ISAÍAS 52:4 - Biblia Guarani Tumpa Iñee

⁴ Echa tenonde yave, tëta chembae vae ojo Egipto pe, oiko vaerä joko pe; jaɨkue rupi Asiriaɨgua reta oiporaraukaiño chupe reta jupimbae reve.

ISAÍAS 52:4 ပူးပေါင်းရင်းမြစ်များ

GÉNESIS 46:6

Güɨraja reta jɨmba Canaán pe omoñemuñagüe jare opaete imbaembae, jare yogüɨraja Egipto pe.

GÉNESIS 46:7

Opaete taɨ reta, tayɨ reta jɨmɨmino reta yogüɨraja jae ndive Egipto pe.

JOB 2:3

Jare yandeYa jei Satanás pe: —¿Remae pa cherembiokuai Job re? Kërai mbaetɨ yé ïru kuimbae kuae ɨvɨ pe jae rami vae, jupi jare jeko sɨmbi vae, oipoɨu chegüi vae jare oyeandu ikavimbae güi vae, yepe nde chemoñera tëi ayapo vaerä ikavimbae vae chupe jekombae reve, ërei jae jekuaeño ipɨ̈rata jeko kavi pe.

SALMOS 25:3

¡Añetete, ngaraa etei oñemomaraiuka nderé oyeko vae reta! ¡Ërei oñemomaraiukata oyembopɨapochɨ jupimbae reve ndekotɨ vae reta!

SALMOS 44:12

remeeiño ndembae vae reta, mbaetɨ etei rekovara kërai ave yepe.

SALMOS 69:4

Cheäka re chea oï vae güi jeta yae cherekombae reve chemotareɨ vae reta; jëia yae oyeapo cherovaicho reta, cherekombae reve chemokañɨtei vae reta, oipota omboepɨuka reta cheve, mbaetɨ añomi vae.

ISAÍAS 14:25

Asiriaɨgua reta opata amboai cheɨvɨ pe, cheɨvɨtɨ re opata apɨ̈ro jese reta, mbaetɨta ma güɨnoi reta mbaepuere tëta chembae vae re, mbaetɨta ma oiporarauka chupe reta.

JEREMÍAS 50:17

Israel ko metei vecha okañɨgüe rami, yaguapope reta opa omoai moai rami. Tenonde ete mburuvicha guasu Asiria pegua opa jou; jaɨkue rupi, Nabucodonosor mburuvicha guasu Babilonia pegua, opa oikäo.

San Juan 15:25

Kuae oyapo reta oyembopo vaerä mborookuai pe oyekuatía oï vae. Echa oyekuatía oï körai: “Chemotareɨ reta cherekombae reve.”