ISAÍAS 54:5 - Biblia Guarani Tumpa Iñee

⁵ Echa ndeApoa ko jae neme rami. Jae ko jee yandeYa Imbaepuere yae ete vae; ndeReepɨ vae, jae ko Iyoambae Israel pegua, jae ko jee Tumpa, opaete ɨvɨ pe.

ISAÍAS 54:5 ပူးပေါင်းရင်းမြစ်များ

JOB 19:25

Che aikuaa ko cheReepɨ vae oikove, jare taɨkue ete rupi opüa ñotai ko chereepɨ.

ISAÍAS 11:9

Ngaraa oyapo reta ikavimbae opaete cheɨvɨtɨ oï tee vae pe; echa opaete ɨvɨ pegua reta oikuaata yandeYa, ɨ tɨnɨe ɨguasu oï rami.

ISAÍAS 43:1

Añave, Israel, Jacob iñemuña reta, yandeYa, ndeapoa jei ndeve körai: “Agüɨye ekɨɨye, che ko roepɨ; che ko reenɨi, chembae ko nde.

ISAÍAS 43:14

YandeYa, Tumpa Iyoambae Israel pegua, jae peReepɨ vae jei, körai: “Pogüɨroasayepe vaerä amondota jeta vae, oporepeña vaerä Babilonia re, oipea reta vaerä öke reta, jare opaete jókuae Caldeaɨgua reta, ibarco re oyerovia reta vae otekuaraita.

ISAÍAS 45:11

YandeYa, Tumpa Iyoambae Israel pegua, ndeApoa jei körai: “Peparandu cheve mbae oikota vae re. ¿Pe reta peekata pa cheve cheraɨ reta regua, ani chemboeta pa kërai mbaembae ayapo vaerä?

ISAÍAS 48:17

Körai jei yandeYa, ndeReepɨ vae, Tumpa Iyoambae Israel pegua: ‘Che ko jae ndeYa Tumpa, ndemboe kavi yae vae, ndemboe kërai reiko vaerä vae.

ISAÍAS 48:2

echa pe reta peñeenɨi tëta guasu oñeñono tee vae pe, jare Tumpa re güɨrovia vae reta pe, jae ko jee yandeYa Imbaepuere yae ete vae:

ISAÍAS 51:15

Echa che ko ndeYa, amomembe ɨguasu vae, jare ambojɨapu ɨaparúa. Che ko neTumpa, ndeYa Imbaepuere yae ete vae, jae ko cheree.

ISAÍAS 54:8

Chearasɨ rai jeko pegua, ayerovata ndegüi michi pegua, ërei mboroparareko jekuae avei vae rupi ropararekota.” Che ndeYa, ndeReepɨ vae, jae.

ISAÍAS 6:3

Jare osapúkai päve jei oyoupe reta: “Iyoambae, Iyoambae, Iyoambae ko yandeYa Imbaepuere yae ete vae; opaete ɨvɨ tɨnɨe oï iyemboetea pe.”

ISAÍAS 65:16

Oipotagüe kuae ɨvɨ pe oipota mborerekua vae, güɨnoita Tumpa iyapumbae jee re; jare oipotagüe kuae ɨvɨ pe oñererökuavee mbae oyapo vaerä yave, toyapo Tumpa iyapumbae jee re. Echa opaete tenondegua tembiporara reta opata oasa, opata okañɨ cheróvai güi.”

JEREMÍAS 10:16

Ërei ¡ambuaeyee ko chugüi reta Jacob iTumpa, opaete mbaembae iYapoa! Jae oiparavo imbaerä Israel. YandeYa Imbaepuere yae ete vae; jókuae jae ko jee.

JEREMÍAS 3:14

YandeYa jei: “Ipɨapochɨ vae reta, peyerova ye, che ko peYa. Perëta guasu ñavo güi aipɨɨta metei jare tëtara ñavo güi mókoi, jare pogüɨrajata Sión pe.

JEREMÍAS 51:19

Ërei, ¡ambuaeyee ko chugüi reta Jacob iTumpa, opaete mbaembae iYapoa! Jae oiparavo imbaerä Israel. YandeYa Imbaepuere yae ete vae; jókuae jae ko jee.

EZEQUIEL 16:8

Aasa ye ndeɨpɨ rupi yave, roecha rekuakuaa ma jare reñemokuña ma; jare cheñeapevaka pe roñova nenandi reï vae; añererökuavee ndeve jare ayapo morogüɨrökuavee päve nde ndive, jökorai reiko chembaerä. Che ndeYa Tumpa jae.

OSEAS 2:16

YandeYa jei: Jókuae ara rupi, chereenɨita ‘Ishi’, ngaraa ye ma pere cheve ‘Baali’.

OSEAS 2:18

Jókuae ara ayapota peve morogüɨrökuavee päve mɨmba reta ñana rupigua ndive güɨra reta ndive, mboi reta ndive; aekɨta kuae ɨvɨ güi güɨrapa, kɨsepuku jare ñeraro, jare peiko pɨagüiveta.

ZACARÍAS 14:9

YandeYa oïta mburuvicha guasurä opaete ɨvɨ re, jókuae ara yandeYa jaeño oïta, jare jee meteiñota vi.

MALAQUÍAS 1:11

Opaete tëtaguasu ñavo rupi chemboete, jare oipota rupi kuae ɨvɨ pe oapɨ reta ikäti kavi vae incienso cheree re jare omee reta mbota ikavi vae cheve, echa cheree jërakua opaete tëtaguasu reta rupi.

San Lucas 1:32

Jae tuichagüe yaeta, jare jeeta ko Tumpa Tuichagüe yae vae Taɨ. Jare yandeYa Tumpa omeeta chupe iñemuñagüe David iporookuaía;

San Juan 3:29

Jae ko metei kuimbae omendata vae rami. Che ko omendata vae ivɨa-ïru rami. Echa omendata vae ivɨa-ïru opɨta omendata vae ndive jare oyeapɨsaka jese jare oyerovia iñee oendu yave. Jökoraiño vi ko che añave ayerovia yae.

Efesios 5:32

Tuicha yae ko kuae yaikuaa rapembae vae. Chemiari ko aï peve Cristo re jare oporogüɨrovia vae reta re.

JOSUÉ 3:11

Mase, käjou morogüɨrökuavee päve pegua, yandeYa opaete ɨvɨ iya imbae oasata perenonde ɨ̈aka Jordán.

JOSUÉ 3:13

Jare sacerdote reta, yandeYa opaete ɨvɨ iya ikäjou güɨraja vae reta ipɨ ñäkɨ ma yave, ɨ̈aka Jordán pegua ɨ oyemboyaota; echa ɨvate kotɨ güi ɨ ou vae oyemboatɨta meteia pe.”

Apocalipsis 11:15

Jare araɨgua omoñee chiúa mimbɨguasu yave, oyeendu ñee reta tätagüe, jei: “Mborookuaía reta ɨvɨ pegua ou opɨta yandeYa jare Cristo ipo pe. Jare jae oporookuaita jekuaekuae avei rupi.”