ISAÍAS 52:6 - Biblia Guarani Tumpa Iñee

⁶ Ërei kuae jeko pegua, tëta chembae vae, metei ara chekuaa kavita; echa añave che etei chemiari aï vae, aïta joko pe.”

ISAÍAS 52:6 ပူးပေါင်းရင်းမြစ်များ

SALMOS 48:10

CheRu Tumpa, nderee Tuichagüe oï rami, jökorai ndemboete vae opaete ɨvɨ rupi. Ndembaepuere ndive reyapo jupigüe.

ÉXODO 3:13

Jare Moisés jei Tumpa pe: —Mase, aja aväe yave Israel iñemuña reta pɨri, jare jaeta chupe reta: “Peñemuñagüe reta iTumpa chembou pekotɨ,” jare jae reta oparandu yave cheve: “¿Mbae pa jee?” ¿Che pa, mbae jaeta chupe reta?

ÉXODO 33:19

Jayave yandeYa jei chupe: —Che aechaukata ndeve opaete chepɨakavi, nde rupi oñemoërakuata cheree, cheporopararekota che aipota vae re jare chepɨakavita che aipota vae re.

ÉXODO 6:3

Abraham, Isaac jare Jacob pe ayekuaauka, Tumpa Opaete mbaepuere güɨnoi vae ramiño; ërei mbaetɨ ayekuaauka chupe reta cheree peYa rupi.

ISAÍAS 40:9

Eyeupi ɨvɨtɨ ɨvate vae re, esapúkai täta emombeu ñee kavi reru Sión peguarä vae, ñee kavi reru Jerusalén peguarä vae, esapúkai rekɨɨyembae reve, ere Judá pegua tëta guasu reta pe: “¡Ko oï peTumpa!”

ISAÍAS 42:9

Mase, kërai oyembopo opaete mbaembae amoërakua iyɨpɨ güive voi vae, jare añave amoërakua ye mbae ipɨau vae, amombeu peve ndei oyekuaa mbove.”

ISAÍAS 49:23

Mburuvicha guasu reta ñogüɨnoita ndeangareko vaerä, jare tayɨ reta ñogüɨnoita oyangareko vaerä nemichia reta re. Oyetavatɨka retata nderóvai ɨvɨ re ndemboete, jare ndepɨ oipɨte retata. Jare chekuaata che ko jae peYa vae, jare kërai cheré güɨrovia vae reta ngaraa oñemomaraiuka.”

ISAÍAS 60:16

Tëtaguasu reta omeeta ndeve tembíu ikavigüe jare mburuvicha guasu reta güeruta ndeve imbaeyekou reta; jayave peikuaata che peYa ko jae pereroasayepe vae, che, Imbaepuere yae ete vae Jacob pe vae, che ko jae ndeReepɨ vae.

JEREMÍAS 31:34

Jare ngaraa ye ma metei ave omboe japicha vae, ani ramo jëtara vae, jei reve: ‘Eikuaa yandeYa’; echa opaete vae chekuaata, mbaeä etei vae reta güive opaete tuichagüe reta; echa cheɨ̈rota chupe reta jeko kavimbae re jare ngaraa ye chemaendúa iyoa reta re. Che peYa ko jae kuae.”

EZEQUIEL 20:44

Israel iñemuña reta, kuae ayapota peve ayeaɨu ramo, mbaetɨ pereko kavimbae ani ikavimbae yae peyapo vae jeko pegua, jayave pe reta chekuaata che ko jae peYa Tumpa.’ ” Jei yandeYa Tumpa.

NÚMEROS 23:19

Tumpa, kuimbaeä ko iyapu vaerä; jare kuimbae taɨä ko oipoepɨ vaerä iyemongeta. Jae mbae jei yave, oyapo. Mbae güɨrökuavee yave ombopo iñee.