ISAÍAS 54:10 - Biblia Guarani Tumpa Iñee

¹⁰ Yepe ɨvɨtɨ guasu reta osɨrɨta jenda güi, ɨvɨtɨ reta opata osururu, ërei cheporoaɨu ngaraa oyepoepɨ ndegüi, cheporogüɨrökuavee mbɨakatu pegua ave ngaraa opa oyemboai.” Jei yandeYa, iporoparareko ndekotɨ vae.

ISAÍAS 54:10 ပူးပေါင်းရင်းမြစ်များ

2 SAMUEL 23:5

Jáeramo, cheñemuña reta täta ko ñogüɨnoi Tumpa re, echa jae oyapo ko che ndive morogüɨrökuavee päve jekuae avei pegua. Jupi rupi oyeapo jare oyembopo vaerä mbaembae. Jae ko omee aporomoamɨri, jare ombopo cheve opaete chepɨa jemimbota.

SALMOS 102:26

Jae reta opata ko okañɨtei, ërei nde reiko aveita; opaete jókuae reta temimonde rami ko indechita; ¡temimonde rami reipoepɨta, jare oyepoepɨ retata!

SALMOS 46:2

Jáeramo, agüɨye yakɨɨye, yepe tëi ɨvɨkana, yepe tëi ɨvɨtɨ guasu opa osururu ɨguasu pe,

SALMOS 46:3

yepe tëi ɨguasu jɨapu jare opüa ɨaparúa, yepe tëi ɨvɨtɨ guasu reta okana ɨguasu iyarasɨ yae jeko pegua.

ISAÍAS 49:10

‘Mbaetɨta peyɨmbɨaɨ ani peɨuve yepe, araku ani kuaraɨ ave mbaetɨta peaporai, echa che poaɨu jare che ko pogüɨroatata, pogüɨrajata ɨesaɨ katuaía rupi.

ISAÍAS 49:15

¿Kuña iñakañɨta ra imembɨ güi, ani ikueraita ra oaɨu? Yepe tëi kuña iñakañɨ imembɨ güi, ërei che ngaraa cheakañɨ ndegüi.

ISAÍAS 54:8

Chearasɨ rai jeko pegua, ayerovata ndegüi michi pegua, ërei mboroparareko jekuae avei vae rupi ropararekota.” Che ndeYa, ndeReepɨ vae, jae.

ISAÍAS 55:12

Echa peyerovia katu reve kavi peëta, jare mbɨakatu ndive peyerova yeta; ɨvɨtɨ guasu reta jare ɨvɨtɨ reta otairarita perenonde, jare opaete ɨvɨra reta ñana rupigua oyepopeteta.

ISAÍAS 55:3

Pemboɨke peapɨsa, peyeapɨsaka, peyu chekotɨ jare peikoveta; jare ayapota pe reta ndive, morogüɨrökuavee päve opambae, mboroparareko jekuae avei pegua David pe ayapo vae.

ISAÍAS 55:7

Iyoa vae toyepoepɨ, jare kuimbae ipɨapochɨ yae vae toeya iyemongeta, jare toyerova ye yandeYa kotɨ, jare jae iporopararekota jese, jare ñaneTumpa kotɨ, echa jae ipɨakavi avei iñɨ̈ro vaerä.

ISAÍAS 59:21

YandeYa jei: “Kuae jae cheporogüɨrökuavee päve ayapo pe reta ndive vae, chembaepuere jare cheporomboe ngaraa oata peve jare peñemuña reta pe.” Jei yandeYa jekuae avei pegua.

ISAÍAS 61:8

Echa che peYa, jupi vae oaɨu vae ko, amotareɨ ko mɨmba oñeomi oñemee mɨmba oyeyukagüe opaetei oyeapɨ vaerä vae. Che, ameeta jupi rupi kavi mbota mbaravɨkɨ re, jare ayapota morogüɨrökuavee päve jae reta ndive jekuae avei pegua.

ISAÍAS 63:7

Che aipota ayemomaendúa yandeYa iporoparareko re, jare tairari oñemee yandeYa pe vae re, opaete jae oyapo yandekotɨ vae re, ipɨakavi yae ete Israel iñemuña reta kotɨ vae re, iporoparareko rupi oyapo ikotɨ reta vae re, jare tuicha yae ete ipɨakavi jare iporoparareko vae re.

ISAÍAS 9:6

Echa metei michia oa yandeve, taɨ omee yandeve, jae mburuvicha ko; jare jeeta Oporombopɨakañɨ vae, Oporomboarakuaa vae, Tumpa Imbaepuere yae vae, cheRu oiko avei vae, mburuvicha mbɨakatu pegua.

JEREMÍAS 31:36

“Ërei metei ara oikomegua yave kuae mborookuai añono cherembiapo reta re vae, jókuae ara güive Israel iñemuña reta, ngaraa ma yogüɨreko tëtaguasu chembaerä jekuae avei pegua. Che peYa ko jae kuae.

JEREMÍAS 33:20

“Che, ndeYa jae: Mbaetɨ ko kia ipuere oipoepɨ yemongeta ayapo ara jare pɨ̈tu ndive vae, pɨ̈tu jare köe vaerä iora pe kavi,

EZEQUIEL 16:42

Jayave chepɨakatuta jare chearasɨ poita cherägüɨro nderé vae güi; aiko pɨagüiveta, ngaraa ma chearasɨ aiko.

EZEQUIEL 34:25

Ayapota morogüɨrökuavee päve yembopɨakatu pegua jae reta ndive; amokañɨta mbaeporou reta jókuae ɨvɨ güi, chevecha reta yogüɨreko pɨagüive vaerä ñuu pe jare oke pɨagüive vaerä kaa reta rupi.

MALAQUÍAS 2:5

“Jókuae cheporogüɨrökuavee päve Leví iñemuña reta ndive jae ko tekove jare mbɨakatu. Kuae reta amee chupe oipoɨu vaerä chegüi jare chemboete vaerä; oipoɨu reta chegüi jare chemboete.

NÚMEROS 25:12

Jáeramo emombeu chupe reta, ayapo ko jae reta ndive morogüɨrökuavee päve mbɨakatu pegua;

San Mateo 16:18

Jare che vi jae ndeve, nde jae ko Pedro. Jare che etei amopüata cherembiparavo reta kuae ita guasu re, jare mano ngaraa mbaepuere güɨnoi jese reta.

San Mateo 24:35

Ara jare ɨvɨ opata ko, ërei cheñee reta ngaraa opa.

San Mateo 5:18

Añete che jae peve, ara jare ɨvɨ oiko ramboeve ngaraa oyemboai metei kuatía michi yae vae ani yeai ave yepe Moisés iporookuai güi ndei opaete oyembopo mbove.

Romanos 11:29

Echa Tumpa omee chupe reta vae, ngaraa opɨ̈ro ye. Jare oporoenɨi yave, mbaetɨ oipoepɨ.

Tito 3:5

yandemboasa, mbaetɨ jupi vae yayapo ramo, jaeño yandemboasa iporoparareko rupi, yandeyoe ɨ pe, ombopɨau yanderekove Espíritu Santo rupi.

Hebreos 12:27

Jókuae “metei vese ye” jei vae oipota jei, Tumpa oekɨta ipuere okana vae reta, jae oyapogüe reta, opɨta vaerä jókuae ipuerembae oñemomɨi vae reta.

Apocalipsis 6:14

Jare ara opa yapúa tupapire rami; jare opaete ɨvɨtɨ reta jare ɨguasu päu pegua ɨvɨ reta oyembosɨrɨ jenda güi.