ISAÍAS 55:11 - Biblia Guarani Tumpa Iñee

¹¹ jökoraita ko cheñee oë cheyuru güi vae; ngaraa ou ye jökoraiño chekotɨ, oyapota ko che aipota vae, jare ikavita ko jókuae amondo chupe vae reta pe.

ISAÍAS 55:11 ပူးပေါင်းရင်းမြစ်များ

ISAÍAS 40:8

Ñana yɨpi, mbaepotɨ ipiru; ërei ngatu ñaneTumpa iñee oiko jekuae avei.”

ISAÍAS 45:23

Cheyé aeño ko añererökuavee, cheyuru güi ko oë ñee jupi vae, jare ngaraa ko opɨta oyembopombae: Opaete vae oyetavatɨkata cheróvai, jare cheree reño jei retata mbaembae oyapo vaerä vae,

ISAÍAS 46:10

Che amoërakua mbaembae oasata vae, iyɨpɨ güive voi ma, jare arakae güive voi ma amoërakua mbaembae oasata vae. Che ayemongeta vae, oyeapota ko, ayemongeta ayapo vaerä vae, ayapota ko.

ISAÍAS 53:10

Ërei opaete kuae reve yandeYa oiporarauka chupe, omee oiporara yae vaerä. Omee jekove mano pe, mbaeyoa omboai vaerä yave, oechata iñemuña reta, oiko pukuta, jare ipo pe yandeYa jemimbota oë kavita.

ISAÍAS 54:9

“Jáeramo, Noé oiko yave ramita, Noé pe añererökuavee cheree ae re, ngaraa ye ma ɨvɨ opa amboai vaerä ɨ pe, jökorai vi añave, añererökuavee cheree ae re, ngaraa ye ma chearasɨ ndekotɨ, ngaraa ye ma añeengata ndeve.

ISAÍAS 59:21

YandeYa jei: “Kuae jae cheporogüɨrökuavee päve ayapo pe reta ndive vae, chembaepuere jare cheporomboe ngaraa oata peve jare peñemuña reta pe.” Jei yandeYa jekuae avei pegua.

JEREMÍAS 1:11

YandeYa jei vi cheve körai: “Jeremías, ¿mbae pa reecha?” Jare che jae chupe: “Aecha ɨvɨra almendra jäka.”

JEREMÍAS 1:12

Jare yandeYa jei cheve: “Jaekavi rere. Echa jökorai aïndaivi ambopo vaerä cheñee.”

JEREMÍAS 1:13

YandeYa jei cheve mokoía ma, körai: “¿Mbae pa reecha?” Che jae chupe: “Aecha metei yapepo opupu oï vae, oyepɨyere ma oï ɨvɨtuguasu kotɨ güi.”

JEREMÍAS 23:20

Ngaraa osɨrɨ yandeYa iyarasɨ, oyeapo regua jae oyapota vae, oyapo regua jae ipɨa pe oyemongeta vae. Oväeta ara peikuaa kavi vaerä kuae mbaembae reta.

JEREMÍAS 25:13

Ambouta jókuae tëtaguasu re opaete amoërakua jare oyekuatía oï kuae tembikuatía pe vae; jae ko opaete Jeremías omoërakua tëtaguasu reta kotɨ vae.

EZEQUIEL 24:14

Che ndeYa jae vae, oyeapota ko. Che etei ko ayapota, ambopota ko cheñee; mbaetɨta roparareko, mbaetɨta aipoepɨ cheyemongeta. Aiporaraukata ndeve, ndereko oï rupi. Che ndeYa Tumpa jae.’ ”

AMÓS 6:11

Echa yandeYa ko jei oyemboai vaerä o tuicha vae jare o michi vae.

ZACARÍAS 1:6

Ërei, cheñee jare cheporookuai reta amee cherembiokuai cheñeemombeúa reta pe omombeu vaerä vae, ¿mbaetɨ pa oa peñemuñagüe reta re? Jáeramo, jae reta oyerova ye jare jei reta: YandeYa Imbaepuere yae ete vae oyemongeta kërai yanderereko vaerä yandereko jare yanderembiapo oï rupi, jökorai oyapo yande ndive.’ ”

NÚMEROS 23:19

Tumpa, kuimbaeä ko iyapu vaerä; jare kuimbae taɨä ko oipoepɨ vaerä iyemongeta. Jae mbae jei yave, oyapo. Mbae güɨrökuavee yave ombopo iñee.

San Mateo 24:35

Ara jare ɨvɨ opata ko, ërei cheñee reta ngaraa opa.

San Juan 6:63

Jaeño ko Espíritu omee tekove. Yanderete ipuereä omee yandeve kuae nunga tekove. Kuae amombeu peve vae Tumpa iEspíritu pegua ko jare tekove omee vae ko.

Romanos 10:17

Echa, yaendu vae rupi ko, yaporogüɨrovia. Jare yaendu vae ko, Tumpa iñee.

1 Corintios 1:18

Echa ñee Cristo ikurusu regua mbokere ko, kañɨtei pe yogüɨrajata vae reta peguarä. Ërei yande yayemboasauka vae reta peguarä ko Tumpa imbaepuere.

DEUTERONOMIO 32:2

Oata ama rami cheporomboe, oata ɨsápɨi rami cheñemoñee, oata amandaɨvi rami kapii re, ani oata ɨ rami ñana re.

1 Tesalonicenses 2:13

Jókuae re romee avei yasoropai Tumpa pe. Echa perovia Tumpa iñee romombeu peve vae yave, mbaetɨ pemboresive kuimbae iñee rami, pemboresive ko Tumpa iñee añetete vae. Jare kuae Tumpa iñee oparavɨkɨ pe peporogüɨrovia vae reta ipɨa pe.

Hebreos 6:7

Echa okɨ avei vae pegua ɨvɨ, oparavɨkɨ vae pe okuakuaa kavi jemitɨ jökorai Tumpa iporerekua jese;

Santiago 1:18

Jae oipota ramo, yandeapo taɨ retarä iñee añete vae rupi, yaiko vaerä mbaagüɨyerɨpɨ rami chupeguarä opaete jembiapo güi.

1 Pedro 1:23

Echa penoi ma tekove ipɨau vae, kuae nunga tekove mbaetɨ ou peru jare pesɨ güi. Penoi ko kuae tekove ipɨau vae Tumpa oikove jare iñee oiko jekuae avei vae rupi.

1 SAMUEL 3:19

Jare Samuel okuakuaa, jare yandeYa oï jae ndive, mbaetɨ iñee oasaiño ombopombae reve.