ISAÍAS 53:4 - Biblia Guarani Tumpa Iñee

⁴ Añetete jae güɨraja yandembaerasɨ reta, jare oiporara yandembaeporara reta; ërei yandeve reta Tumpa oinupa rami, ombopere jare oiporarauka chupe rami ñamae jese.

ISAÍAS 53:4 ပူးပေါင်းရင်းမြစ်များ

SALMOS 69:26

Echa oiporarauka reta, nde reiporarauka chupe vae pe; jare oyóyai yóyai reta nde rembopere vae.

SALMOS 69:27

Jeko kavimbae pe emboekovia ikavimbae, jare agüɨye etei neɨ̈ro chupe.

SALMOS 69:8

¡Ketɨguaecha aiko cherëtara reta pe, jare chesɨ imembɨ reta mbaetɨ chekuaa rami!

ISAÍAS 53:10

Ërei opaete kuae reve yandeYa oiporarauka chupe, omee oiporara yae vaerä. Omee jekove mano pe, mbaeyoa omboai vaerä yave, oechata iñemuña reta, oiko pukuta, jare ipo pe yandeYa jemimbota oë kavita.

LEVÍTICO 16:10

Ërei Azazel peguarä kavara kuimbae oyembosuerte vae, tomee jekove reveño cheróvai, jare toyapo ñeñono kavi jese, javoi tomondo Azazel kotɨ ñuu pe.

ZACARÍAS 13:7

YandeYa Imbaepuere yae ete vae jei: “¡Kɨsepuku, epüa vecha iyangarekoa kotɨ, jókuae kuimbae cheïru kotɨ! ¡Eyuka vecha iyangarekoa jare toñemoai vecha reta, jare chepo añonota vecha raɨ reta kotɨ!

NÚMEROS 7:15

jare metei toro taɨrusu vae, metei vecha kuimbae, metei vecha kuimbae taɨrusu vae metei año vae, mɨmba oyeyuka opaetei oyeapɨ vaerä vae;

San Mateo 26:37

Jayave güɨraja Pedro jare jókuae mókoi Zebedeo taɨ reta, jare omboɨpɨ ipɨatɨtɨ jare oiporara yae.

San Mateo 8:17

Oyembopo vaerä ñeemombeúa Isaías jei vae. Echa jei: “Jae etei güɨraja yandembaerasɨ reta.”

San Juan 19:7

Judío reta jei Pilato pe: —Ore rogüɨnoi metei mborookuai, jare jókuae mborookuai rupi omanota ko. Echa jei iyeupe jae ko Tumpa Taɨ.

Romanos 4:25

echa jae oñemee omano vaerä yandeyoa reta re jare oikove ye yandembojupi vaerä.

Gálatas 3:13

Ërei Cristo yandereepɨ ma mborookuai iyepopeyu güi, echa jae oyemboekouka yanderekovia pe. Echa oyekuatía oï körai: “Tijeko ɨvɨra re osagüɨu omano vae.”

Hebreos 9:28

Jökoraiño vi Cristo metei veseño güɨrökuavee jekove mano pe, güɨraja vaerä jeta vae reta iyoa. Jare ou ye yave mbaetɨta ma ou omboasa vaerä iyoa vae reta, outa güɨraja vaerä jese oäro vae reta.

1 Pedro 2:24

Cristo etei güɨraja yandeyoa reta jete re kurusu re, yande ñamano ñaï mbaeyoa pe vae yaikove vaerä jupi vae re. Jare jae oyekutu vae rupi yakuera.

1 Pedro 3:18

Cristo vi metei veseño oiporara yandeyoa reta re. Jupi vae oiporara jupimbae vae reta re, yandereraja vaerä Tumpa pe. Jae jete omano kuimbae rami ërei oikove ye Espíritu pegua.

1 Juan 2:2

Jae imano rupi Tumpa iñɨ̈ro yandeve yandeyoa reta re; ërei mbaetɨ yandeyoa reño, opaete ɨvɨ pegua reta iyoa reta re vi ko.