ISAÍAS 52:15 - Biblia Guarani Tumpa Iñee

¹⁵ Jökoraita jae omopɨakañɨ, jeta tëtaguasu reta; mburuvicha guasu reta ngaraa etei iñee omoë jóvai, echa oecha retata mbaetɨi kia omombeu chupe vae, jare oikuaa retata mbaetɨi oendu vae.

ISAÍAS 52:15 ပူးပေါင်းရင်းမြစ်များ

JOB 21:5

Pemae cheré jare pekɨɨyeta, jare peyeyuruopɨ pepɨakañɨ güi.

JOB 40:4

Mase, che mbaeä etei ko nderóvai, ¿mbae pa jaeta ndeve?

ISAÍAS 49:23

Mburuvicha guasu reta ñogüɨnoita ndeangareko vaerä, jare tayɨ reta ñogüɨnoita oyangareko vaerä nemichia reta re. Oyetavatɨka retata nderóvai ɨvɨ re ndemboete, jare ndepɨ oipɨte retata. Jare chekuaata che ko jae peYa vae, jare kërai cheré güɨrovia vae reta ngaraa oñemomaraiuka.”

ISAÍAS 49:7

YandeYa, oPoroepɨ vae, Tumpa Iyoambae Israel pegua, jei oñemotareɨuka ïru tëtaguasu reta pe vae pe, ipɨarai vae reta jembipɨɨrä oiko vae pe: “Mburuvicha guasu jare mburuvicha reta ndereecha yave, opüata jare ndemboeteta; echa che ndeYa, Tumpa Iyoambae Israel pegua jupi vae ko, che ko roparavo.”

ISAÍAS 51:5

Köi yae ma oï aï vaerä mburuvicharä, cheporogüɨroasayepe oyemboɨpɨ ma; chembaepuere rupi aïta mburuvicharä tëta reta re. Tëtaguasu reta ɨguasu jembeɨ rupigua cheräro ñogüɨnoi, chembaepuere re oyeko retata.

ISAÍAS 55:5

Mase, reenɨita kuimbae reikuaambae reta, jare kuimbae ndekuaambae reta yogüeruta ndekotɨ, che ndeYa Tumpa jeko pegua, Iyoambae Israel pegua ndemboeteuka vae jeko pegua.

EZEQUIEL 36:25

Poyoeta ɨ ikɨambae vae yetɨo pegua pe rami, jare ikɨambae pepɨtata cheróvai opaete peyemongɨa pɨpe vae güi; potɨota opaete petumpa-raanga reta güi.

ZACARÍAS 2:13

¡Tikïrii opaete vae yandeYa jóvai; echa jae ou jëta ikɨambaea güi!

NÚMEROS 19:18

Javoi kuimbae ikɨambae oï vae toipɨɨ ñana hisopo, jare tomopöe jókuae ɨ pe, jare toñapiramo o guakapi pegua re, jare opaete mbaembae pɨpegua re, jare opaete joko pe ñogüɨnoi vae reta re, jare kia ikägüegüe oyavɨkɨ vae re, ani tëogüe ñana pe oï vae, kɨsepuku pe omano vae, ani omanoi vae, ani tɨvɨa re vae.

NÚMEROS 8:7

Körai eyapo chupe reta: Eñapiramo reta ɨ yetɨo pegua pe, toñapi reta opaete jete, jare toputuka reta jemimonde, jare tikɨambae topɨta reta Tumpa jóvai.

San Mateo 28:19

Jáeramo pekua pemboe opaete tëtaguasu pegua reta cheremimboerä, jare pembobautisa cheRu jee re, cheree re jare Espíritu Santo jee re.

Hechos 2:33

Jare Tumpa güɨraja güire oñono iyakatu kotɨ, jare omee chupe jókuae jei omeeta chupe Espíritu Santo vae. Jáeramo Jesús etei ko ombou kuae peecha jare peendu vae.

Hebreos 10:22

yayemboya Tumpa re yandepɨa jupi reve, yarovia kavi reve, yandepɨa oyetɨo reve yemongeta ikavimbae güi, jare yanderete oyeyoe reve ɨ ikɨambae pe.

Hebreos 11:28

Iporogüɨrovia rupi Moisés oyapo Pascua jare oñapiramo öke reta tugüɨ pe, agüɨye vaerä araɨgua mano jerúa oyuka Israel iñemuña taɨrɨpɨ reta.

Hebreos 12:24

jare Jesús re, oporomoñoövaiti morogüɨrökuavee päve ipɨau ndive vae re, jare Jesús jugüɨ yandetɨo vae re, jókuae tugüɨ ikavi yae Abel jugüɨ omee vae güi.

1 Pedro 1:2

yandeRu Tumpa peparavo, ndei ɨvɨ oyeapo mbove oikuaa voi pe reta peyeapota ko taɨ retarä. Espíritu Santo peñono tee Tumpa peguarä, peñeereendu katu vaerä jare peyeyoe vaerä Jesucristo jugüɨ pe. Tumpa ipɨakavi jare ipɨakatu toï jeta pe reta ndive.