ISAÍAS 53:6 - Biblia Guarani Tumpa Iñee

⁶ Opaete yande reta yanderopa vecha reta jopa rami, metei ñavo opia jape jape ae rupi; ërei ngatu yandeYa oñono jese opaete yandeyoa.

ISAÍAS 53:6 ပူးပေါင်းရင်းမြစ်များ

GÉNESIS 22:6

Javoi Abraham oupi yepea mɨmba oyeyukagüe opaetei oyeapɨ vae oapɨ pɨpe vaerä vae jare oñono taɨ Isaac iyatiɨ re, jare jae güɨraja ipo pe tata jare kɨse; jare opa yogüɨraja reta.

SALMOS 119:176

Akañɨ aiko, vecha okañɨgüe rami, ¡eyu chereeka che nderembiokuai, echa mbaetɨ cheakañɨ ndeporookuai reta güi!

SALMOS 69:4

Cheäka re chea oï vae güi jeta yae cherekombae reve chemotareɨ vae reta; jëia yae oyeapo cherovaicho reta, cherekombae reve chemokañɨtei vae reta, oipota omboepɨuka reta cheve, mbaetɨ añomi vae.

ISAÍAS 40:2

pemiari kavi mboroaɨu ndive Jerusalén ndive; pesapúkai reve pere chupe, kërai oiporara vae iyapɨta ma, iyoa re cheɨ̈ro ma chupe; echa aiporarauka yae ma chupe reta, opaete iyoa reta re.”

ISAÍAS 53:10

Ërei opaete kuae reve yandeYa oiporarauka chupe, omee oiporara yae vaerä. Omee jekove mano pe, mbaeyoa omboai vaerä yave, oechata iñemuña reta, oiko pukuta, jare ipo pe yandeYa jemimbota oë kavita.

ISAÍAS 53:11

Oechata oiporaragüe jekovia, jare ipɨakatuta opɨta; cherembiokuai jupi vae iyarakuaa katu rupi ombojupita jeta vae, güɨrajata jae reta iyoa.

ISAÍAS 53:12

Jáeramo, che ameeta chupe oï vaerä jëia yae vae reta ndive, jare imbaepuere vae reta ndive omboyaota ñeraroa pe mbae opɨ̈rogüe; echa omee ramo jekove omano regua, jare oyepapa iyoa vae reta ndive, güɨraja ramo jeta vae reta iyoa, jare oyerure iyoa vae reta re.

ISAÍAS 53:5

Ërei ngatu jae ipere ko, yandepɨapochɨ reta re, oiporara ko yandeyoa jeko pegua; jae oiporara mbɨakatu ñanoi vaerä, jare ipere rupi ko yakuera.

ISAÍAS 53:7

Oiporara jare ipɨatɨtɨ jae, mbaetɨ etei iñee omoë; vecha kuimbae oyereraja mbaeyukaa pe rami; jare vecha mbaetɨ jäse iñapía reta ipo pe rami, kïrii ngatu, mbaetɨ etei iñee omoë.

ISAÍAS 55:7

Iyoa vae toyepoepɨ, jare kuimbae ipɨapochɨ yae vae toeya iyemongeta, jare toyerova ye yandeYa kotɨ, jare jae iporopararekota jese, jare ñaneTumpa kotɨ, echa jae ipɨakavi avei iñɨ̈ro vaerä.

ISAÍAS 55:8

YandeYa jei: Cheyemongeta reta mbaetɨ ko peyemongeta reta rami, jare perape reta, mbaetɨ cherape rami.

ISAÍAS 56:11

Yaɨmba jɨ̈vɨatambae rami ko, maangarekoa mbae oikuaambae vae; opaete yogüɨreko ipɨa jemimbota reño, iyeupeguaräño mbae oeka reta.

ISAÍAS 6:7

jare pɨpe cherembe oñátai reve jei: “Mase, kuae tätapɨi oñátai nderembe. Oyeekɨ ndegüi ndereko, jare oyetɨo ndeyoa.”

ISAÍAS 66:3

Toro oyuka omee cheve vae, kuimbae oyuka ramiño ko; vecha oyuka omee cheve vae, yaɨmba oñaseokɨ̈ti vae ramiño ko; mbota temitɨ jäɨgüe omee cheve vae, kuchi jugüɨgüe omee vae ramiño ko; mbota mbae ikäti kavi vae incienso omee cheve vae, tumpa-raanga reta omboete vae ramiño ko. Echa kuae mbaembae iyapoa reta, jae reta aeño, oiparavo yogüɨreko vaerä ikavimbae rupi, ipɨa oaɨu yae kuae mbaembae ikavimbae vae.

JEREMÍAS 50:6

Tëta chembae vae vecha okañɨgüe rami ko, mbaetɨ güɨroata kavi iyangarekoa reta, omaeño okañɨ reta ɨvɨtɨ rupi. Opa yogüɨraja ɨvɨtɨ reta rupi, iñakañɨ regua jókai güi.

EZEQUIEL 3:18

Che jae yave iyoa vae pe: ‘Remanota ko’; jare nde mbaetɨ remboarakuaa ani remombeu chupe oeya vaerä jeko ikavimbae oikove oiko vaerä yave, jae omanota jeko kavimbae jeko peguai, ërei che romboekota imano re.

DANIEL 9:5

oreyoa, royapo ikavimbae, royapo jupimbae; orepɨa pochɨ jare royembosɨrɨ ndeporookuai reta güi.

Romanos 4:25

echa jae oñemee omano vaerä yandeyoa reta re jare oikove ye yandembojupi vaerä.

Santiago 5:20

peikuaa kuae: Jókuae oporomborɨ vae oepɨ ko jókuae opia vae jekove mano güi, jare Tumpa iñɨ̈rota jeta imbaeyoa reta re.

1 Pedro 2:25

Echa opaete pe reta peropa yepi vecha reta jopa rami, ërei añave peyerova ye ma Oyangareko vae jare Omae peré vecha re rami vae kotɨ.

1 Pedro 3:18

Cristo vi metei veseño oiporara yandeyoa reta re. Jupi vae oiporara jupimbae vae reta re, yandereraja vaerä Tumpa pe. Jae jete omano kuimbae rami ërei oikove ye Espíritu pegua.

JUECES 21:25

Jókuae ara rupi mbaetɨ vɨteri mburuvicha guasu Israel pe, jare metei vae ñavo oyapo ipɨa jemimbota.