ISAÍAS 53:7 - Biblia Guarani Tumpa Iñee

⁷ Oiporara jare ipɨatɨtɨ jae, mbaetɨ etei iñee omoë; vecha kuimbae oyereraja mbaeyukaa pe rami; jare vecha mbaetɨ jäse iñapía reta ipo pe rami, kïrii ngatu, mbaetɨ etei iñee omoë.

ISAÍAS 53:7 ပူးပေါင်းရင်းမြစ်များ

SALMOS 38:14

Aiko iyapɨsambae rami, mbaetɨ amoë cheñee ayeepɨ vaerä.

SALMOS 38:15

Echa ndereño ayeko cheYa Tumpa, nde reikuaata mbae reyapo vaerä chupe reta cheYa Tumpa.

SALMOS 44:22

Ërei nderé rogüɨrovia jeko pegua, yemomburu rupi roiko ara ñavo; oyemongeta reta oreré vecha oyeyukata mbaeyukaa pe vae re rami.

ISAÍAS 50:6

Amee chekupe, chenupa reta vaerä vae reta pe, jare amaeño cherendɨvaa mondoro reta. Cherova mbaetɨ arova iñeenguru jare ondɨvɨ cheré vae reta güi.

ISAÍAS 53:6

Opaete yande reta yanderopa vecha reta jopa rami, metei ñavo opia jape jape ae rupi; ërei ngatu yandeYa oñono jese opaete yandeyoa.

JEREMÍAS 11:19

Che aiko, metei vecha kuimbae taɨrusu vae oyereraja mbaeyukaa pe rami, aikuaambae reve oime ko oyemongeta pɨ̈chɨi reta chekotɨ vae. Jei reta chekotɨ: “Yayasɨa ɨvɨra ia kavi oï añave vae, yayasɨa kuae ɨvɨ güi, oikove vae reta ipɨte güi, agüɨye vaerä mo kia imaendúa jese.”

San Mateo 26:63

Ërei Jesús mbaetɨ mbae jei. Jayave sacerdote reta itenondegua ete jei ye chupe: —Tumpa oikove vae jee re ere oreve, ¿nde pa ko jae Cristo, Tumpa Taɨ?

San Marcos 14:61

Ërei Jesús kïriiño. Mbaetɨ etei mbae jei. Jayave sacerdote tenondegua oparandu ye chupe jei: —¿Nde pa ko jae Cristo? ¿Nde pa ko jae Imboetea vae Taɨ?

San Marcos 15:5

Ërei Jesús jeseve mbaetɨ etei mbae jei. Jáeramo Pilato ipɨakañɨ jese.

San Lucas 23:9

Jayave Herodes oparandu Jesús pe jeta mbaembae re, ërei Jesús mbaetɨ etei jei mbae ave chupe.

San Juan 1:29

Pɨareve pe Juan oecha Jesús ou ikotɨ jare jei: “Mase, kuae ko jae Tumpa iVecha kuimbae taɨrusu vae. Omboai opaete ɨvɨ pegua reta iyoa vae.

San Juan 19:9

Jayave oike ye morojäa renda pe jare oparandu Jesús pe: —¿Kia pegua pa nde? Ërei Jesús kïriiño chugüi.

1 Pedro 2:23

Yepe tëi ïru vae reta jei ikavimbae vae ikotɨ, ërei jae mbaetɨ omboyevɨ ñee ikavimbae vae ikotɨ reta. Oiporara oï yave, mbaetɨ jei oiporaraukata ko chupe reta vae. Jaeño oñono Tumpa oporojäa jupi rupi vae ipo pe.

Apocalipsis 5:6

Jare aecha metei Vecha kuimbae taɨrusu vae oyeyukagüe rami vae. Oyemboɨ oï jókuae tenda jare jókuae irundɨ oikove vae reta ipäu pe, tenondegua okuakuaa vae reta ipäu pe. Jae güɨnoi chiu jäti jare chiu jesa jae ko Espíritu Santo chiu jembiapo vae opaete ɨvɨ rupi oyemondo vae.