ISAÍAS 52:9 - Biblia Guarani Tumpa Iñee

⁹ ¡Petairari mbaemboete, peyerovia päve Jerusalén oyemboaigüe; echa yandeYa ombopɨakatu jëta, oepɨ ye Jerusalén!

ISAÍAS 52:9 ပူးပေါင်းရင်းမြစ်များ

SALMOS 102:22

oyemboatɨ yave opaete tëtaguasu reta ketɨ ketɨ güi, metei rami oyeokuai reta vaerä yandeYa pe.

SALMOS 98:4

Opaete ɨvɨ pegua reta, petairari yandeYa pe peyerovia reve, pesapúkai jare peyepopete petairari salmo reta.

ISAÍAS 12:6

Pesapúkai jare petairari peyerovia güi, pe Sión pegua reta, echa Tumpa, Iyoambae Israel pegua tuicha yae vae, oime oï pepɨte pe.”

ISAÍAS 14:7

Opaete ɨvɨ pegua reta oputuu pɨagüive ñogüɨnoi, jare jäsémbai oyerovia reta güi.

ISAÍAS 40:1

PeTumpa jei: “Pemoäta ngatu, pemoäta ngatu, tëta chembae;

ISAÍAS 43:1

Añave, Israel, Jacob iñemuña reta, yandeYa, ndeapoa jei ndeve körai: “Agüɨye ekɨɨye, che ko roepɨ; che ko reenɨi, chembae ko nde.

ISAÍAS 44:22

Opa amboai ndepɨapochɨ reve reyavɨgüe amapɨtu opa okañɨ rami, jare ɨ̈vɨti rami opa amokañɨ ndeyoa reta. Eyerova ye chekotɨ, echa che royora.”

ISAÍAS 44:23

¡Ara, etairari reyerovia reve yandeYa oyapogüe re! ¡Ɨvɨroso guasu, esapúkai reyerovia reve! ¡Ɨvɨtɨ reta jare kaa reta opaete ɨvɨra reta pɨpegua ndive, pesapúkai peyerovia reve! Echa yandeYa oyora Israel, Jacob iñemuña reta, jare Israel iñemuña rupi oyemboeteuka yaeta.

ISAÍAS 44:26

Ërei ayapo oyembopo vaerä cherembiokuai reta omombeu vae, jare ayapo oë kavi vaerä cheremimondo reta oyemongeta oyapo vaerä vae. Che amoërakua Jerusalén oñemopüa pɨau yeta vae, oime yeta ipo kuri vae, jare ɨvɨ Judá pegua tëta reta opa yeta oñemopüa pɨau. Che amopüa yeta, opa oyemboai oï vae.

ISAÍAS 48:20

Peë Babilonia güi, petekuarai Caldeaɨgua reta ipɨte güi. Pesapúkai pemoërakua kuae, peyerovia reve, pemoërakua ɨvɨ iyapɨ rupi ave. Pere: ‘¡YandeYa oyora jembiokuai Jacob iñemuña reta!’ ”

ISAÍAS 49:13

¡Ara ipo reta, petairari reyerovia güi! ¡Ɨvɨ ipo reta, peyerovia yae! ¡Ɨvɨtɨ reta, perɨapu peyerovia reve! Echa yandeYa ombopɨakatu tëta imbae vae, oiparareko oiporara yogüɨreko vae reta.

ISAÍAS 51:12

“Che ko jae pombopɨakatu vae. ¿Maera pa pekɨɨye kuimbae güi?, jae ko omano vae. ¿Maera pa pekɨɨye kuimbae kapii ramiño vae güi?

ISAÍAS 51:3

Ambopɨakatuta Sión, tëta guasu opaetei oyemboai oï vae. Iɨvɨ ipombae oï vae amopörata, Edén pe ko raɨ añono rami. Joko pe oimeta yerovia jare vɨakatu, tairari mbaemboete pegua.

ISAÍAS 55:12

Echa peyerovia katu reve kavi peëta, jare mbɨakatu ndive peyerova yeta; ɨvɨtɨ guasu reta jare ɨvɨtɨ reta otairarita perenonde, jare opaete ɨvɨra reta ñana rupigua oyepopeteta.

ISAÍAS 61:4

Oñemopüa pɨau yeta arakae ma oyemboaigüe reta, ɨma yae ma o reta opa oyemboai vae oñemopüata, tëta guasu oyemboai vae oyeapo kavita.

ISAÍAS 63:9

opaete mbɨatɨtɨ rupi yogüɨreko vae güi. Jae etei ko ou güɨroasayepe reta; jae ko oepɨ reta iporoaɨu rupi jare iporoparareko rupi, jare güeru reta jare omopüa reta jekuae avei pegua.

MIQUEAS 4:10

Sión pegua reta, mbae tijasɨ peve jare peräse kuña imembɨrasɨ vae rami; echa añave opata peë jare peikota kaa rupi, peväe regua Babilonia pe, joko pe peyeyorauka yeta; joko pe yandeYa pepɨ̈rota perovaicho reta güi.

Gálatas 4:27

Echa Tumpa Iñee oyekuatía oï körai: “Imembɨmbae vae, eyerovia, nde mbaetɨi nemembɨ vae; esapúkai, eyerovia güi, nde mbaetɨ membɨrasɨ reiporara vae; echa kuña oyeeyagüe, jeta yaeta ko imembɨ, kuña ime ndive oï vae güi.”