ISAÍAS 54:13 - Biblia Guarani Tumpa Iñee

¹³ Jare opaete nemembɨ reta che ndeYa etei amboeta; jare oyekou yaeta mbɨakatu re.

ISAÍAS 54:13 ပူးပေါင်းရင်းမြစ်များ

SALMOS 119:165

Ipɨakatu yae, ndeporookuai oaɨu vae reta, jae reta mbaetɨ ogüɨapi.

SALMOS 119:33

CheYa Tumpa, chemboe ndeporookuai reta re, ayapota, cherekove iyapɨ regua.

SALMOS 147:14

Jae güeru mbɨakatu ndeve, omee ndeve jeta trigo ikavigüe.

SALMOS 71:17

CheRu Tumpa, nde chemboe ko chetaɨrusu güive, jare añave rupi jekuae amombeu mbae tuichagüe reyapo vae.

ISAÍAS 11:9

Ngaraa oyapo reta ikavimbae opaete cheɨvɨtɨ oï tee vae pe; echa opaete ɨvɨ pegua reta oikuaata yandeYa, ɨ tɨnɨe ɨguasu oï rami.

ISAÍAS 2:3

jeta vae yogüeruta ketɨ ketɨ güi, jare jei retata: “Peyu yayeupi yandeYa iɨvɨtɨ re, Jacob iñemuña reta iTumpa jo kotɨ; jae yandemboe vaerä kërai yaiko vaerä, yaguata vaerä jae jemimbota rupi.” Echa Sión jae ko Jerusalén, joko güi oëta mborookuai jare yandeYa iñee.

ISAÍAS 26:3

CheYa, nde reñovatu mbɨakatu pe, ndereño ipɨa oñono vae reta, echa nderé oyeko reta.

ISAÍAS 28:9

Iñeeasɨ katu reta chekotɨ, jei reta: “¿Oremboeta pa arakuaa re, oremboeta pa mbae ko Tumpa jei vae re, michia raɨ reta rami;

ISAÍAS 29:24

Jare ipɨa jopa yepi yogüɨreko vae reta, iyarakuaata, jare iñeenguruse vae reta, oyeapɨsakata yemboe reta re.”

ISAÍAS 48:18

¡Reyeapɨsaka mona cheporookuai re yave! Ɨ omboɨpɨ tuicha vae ramita tëi ko, reiko kavi vae omboɨpɨta tëi ko tuicha, ani ɨguasu iɨaparúa ramita tëi ko.

ISAÍAS 50:4

YandeYa Tumpa omee cheve chepoki vaerä chemiari, ambopɨakatu vaerä ikangɨ vae reta, ñee ñemoäta ngatu pegua pe. Ndeimbove ñavo jae chemomba, jare ayeapɨsaka jese chepɨakatu reve kavi.

ISAÍAS 54:12

neventana reta ayapota ita ipöra vae pegua katuai, neröke reta ita ipöra vae carbunclo jee vae pegua katuai, opaete nekësea ayapota ita ipöra vae pegua katuai.

ISAÍAS 55:12

Echa peyerovia katu reve kavi peëta, jare mbɨakatu ndive peyerova yeta; ɨvɨtɨ guasu reta jare ɨvɨtɨ reta otairarita perenonde, jare opaete ɨvɨra reta ñana rupigua oyepopeteta.

ISAÍAS 66:12

Echa che peYa, körai ko jae: “Ko aru jese mbɨakatu, ɨ̈aka pe ɨ ou oväe rami, jare tëtaguasu reta imbaeyekou reta, ɨ̈aka pe ɨ jembeɨ oyepɨyere rami. Jae reta pemongaruta jare pereruta iyɨva re, jare täpapau pe pemboyaru yaru retata.

JEREMÍAS 31:34

Jare ngaraa ye ma metei ave omboe japicha vae, ani ramo jëtara vae, jei reve: ‘Eikuaa yandeYa’; echa opaete vae chekuaata, mbaeä etei vae reta güive opaete tuichagüe reta; echa cheɨ̈rota chupe reta jeko kavimbae re jare ngaraa ye chemaendúa iyoa reta re. Che peYa ko jae kuae.”

JEREMÍAS 33:6

Ërei aipoano retata, oikovekatuta jare ameeta chupe reta mbɨakatu jare oiko pɨagüive reta vaerä.

EZEQUIEL 34:25

Ayapota morogüɨrökuavee päve yembopɨakatu pegua jae reta ndive; amokañɨta mbaeporou reta jókuae ɨvɨ güi, chevecha reta yogüɨreko pɨagüive vaerä ñuu pe jare oke pɨagüive vaerä kaa reta rupi.

EZEQUIEL 34:28

Tëtaguasu reta ketɨgua ngaraa ma oyemombae ye jese reta, mbaeporou reta ñana rupi ave ngaraa ma jou; yogüɨreko pɨagüiveta, ngaraa ma kia omongɨɨye.

EZEQUIEL 37:26

Jare morogüɨrökuavee päve yembopɨakatu pegua ayapota jae reta ndive, morogüɨrökuavee päve jekuae avei pegua. Añono kavita, ambojeta retata jare añonota chero mbaemboetea pegua ipɨte reta pe jekuae avei pegua.

