ISAÍAS 54:8 - Biblia Guarani Tumpa Iñee

⁸ Chearasɨ rai jeko pegua, ayerovata ndegüi michi pegua, ërei mboroparareko jekuae avei vae rupi ropararekota.” Che ndeYa, ndeReepɨ vae, jae.

ISAÍAS 54:8 ပူးပေါင်းရင်းမြစ်များ

SALMOS 103:17

Ërei yandeYa iporoparareko, opambae vae ko, oipoɨu chugüi vae reta re; imbaejupi jekuae kuae rupi vae ko,

SALMOS 103:4

jae ko oepɨ cherekove tɨvɨa güi, jare chemboyekou mbaembae re jare iporoparareko re,

SALMOS 13:1

CheYa, ¿neakañɨta pa jekuae avei pegua chegüi? ¿Kërai yave regua pa reyerovata oregüi?

SALMOS 27:9

¡Agüɨye eyerova chegüi! ¡Agüɨye chereröɨro ndearasɨ reve! ¡Ndeño ko jae chemborɨ vae! Agüɨye ekua chegüi, agüɨye chereeya, cheTumpa chereroasayepe vae.

SALMOS 30:5

Echa jae iyarasɨ michi peguaño ko, ërei jae ipɨakavi mbaetɨ opa chugüi. Pɨ̈tu yave ou yaeo, ërei ndeimbove yave outa yerovia katu.

ISAÍAS 14:1

YandeYa oipararekota Jacob iñemuña reta. Jekuae oyapo yeta imbaerä Israel iñemuña reta, güeru yeta oñono reta vaerä iɨvɨ ae pe. Ketɨgua reta oyemboyata jese reta, oñemoïruta Jacob iñemuña reta ndive.

ISAÍAS 26:20

Cherëtaɨgua reta, peike pero pe, jare peyokenda öke peike yave. Peñemi räri joko pe, yandeYa iyarasɨ oasa regua.

ISAÍAS 40:27

¿Israel, Jacob iñemuña reta maera pa rere: “CheYa mbaetɨ oikuaa kërai ko aiko vae, jare cheTumpa mbaetɨ imaendúa cheré”?

ISAÍAS 45:15

Añetete, nde ko jae Tumpa oyeechambae, Israel iTumpa, oporoepɨ vae.

ISAÍAS 47:6

Chearasɨ yae tëta chembae vae kotɨ yave, amee ñemomarai pe, jare amaeño oa ndepo pe. Nde mbaetɨ reiparareko, ndechi reta pe ave täta reiporarauka.

ISAÍAS 48:17

Körai jei yandeYa, ndeReepɨ vae, Tumpa Iyoambae Israel pegua: ‘Che ko jae ndeYa Tumpa, ndemboe kavi yae vae, ndemboe kërai reiko vaerä vae.

ISAÍAS 49:10

‘Mbaetɨta peyɨmbɨaɨ ani peɨuve yepe, araku ani kuaraɨ ave mbaetɨta peaporai, echa che poaɨu jare che ko pogüɨroatata, pogüɨrajata ɨesaɨ katuaía rupi.

ISAÍAS 49:13

¡Ara ipo reta, petairari reyerovia güi! ¡Ɨvɨ ipo reta, peyerovia yae! ¡Ɨvɨtɨ reta, perɨapu peyerovia reve! Echa yandeYa ombopɨakatu tëta imbae vae, oiparareko oiporara yogüɨreko vae reta.

ISAÍAS 49:26

Nderovaicho reta pe jauukata isoo aeño, jare jugüɨ ae pe oyembosavaɨpo reta vino pe rami. Jökorai opaete vae toikuaa, che ndeYa, ndereroasayepe jare ndeReepɨ vae, jae ko Imbaepuere yae ete vae Jacob pe.”

ISAÍAS 54:10

Yepe ɨvɨtɨ guasu reta osɨrɨta jenda güi, ɨvɨtɨ reta opata osururu, ërei cheporoaɨu ngaraa oyepoepɨ ndegüi, cheporogüɨrökuavee mbɨakatu pegua ave ngaraa opa oyemboai.” Jei yandeYa, iporoparareko ndekotɨ vae.

ISAÍAS 54:5

Echa ndeApoa ko jae neme rami. Jae ko jee yandeYa Imbaepuere yae ete vae; ndeReepɨ vae, jae ko Iyoambae Israel pegua, jae ko jee Tumpa, opaete ɨvɨ pe.

