ISAÍAS 52:7 - Biblia Guarani Tumpa Iñee

⁷ ¡Ipöra yae ko ɨvɨtɨ reta re oyekuaa ou, ñee ikavigüe yerovia pegua omoërakua vae, mbɨakatu omoërakua vae, mbae ipɨau ikavigüe omoërakua vae, yereroasayepe omoërakua vae, Sión pe jei vae: “NeTumpa oï mburuvicha guasurä”!

ISAÍAS 52:7 ပူးပေါင်းရင်းမြစ်များ

SALMOS 59:13

¡Emokañɨtei arasɨ ndive! ¡Emokañɨtei agüɨye vaerä ma yogüɨreko! ¡Opaete vae toikuaa Tumpa jae ko Jacob iñemuña reta juvicha guasu, opaete ɨvɨ iyapɨ rupi ave!

SALMOS 68:11

YandeYa omee ñee; jeta kuña omoërakua körai:

SALMOS 93:1

¡Mburuvicha guasu ko yandeYa! ¡YandeYa oyemonde yembotuicha pe, jare oñeova mbaepuere pe! Jae oñono jenda pe kavi kuae ɨvɨ, agüɨye vaerä omɨi.

SALMOS 96:10

Pere tëtaguasu reta rupi: “¡YandeYa ko jae mburuvicha guasu!” Jae oñono jenda pe kavi kuae ɨvɨ, agüɨye vaerä omɨi; jae ko güɨroata kuae tëta reta jupi rupi.

SALMOS 97:1

¡YandeYa jae ko Mburuvicha guasu! ¡Toyerovia opaete ɨvɨ! ¡Toyerovia opaete tëtaguasu reta ɨguasu jembeɨ rupigua!

SALMOS 98:2

YandeYa oechauka iporogüɨroasayepe, imbaejupi oechauka opaete tëtaguasu reta jesa róvai;

SALMOS 98:3

imaendúa iporoparareko re jare iñee re Israel iñemuña reta kotɨ vae re. ¡Opaete ɨvɨ pegua reta oecha iporogüɨroasayepe!

SALMOS 99:1

¡YandeYa ko mburuvicha guasu! Torɨrɨi tëta reta; ¡jae güɨnoi iguapɨa, araɨgua querubín reta iä ipäu pe vae! Tokana opaete ɨvɨ.

CANTARES 2:8

¡Aipo ma ou aaɨu vae! ¡Che aendu ma iñee! Ochäguariko ou ɨvɨtɨ rupi, oporise ou jɨsɨ rupi.

ISAÍAS 24:23

Jare yandeYa Imbaepuere yae ete vae oguapɨ mburuvicha guasurä ɨvɨtɨ Sión re, Jerusalén pe yave, yasɨ jare kuaraɨ ngaraa ma oesape, jare tëta imbae pegua tenondegua reta oecha iyemboetea.

ISAÍAS 33:22

Echa yandeYa ko jae oporojäa vae yandevegua, jae ko omee yandeve mborookuai vae, jae ko yandeRuvicha guasu, jae etei ko yandereepɨta.

ISAÍAS 40:9

Eyeupi ɨvɨtɨ ɨvate vae re, esapúkai täta emombeu ñee kavi reru Sión peguarä vae, ñee kavi reru Jerusalén peguarä vae, esapúkai rekɨɨyembae reve, ere Judá pegua tëta guasu reta pe: “¡Ko oï peTumpa!”

ISAÍAS 41:27

Che ko amoërakua kuae regua Sión pe iyɨpɨ güive, che ko ambou metei ñee jerajaa omoërakua vaerä ñee kavi Jerusalén pe.

ISAÍAS 42:11

Toyerovia ñuu reta jare pɨpegua tëta guasu reta, Cedar iñemuña reta jëta raɨ raɨ rupi. Totairari Sela pegua reta oyerovia güi, tosapúkai reta ɨvɨtɨ reta iyapɨte güi.

MIQUEAS 4:7

jare iköcho vae reta añonota jembɨregüe rami, jare jopagüe reta, metei tëtaguasu imbaepuere yae vaerä; jare che aïta peruvicha guasurä, ɨvɨtɨ Sión güi añave güive jekuae avei pegua.

NAHUM 1:15

¡Pemae! ¡Joko ma ou ɨvɨtɨ guasu reta iárambo ñee ikavi vae jerúa, mbɨakatu omoërakua vae! Judá, eyapo ndearete reta: Embopo reñererökuavee vae reta. Echa ngaraa ye ma oporepeña nderé jeko pɨ̈chɨi vae reta; opaetei ma oyemboai.

NAHUM 2:1

Nínive, oporomboai vae oporepeña ndekotɨ. ¡Eñono neraroa nekësea re! ¡Emae tape re! ¡Eñono ndekúa re kɨsepuku! ¡Emboatɨ ndemborɨa reta!

ZACARÍAS 9:9

¡Eyerovia yae tuicha tëta Sión! ¡Eyerovia esapúkai reve tëta Jerusalén! Mase, ko nderuvicha guasu outa ndekotɨ, jupi vae jare oporoepɨ vae, oñemomichi vae, opo ou metei mburika kuimbae taɨrusu vae re, mburikamí imembɨ re.

San Mateo 25:34

Jayave che Mburuvicha guasu. Jaeta cheakatu kotɨ ñogüɨnoi vae reta pe: ‘Peyu, cheRu iporerekua peré vae reta, peiko mborookuaía ɨvɨ oyeapo güive oñemokätɨro peve vae pe.

San Mateo 28:18

Jare Jesús oya katu jese reta jare jei chupe reta: —Opaete mbaepuere oñemee ma cheve ara pe jare ɨvɨ pe.

San Marcos 13:10

Jare Tumpa Iñee ikavi vae jërakuata räri ko opaete ɨvɨ pegua reta pe.

San Marcos 16:15

Jayave Jesús jei chupe reta: —Pekua opaete ɨvɨ rupi, pemoërakua ñee ikavi vae opaete vae reta pe.

San Lucas 2:10

Ërei araɨgua jei chupe reta: “Agüɨye pekɨɨye. Mase, amombeu peve ñee ikavi vae oporomboyerovia yaeta vae, kuae ñee opaete vae peguarä ko.

San Lucas 24:47

jare kërai oñemoërakuata jee re Jerusalén güive opaete tëtaguasu rupi oeya vaerä iyemongeta ikavimbae vae ipɨa pe güɨnoi vae jare Tumpa iñɨ̈ro vaerä chupe reta iyoa reta re.

Efesios 6:15

jare pemonde pepɨapaa jae ko peïndaivi peraja vaerä ñee ikavi vae mbɨakatu pegua.

Apocalipsis 11:15

Jare araɨgua omoñee chiúa mimbɨguasu yave, oyeendu ñee reta tätagüe, jei: “Mborookuaía reta ɨvɨ pegua ou opɨta yandeYa jare Cristo ipo pe. Jare jae oporookuaita jekuaekuae avei rupi.”

Apocalipsis 14:6

Jare aecha ïru araɨgua oveve ara mbɨte rupi, güɨnoi omoërakua vaerä ñee ikavi vae opambae vae ɨvɨ pegua reta pe, opaete tëtaguasu reta pe, ñemuña reta, ñee ambuae mbuae reta pe jare tëta reta pe,