OSEAS 2:18

Jókuae ara ayapota peve morogüɨrökuavee päve mɨmba reta ñana rupigua ndive güɨra reta ndive, mboi reta ndive; aekɨta kuae ɨvɨ güi güɨrapa, kɨsepuku jare ñeraro, jare peiko pɨagüiveta.

MIQUEAS 4:2

Jeta vae tëtaguasu reta yogüeruta, jare jei retata: “Peyu yayeupi yandeYa iɨvɨtɨ re, Jacob iñemuña reta iTumpa jo kotɨ; jae yandemboe vaerä jemimbota re, yaguata vaerä jae jemimbota rupi.” Echa Sión jae ko Jerusalén, joko güi oëta mborookuai jare yandeYa iñee.

ZACARÍAS 10:7

Efraín iñemuña reta sundaro jëia yae vae ramita. Ipɨa oyeroviata vino jou vae rami. Taɨ reta oecha yave oyerovia yaeta vi. ¡Ipɨa oyeroviata yandeYa re!

San Mateo 16:17

Jayave Jesús jei Pedro pe: —Reyekou ko Simón, Jonás taɨ. Echa cheRu ara pe oï vae ko oikuaauka ndeve kuae. Mbaetɨ ko kia oikuaauka ndeve.

San Lucas 24:45

Jayave oyepea chupe reta, oikuaa kavi vaerä Tumpa Iñee oyekuatía oï vae.

San Juan 16:33

Kuaekuae jae ma peve penoi vaerä mbɨakatu cheré. Kuae ɨvɨ pe peiko ramboeve, peiporarata ko. Ërei peyeko cheré, echa che amoamɨri tovaicho ɨvɨ pegua.

San Juan 6:45

Ñeemombeúa reta jembikuatía jei körai: “Tumpa omboeta opaete vae.” Jayave, opaete oyeapɨsaka cheRu re vae, jare jae omboe vae, ou chekotɨ.

Hechos 2:39

Echa pembaerä ko Tumpa güɨrökuavee vae, peraɨ reta peguarä jare opaete mombɨrɨ ñogüɨnoi vae reta peguarä; opaete yandeYa Tumpa oenɨita vae reta peguarä.

Romanos 14:17

Echa Tumpa iporookuaía mbaetɨ ko mbae jau vae, jae ko jupi vae, mbɨakatu jare yerovia katu Espíritu Santo rupi.

Romanos 15:13

Tumpa moroäro omee vae, tomee peve yerovia jare mbɨakatu peporogüɨrovia rupi. Penoi vaerä moroäro Espíritu Santo imbaepuere rupi.

Romanos 5:1

Tumpa yandembojupi yandeporogüɨrovia vae rupi, ñanoi ma mbɨakatu jae ndive, yandeYa Jesucristo rupi;

1 Corintios 2:10

Ërei Tumpa oikuaauka yandeve Espíritu Santo rupi. Echa Espíritu Santo oikuaa opaete mbae. Oikuaa vi opaete Tumpa regua yavai yae yaikuaa vaerä vae.

Gálatas 5:22

Ërei Espíritu Santo omee yandeve vae jae mboroaɨu, yerovia, mbɨakatu, mbɨaguasu, mbɨakavi, mborogüɨrovia,

Efesios 4:21

Añetete ko peendu jare peyemboe jesegua yave, kërai Jesús re ko oï añete vae.

Filipenses 4:7

Jare Tumpa omeeta peve ipɨakatu yandepuereä etei yaikuaa vae; jókuae mbɨakatu oñovatuta pepɨa jare peyemongeta Cristo Jesús re.

1 Tesalonicenses 4:9

Ërei mboroaɨu penoi vae regua, aecha mbaetɨ jupi aikuatía vaerä peve. Echa peikuaa ma Tumpa pemboe ma ko peyoaɨu vaerä.

Hebreos 8:10

Jáeramo, kuae ko jae morogüɨrökuavee päve ayapota tëta Israel ndive jókuae ara kuri vae: Añonota cheporookuai reta ipɨa pe, aikuatiata ipɨa re; aikota jae reta iTumparä jare jae reta yogüɨrekota chembaerä.

Hebreos 8:11

Jare ngaraa ye ma metei ave omboe japicha vae, ani ramo jëtara vae, jei reve: ‘Eikuaa yandeYa’; echa opaete vae chekuaata, mbaeä etei vae reta güive opaete tuichagüe reta;

1 Juan 2:20

Ërei Cristo peñeñono tee ma Espíritu Santo rupi, jáeramo pe reta peikuaa opaete.

1 Juan 2:27

Ërei Tumpa omee ma peve Espíritu Santo vae oiko pepɨa pe. Jáeramo mbaetɨ ma kia ipuere pemboe ye vaerä, echa Espíritu Santo etei pemboe opaete mbaembae re, jare añetete ko, mbaetɨ apu; jae pemboe rami peiko avei Jesucristo re.