ISAÍAS 55:3

Pemboɨke peapɨsa, peyeapɨsaka, peyu chekotɨ jare peikoveta; jare ayapota pe reta ndive, morogüɨrökuavee päve opambae, mboroparareko jekuae avei pegua David pe ayapo vae.

ISAÍAS 55:7

Iyoa vae toyepoepɨ, jare kuimbae ipɨapochɨ yae vae toeya iyemongeta, jare toyerova ye yandeYa kotɨ, jare jae iporopararekota jese, jare ñaneTumpa kotɨ, echa jae ipɨakavi avei iñɨ̈ro vaerä.

ISAÍAS 60:10

Ketɨgua reta omopüata nekësea, juvicha guasu reta oyeokuaita ndeve; echa, yepe tëi yandeYa iyarasɨ rupi oiporarauka ndeve, añave ipɨakavi ndekotɨ, güɨnoi mboroparareko nderé.

ISAÍAS 63:7

Che aipota ayemomaendúa yandeYa iporoparareko re, jare tairari oñemee yandeYa pe vae re, opaete jae oyapo yandekotɨ vae re, ipɨakavi yae ete Israel iñemuña reta kotɨ vae re, iporoparareko rupi oyapo ikotɨ reta vae re, jare tuicha yae ete ipɨakavi jare iporoparareko vae re.

ISAÍAS 64:7

Mbaetɨ metei ave oyerure ndekotɨ vae, mbaetɨ metei ave imaendúa oyeko vaerä nderé; jáeramo orereeya, orereeya orepiru vaerä ñana rami, orembaeyoa reta pe.

ISAÍAS 8:17

Yepe tëi yandeYa oñomi jova Jacob iñemuña reta güi, ërei jeseve che ayeko avei ko jese. Añonota chepɨa jeseño.

JEREMÍAS 31:3

Ɨma yae ma che ayekuaa chupe reta jae reve: Che roaɨu yae mboroaɨu opambae ndive; jáeramo jekuae aveiño cheporoparareko pekotɨ.

JEREMÍAS 33:26

Jökorai ngaraa etei aröɨro cherembiokuai Jacob jare David iñemuña reta, ngaraa amaeño oata kia oporookuai vaerä Abraham, Isaac jare Jacob iñemuña reta re vae. Echa che cheporopararekota jese reta jare aru yeta tembipɨɨrä yogüɨrekoa güi.”

JEREMÍAS 51:5

echa yepe tëi Israel jare Judá iyoa chekotɨ, omotɨnɨe iɨvɨ mbaeyoa pe, ërei che, iYa Imbaepuere yae ete vae, iYoambae Israel pegua, mbaetɨ aeya reta.

EZEQUIEL 39:29

Ngaraa ma ayembosɨrɨ chugüi reta, echa ameeta chembaepuere Israel iñemuña reta pe. Che peYa Tumpa jae kuae.”

HABACUC 3:2

CheYa Tumpa, aendu nderegua, jare opaete reyapogüe yave, chepɨakañɨ yae. Tenonde rupi mbae tuichagüe reyapo vae eyapo añave oreve, roikuaa vaerä vi. Eechauka oreve ndeporoparareko, yepe tëi ndearasɨ reve.

ZACARÍAS 1:15

Jare chearasɨ yae aï tëtaguasu reta kïrii ngatu ñogüɨnoi vae kotɨ; echa michiño chearasɨ yave jae reta ombojeiete ikavimbae vae.

ZACARÍAS 1:16

Jáeramo, che ayerova Jerusalén kotɨ cheporoparareko ndive, joko pe chero amopüa pɨau yeta jare Jerusalén, jei yandeYa Imbaepuere yae ete vae.’ ”

ZACARÍAS 10:6

YandeYa jei: “Che amomɨ̈ratata Judá iñemuña reta, José iñemuña reta ayorata jare amboyerova yeta. Echa aɨu yae reta, jare ñogüɨnoita mbaetɨ etei aröɨro rami. Echa che ko jae iYa Tumpa, aenduta iyerure reta.

2 Tesalonicenses 2:16

YandeYa Jesucristo etei jare yandeRu Tumpa yanderaɨu vae jare yandembopɨakatu avei vae jare ñaäro yayerovia reve ipɨakavi rupi vae,

1 Timoteo 1:16

Ërei kuae jeko pegua yandeYa cheparareko, oechauka vaerä cherupi opaete ipɨakavi, jökorai che ayu apɨta güɨroviata jese vae reta pe, tekove opambae vae güɨnoi vaerä vae reta pe.