iparavɨkɨagüe re, echa ko ambuae vaei oyekou jese. ¡Kuaekuae mbaeä etei ko, jare jasɨ katu yae ko!

ISAÍAS 1:19

pekɨ̈reɨ yave jare peendu yave, peuta ɨvɨ omee mbaagüɨye kavi vae;

ISAÍAS 10:27

Jókuae ara oyeekɨta ndegüi ipoɨgüe oñono ndekupe re vae, jare yuvo oñono ndeatua re vae opëta. Jare jókuae yuvo opata oyemboai, echa nde ko cherembiparavo.”

ISAÍAS 25:6

Ɨvɨtɨ Sión re yandeYa Imbaepuere yae ete vae, oyapota arete opaete ɨvɨ pegua reta peguarä, tembíu kavi ndive jare vino ikavigüe ndive, tembíu jëe ngatugüe ndive jare vino oyeambae ndive.

ISAÍAS 44:20

Tanimbuño jou vae rami ko jókuae reta. Ipɨa pe oyembotavɨuka reta. Jókuae nunga ngaraa ipuere oasayepe, echa mbaetɨ oparandu reta iyeupe: “¿Kuae anoi chepo pe vae añetete ra ko?”

ISAÍAS 46:6

Amogüe reta güɨnoe oro jɨru güi ani ojäa korepoti mbaejäaka pe, javoi oyókuai metei ipoki korepoti pegua mbaravɨkɨ oyapo vae, oyókuai oyapo vaerä itumparä; javoi oyetavatɨka omboete.

ISAÍAS 51:1

“Peyeapɨsaka cheré opaete, pe reta peiko jupi rupi vae, pe yandeYa peeka vae reta. Pemaendúa, mbae nunga ita guasu güi ko peyeekɨ vae, mbae nunga ɨ̈vavira güi ko peñerenoeuka vae.

ISAÍAS 51:4

Peyeapɨsaka cheré tëta chembae, peendu cheñee tëtaguasu chembae: Amoërakuata cheporookuai reta, jare jókuae omboesapeta tëta reta peguarä.

ISAÍAS 51:7

Peyeapɨsaka, pe reta peikuaa jupi vae re vae, cheporookuai rupi peiko vae reta. Agüɨye pekɨɨye kuimbae reta iñeeasɨ katu güi, agüɨye peyembopɨtu iporoangao jeko pegua,

ISAÍAS 62:8

YandeYa jei iyé aeño, oupi reve iyɨva iyakatu kotɨgua imbaepuere yae vae: “Ngaraa ye ma amaeño nderovaicho reta jou ndetrigo ani ketɨgua reta jou vino reparavɨkɨ jese vae;

ISAÍAS 62:9

ërei opaete pearɨvo jare pemboɨrugüe peuta jare pemboeteta che peYa Tumpa; peipoota uva reta jare peuta vino, peuta chero oñeñono tee vae joka pe.”

ISAÍAS 65:23

Ngaraa oparavɨkɨiño reta, jare ngaraa imembɨiño, omano vaerä chugüi; echa che peYa iporerekua jese vae iñemuña reta ko, jökoraita vi iñemuña reta.

JEREMÍAS 12:13

Oñotɨ reta tëi trigo, ërei oipoo reta käpeati; oparavɨkɨ mbateeiño reta. Mbaetɨ mbaagüɨye chupe reta, che peYa, chearasɨ ikotɨ reta jeko pegua.”

JEREMÍAS 17:24

‘Che, peYa jae: Peyapo che jaegüe, agüɨye kërai ave peroike voɨta kuae tëta guasu jöke rupi ara mbutuu pe, mbae nunga mbaravɨkɨ ave agüɨye peyapo; peñono tee ara mbutuu.

JEREMÍAS 2:13

Echa tëta chembae vae oyapo mókoi mbae ikavimbae: Chereeya reta, ɨesaɨ osɨrɨ vae rami aï chupe reta vae, jare oyapo reta iyeupe ɨrɨru, ɨrɨru oyeka vae, mbaetɨ ikavi ɨ oñeñovatu pɨpe vaerä vae.

JEREMÍAS 31:14

Ameeta sacerdote reta jeta okaru kavi, jare chembae vae reta oyekouta chembaeyekou re. Che ndeYa ko jae kuae.”

OSEAS 12:1

Efraín iñemuña reta oyemongaru ɨvɨtu pe rami; ara ñavo yogüɨraja ɨvɨtuakuvo jaɨkue rami. Omoïru iyapu reta jare jekorai oyapo reta morogüɨrökuavee päve Asiria pegua reta ndive, jare güɨraja reta olivo iasaite pe ombopota Egipto.”

OSEAS 8:7

Echa ikavimbae peyapo jeko pegua, peiporara yaeta ko; mbaetɨta pembaagüɨye, mbaetɨta peremitɨ reta ia; jare pemboɨru tëi yave, opata ketɨgua reta jou pegüi.

HABACUC 2:13

YandeYa Imbaepuere yae ete vae, mbaeä eteita oyapo ndeparavɨkɨ, opaete ndeparavɨkɨ okañɨteita tata pe.

San Mateo 15:9

Chemboete raangaiño ko. Cheporomboe re rami oporomboe reta kuimbae reta iporookuai re.”

San Mateo 22:4

Jayave mburuvicha guasu oyókuai ye ïru jembiokuai reta; jei vaerä oparea ma chupe vae reta pe: ‘Mase, jaema oï tembíu. Ayuka guaka jare ïru cherɨmba reta amongɨragüe. Jaema oï. Peyu mendaa pe.’

San Mateo 5:6

Oyerovia ko yɨmbɨaɨ jare iɨuve rami mbaejupi re vae reta. Echa Tumpa omeeta chupe reta.

San Marcos 7:14

Jesús oenɨi ikotɨ jeta vae reta, jare jei chupe: —Peyeapɨsaka cheré opaete vae reta, peikuaa kavi vaerä.

San Lucas 15:23

Jare peru toro taɨrusu vae ikɨra vae peyuka. Yakaru jare yayapo arete.

San Juan 6:27

Agüɨye peparavɨkɨ tembíu mbaetɨta ɨma oiko peve vae reño. Ërei peparavɨkɨ tembíu opambae vae pegua re, jae ko tekove opambae che Kuimbaerä ayeapo vae ameeta peve vae. Echa cheRu Tumpa jaerä ko chembou.

Romanos 10:17

Echa, yaendu vae rupi ko, yaporogüɨrovia. Jare yaendu vae ko, Tumpa iñee.

Romanos 9:31

ërei Israel pegua reta oipota tëi oyembojupiuka mborookuai jei vae rupi vae, mbaetɨ oyembojupi reta.

DEUTERONOMIO 11:13

Peyapo yave mborookuai reta amombeu añave peve vae, peaɨu reve yandeYa Tumpa jare peyeokuai reve chupe opaete pepɨa ndive, opaete perekove ndive,

Hebreos 13:9

Agüɨye peñemaeño peyererajauka oipotagüe mboromboe ambuaeyee vae pe; ikavi ko ñañemomɨ̈rata yandepɨa peTumpa ipɨakavi rupi, mbaetɨ mborookuai reta tembíu regua rupi. Echa mbaetɨi oporomomɨ̈rata jókuae mbaembae reta.