ISAÍAS 54:1 - Biblia Guarani Tumpa Iñee

¹ Imembɨmbae vae, eyerovia; nde mbaetɨi nemembɨ vae, etairari, reyerovia güi, echa yandeYa jei: “Kuña oyeeyagüe, jetata imembɨ, kuña ime ndive oï vae güi.”

ISAÍAS 54:1 ပူးပေါင်းရင်းမြစ်များ

GÉNESIS 21:6

Jayave Sara jei: “Tumpa chemombukauka, jare oipotagüe oendu yave cheregua, opukata vi che rami oyerovia güi.

SALMOS 113:9

Jae omee kuña imembɨmbae pe, imembɨ vaerä, jare oyekou vaerä imembɨ reta re. ¡Aleluya!

CANTARES 8:8

Yandereindɨ raɨ ndei vɨteri ikambusu. ¿Mbae ra yayapota yandereindɨ raɨ pe, yogüeru yave oporopɨɨ jese?

ISAÍAS 12:6

Pesapúkai jare petairari peyerovia güi, pe Sión pegua reta, echa Tumpa, Iyoambae Israel pegua tuicha yae vae, oime oï pepɨte pe.”

ISAÍAS 24:14

Omomaragüe reta osapukaita oyerovia reve, kuaraɨ oikea kotɨ güi otairari retata, oecha reta yave yandeYa imbaepuere, tuicha yae ko vae.

ISAÍAS 44:23

¡Ara, etairari reyerovia reve yandeYa oyapogüe re! ¡Ɨvɨroso guasu, esapúkai reyerovia reve! ¡Ɨvɨtɨ reta jare kaa reta opaete ɨvɨra reta pɨpegua ndive, pesapúkai peyerovia reve! Echa yandeYa oyora Israel, Jacob iñemuña reta, jare Israel iñemuña rupi oyemboeteuka yaeta.

ISAÍAS 49:13

¡Ara ipo reta, petairari reyerovia güi! ¡Ɨvɨ ipo reta, peyerovia yae! ¡Ɨvɨtɨ reta, perɨapu peyerovia reve! Echa yandeYa ombopɨakatu tëta imbae vae, oiparareko oiporara yogüɨreko vae reta.

ISAÍAS 49:19

Ndeɨvɨ opa etei oyemboai oï, opa oñererokomegua oï jare ipoä opɨta; ërei añave, ndeɨvɨ ipɨmiita opɨta, jeta yae vae jeko pegua. Kuae ɨvɨ imboaia reta matɨ ma yogüɨrekota.

ISAÍAS 49:20

Nemembɨ reta opa tëi ketɨ oyereraja ndegüi vae, oendukata ndeve: ‘Ipɨmii yae opɨta kuae ɨvɨ, pemee oreve ɨvɨ roiko pɨpe vaerä.’

ISAÍAS 62:4

Ngaraa ye ma ndembojee reta “Oyeeyagüe pe”, ngaraa ye ma jei reta ndeɨvɨ pe “Oyemboai vae”, ërei ndembojee retata Hefzi-bá pe jare ndeɨvɨ oyembojeeta Beula, echa yandeYa iporoaɨu oï nde ndive, jare jae oikota ndeve, ndeɨvɨ ndive omenda rami.

ISAÍAS 66:7

Ndei imembɨ iara oa vaerä tëi mbove, oa ma, ndei imembɨrasɨ mbove, oa imembɨ kunumi.

SOFONÍAS 3:14

¡Etairari tëta Sión! ¡Pesapúkai, peyerovia katu güi Israel iñemuña reta! ¡Eyerovia opaete ndepɨa ndive Jerusalén!

ZACARÍAS 9:9

¡Eyerovia yae tuicha tëta Sión! ¡Eyerovia esapúkai reve tëta Jerusalén! Mase, ko nderuvicha guasu outa ndekotɨ, jupi vae jare oporoepɨ vae, oñemomichi vae, opo ou metei mburika kuimbae taɨrusu vae re, mburikamí imembɨ re.

Gálatas 4:27

Echa Tumpa Iñee oyekuatía oï körai: “Imembɨmbae vae, eyerovia, nde mbaetɨi nemembɨ vae; esapúkai, eyerovia güi, nde mbaetɨ membɨrasɨ reiporara vae; echa kuña oyeeyagüe, jeta yaeta ko imembɨ, kuña ime ndive oï vae güi.”

1 SAMUEL 2:5

tenonde yave jɨ̈vɨatase vae reta, añave oñemee reta tembíu re; ërei yɨmbɨaɨse vae reta añave mbaetɨ ma yɨmbɨaɨ. Kuña imembɨmbae vae reta, chiu ma imembɨ, jare jeta imembɨse vae reta, añave ipɨtu opɨta.