ISAÍAS 53:11 - Biblia Guarani Tumpa Iñee

¹¹ Oechata oiporaragüe jekovia, jare ipɨakatuta opɨta; cherembiokuai jupi vae iyarakuaa katu rupi ombojupita jeta vae, güɨrajata jae reta iyoa.

ISAÍAS 53:11 ပူးပေါင်းရင်းမြစ်များ

ISAÍAS 42:1

“Mase, ko oï cherembiokuai, che ayangarekota jese vae; cherembiparavo, chepɨa oyerovia jese vae; jese añono cheEspíritu; jae güeruta jupi vae opaete tëtaguasu reta peguarä.

ISAÍAS 45:25

Cheré opaete Israel iñemuña reta oyembojupita jare oyemboeteta.”

ISAÍAS 49:3

Jare jei cheve: “Israel, nde ko cherembiokuai, nderé ayemboeteukata.”

ISAÍAS 52:13

Mase, cherembiokuai oyekou yaeta ko, oyembotuichaukata jare jërakua yaeta.

ISAÍAS 53:12

Jáeramo, che ameeta chupe oï vaerä jëia yae vae reta ndive, jare imbaepuere vae reta ndive omboyaota ñeraroa pe mbae opɨ̈rogüe; echa omee ramo jekove omano regua, jare oyepapa iyoa vae reta ndive, güɨraja ramo jeta vae reta iyoa, jare oyerure iyoa vae reta re.

ISAÍAS 53:8

Oipɨɨ reta jare ojäa reta oyuka; jare mbaetɨ iñemuña jërakua vaerä. Echa oyeasɨa kuae ɨvɨ güi, oikove vae reta ipɨte güi, cherëta pegua reta ipɨapochɨ vae jeko pegua omano.

DANIEL 12:3

Yarakuaa katu vae reta omboesapeta, ara jembipe rami; jeta vae omboe jupi re vae reta, omboesapeta yasɨtata rami jekuae avei pegua.

DANIEL 9:24

Setenta semana oasata nerëtaɨgua reta re jare nerëta guasu oñeñono tee vae re, opa vaerä oyemboai mbaeyoa yavaetegüe jare ikavimbae, oime vaerä ñɨ̈ro mbae ikavimbae re, jare jupi vae oime vaerä jekuae avei pegua, oyembopo vaerä jókuae mbae oyeecha jare maratuta vae, jare oñeñono tee vaerä Tumpa pe oñeñono tee kavi yae vae.

San Mateo 20:28

Echa che Kuimbaerä ayeapo vae ayu ayeokuai vaerä ïru vae reta pe. Mbaetɨ ayu ïru vae reta oyeokuai cheve vaerä. Ayu amano vaerä, jeta vae aepɨ vaerä.

San Lucas 22:44

Jesús oiporara yae oï, jare jeiete oyerure Tumpa pe. Jɨai oa ɨvɨ re tugüɨ tuicha otɨkɨ rami.

San Juan 12:24

Añetete che jae peve, metei trigo jäɨgüe mbaetɨ oñeotɨ yave, opɨta jökoraiño. Ërei oñeotɨ yave, jeta oñemoña.

San Juan 16:21

Metei kuña imembɨ oata oï yave, oiporara yae jasɨ chupe ramo, echa oväe iora. Ërei imembɨ oa ma yave, mbaetɨ ma imaendúa oiporara yae vae re. Echa oyerovia imembɨ oa vae re.

San Juan 17:3

Jare tekove opambae vae jae ko: Ndekuaa reta vaerä nde ko jae meteiño Tumpa añetete vae, jare che Jesucristo nde rembou vae.

Romanos 4:24

oyekuatía vi yanderé, echa yandeporogüɨrovia rupi Tumpa omae vi yanderé jupi; kuae ko, yarovia Tumpa omoingove ye yandeYa Jesús omanogüe reta ipɨte güi vae re vae;

Romanos 5:9

Vɨtei pa yayembojupi ma Jesucristo jugüɨ rupi yave, jae rupi yaasayepeta Tumpa iyarasɨ güi.

1 Corintios 6:11

Jökorai ko pe reta yepi. Ërei peyetɨouka ma, peñeñono teeuka ma, peyembojupiuka ma yandeYa Jesús jee re jare yandeRu Tumpa iEspíritu rupi.

2 Corintios 4:6

Echa Tumpa ko jei oime vaerä pɨtumimbi pe tembipe. Jae etei ko omoembipe orepɨa pe, roikuaa vaerä Tumpa iyemboetea oyekuaa Jesucristo rupi.

Gálatas 4:19

Cheraɨ reta, jekuae oiporara ye peré, metei kuña imembɨrasɨ vae oiporara yae oï rami; Cristo etei oyekuaa regua peré.

Hebreos 12:2

Jare ñamae avei Jesús re, mborogüɨrovia iyapoa jare jae vi ombokavi. Jae tuicha güɨropɨa omano vaerä kurusu re, oyandúä oiporarauka chupe vae reta pe. Jare oguapɨ oï Tumpa iyakatu kotɨ.

Hebreos 9:28

Jökoraiño vi Cristo metei veseño güɨrökuavee jekove mano pe, güɨraja vaerä jeta vae reta iyoa. Jare ou ye yave mbaetɨta ma ou omboasa vaerä iyoa vae reta, outa güɨraja vaerä jese oäro vae reta.

1 Pedro 2:24

Cristo etei güɨraja yandeyoa reta jete re kurusu re, yande ñamano ñaï mbaeyoa pe vae yaikove vaerä jupi vae re. Jare jae oyekutu vae rupi yakuera.

1 Pedro 3:18

Cristo vi metei veseño oiporara yandeyoa reta re. Jupi vae oiporara jupimbae vae reta re, yandereraja vaerä Tumpa pe. Jae jete omano kuimbae rami ërei oikove ye Espíritu pegua.

2 Pedro 3:18

Ërei pekuakuaa Tumpa ipɨakavi pe, jare yandeYa Jesucristo yandemboasa vae peikuaa kavi vae pe. ¡Jae toyemboeteuka añave jare jekuaekuae avei rupi! ¡Amén!

1 Juan 2:1

Cheraɨ aaɨu vae reta, aikuatía kuae mbaembae regua peve agüɨye vaerä peyoa. Ërei kia nunga vae iyoa yave, oime ñanoi oñemoe vaerä yanderé yandeRu Tumpa jóvai vae, jae ko Jesucristo jupi vae.

2 Juan 1:1

Che oporogüɨrovia vae reta itenondegua aikuatía kuae tupapire pe Tumpa peparavo vae, joko pe peyemboatɨ vae reta pe, che poaɨu añete vae re. Mbaetɨ cheño poaɨu, opaete añete vae oikuaa vae reta vi.

2 Juan 1:3

YandeRu Tumpa jare Taɨ yandeYa Jesucristo ipɨakavi, iporoparareko jare ipɨakatu toï pe ndive añetete rupi jare mboroaɨu rupi.