ISAÍAS 52:11 - Biblia Guarani Tumpa Iñee

¹¹ ¡Pesɨrɨ, pesɨrɨ, peë jókuae Babilonia güi, agüɨye peyavɨkɨ mbae ikɨa Tumpa jóvai vae, peë joko güi; peyetɨo yandeYa jembiporu jerajaa reta!

ISAÍAS 52:11 ပူးပေါင်းရင်းမြစ်များ

1 CRÓNICAS 15:12

jare jei chupe reta: “Pe tenondeguarä peiko perëtara levita reta pe vae, opa peyetɨo perëtara reta ndive Tumpa jóvai, peroyakavo vaerä Israel iTumpa ikäjou jorä ayapoa pe;

ÉXODO 30:19

Jare joko güi Aarón jare taɨ reta toyepoe jare toyoe ipɨ.

ISAÍAS 1:16

¡Peyeyoe jare peyetɨo! ¡Pembosɨrɨ peyeugüi ikavimbae peyapo cheresa róvai rupi vae! ¡Agüɨye mo peyapo ikavimbae!

ISAÍAS 48:20

Peë Babilonia güi, petekuarai Caldeaɨgua reta ipɨte güi. Pesapúkai pemoërakua kuae, peyerovia reve, pemoërakua ɨvɨ iyapɨ rupi ave. Pere: ‘¡YandeYa oyora jembiokuai Jacob iñemuña reta!’ ”

ISAÍAS 66:20

Jare güeru retata opaete perëtara reta, tëtaguasu ñavo pe oime vae, güeru retata kavayu re, käretou pe, voɨka pe, mburika guasu re jare camello re. Güeru retata mbotarä cheve tëta Jerusalén pe, ɨvɨtɨ oñeñono tee vae re. Israel iñemuña reta güeru chero pe mbota mbae ikɨambae vae pe rami.” Che, peYa ko jae kuae.

JEREMÍAS 31:21

Israel, emokañɨmaa tape yavaimbae reve reväe ye vaerä. ¡Israel, emae kavi jese, eyerova ye jokoropi; eyerova ye nerëta guasu reta kotɨ!

JEREMÍAS 50:8

¡Petekuarai Babilonia güi, Caldeaɨgua reta iɨvɨ güi! ¡Peë tenonde, kavara kuimbae reta tenonde oguata japicha reta pe vae rami!

JEREMÍAS 51:45

¡Tëta chembae vae reta, peë joko güi, metei ñavo peroasayepe perekove, chearasɨ güi!

JEREMÍAS 51:6

¡Petekuarai Babilonia güi! ¡Peroasayepe perekove! ¡Agüɨye pemano jae iyoa jeko pegua! Echa oväe ara aiporarauka vaerä, aiporaraukata chupe jeko oï rupi.

EZEQUIEL 44:23

Sacerdote reta tomboe chembae vae reta oikuaa vaerä mbae oñeñono tee vae jare mbae oñeñono teembae güi; oikuaa reta vaerä ikɨambae jare ikɨa Tumpa jóvai vae.

LEVÍTICO 10:3

Jayave Moisés jei Aarón pe: —Körai voi ko yandeYa jei: “Chekotɨ yogüeru vae pe aechaukata che ko jae iyoambae, jare Israel iñemuña reta jóvai ayemboeteukata.” Jare Aarón kïrii opɨta.

LEVÍTICO 11:45

Echa che ko jae peYa pogüɨnoeuka ɨvɨ Egipto güi vae, aiko vaerä peTumparä. Jáeramo peiko tee mbaeyoa güi, echa che ko iyoambae.’

LEVÍTICO 11:47

Peikuaa vaerä mɨmba ikɨa vae mɨmba ikɨambae güi jare mɨmba reta ipuere oyeu vae ani oyeumbae vae.”

LEVÍTICO 21:6

iyoambae toyogüɨreko Tumpa pe, agüɨye tomongɨa reta Tumpa jee, echa mbota oyeapɨ oñemee cheve vae jare mbɨyape Tumpa pegua jae reta ko omee, jáeramo iyoambae toyogüɨreko.

ZACARÍAS 2:10

YandeYa jei: “Petairari jare peyerovia Sión pegua reta, echa ko ayu, jare aikota pepɨte pe.”

ZACARÍAS 2:11

Oñemoïruta jeta tëtaguasu reta yandeYa re jókuae ara, jare jeita: “Toyogüɨreko chembaerä, che aikota jae reta ipɨte pe.” Jökorai peikuaata yandeYa imbaepuere yae ete vae ko chembou.

NÚMEROS 16:26

Jare jae imiari yatɨ vae reta pe, jei reve: —Pesɨrɨ kuae kuimbae reta oyemboyovaicho Tumpa kotɨ vae reta jo guakapi pegua güi, jare agüɨye etei imbaembae re pepoko, agüɨye vaerä pe reta vi pemano jae reta imbaeyoa jeko pegua.

NÚMEROS 19:11

Kia nunga vae oyavɨkɨ yave oipotagüe kia jëogüe, tikɨa topɨta Tumpa jóvai chiu ara.

NÚMEROS 19:16

Jare oipotagüe oyavɨkɨ yave kia jëogüe ñana pe oï vae, kɨsepuku pe omano vae, ani omanoi vae, ani kia ikägüegüe, ani tɨvɨa, chiu ara tikɨa topɨta Tumpa jóvai.

NÚMEROS 8:6

“Embosɨrɨ Leví iñemuña reta, jëtara Israel iñemuña reta ipɨte güi, jare eyapo chupe reta Tumpa iñɨ̈ro vaerä mbaeyoa re.

Hechos 10:14

Ërei Pedro jei: “Ngaraa, cheYa. Mbaetɨi ko jau mɨmba oyeumbae vae jare ikɨa Tumpa jóvai vae.”

Hechos 10:28

Jayave Pedro jei chupe reta: —Pe reta peikuaa kavi ko kërai pɨ̈chɨi yae ko metei judío oñemoïru vaerä ani oyea vaerä ketɨgua ndive. Ërei Tumpa oechauka cheve agüɨye vaerä jae kia pe ave ikɨa ko Tumpa jóvai vae.

Romanos 14:14

Che aikuaa, jare arovia yandeYa Jesús re, kërai mbaetɨ etei ko mbae ikɨa iyeugüi aeño Tumpa jóvai vae. Ërei oime kia oyemongeta ikɨa ko Tumpa jóvai chupe vae yave, jökorai ko chupe.

2 Corintios 6:17

Jáeramo jae jei vi peve körai: “Peë jae reta ipɨte güi, pesɨrɨ, jei yandeYa. Agüɨye peyavɨkɨ mbae ikɨa Tumpa jóvai vae. Jare che pomboresiveta.

Efesios 5:11

Agüɨye etei peñemoïru pɨtumimbi pe yogüɨreko vae reta jembiapo pe, ërei pemboete ikavimbae ko jókuae reta jembiapo vae.

1 Pedro 2:11

Cherɨvɨ aaɨu vae reta, pomoñera ketɨgua rami peiko kuae ɨvɨ pe vae, peyeandu pesoo jemimbota reta oïraro perekove vae güi.

1 Pedro 2:5

Jaeramiño vi pe reta ko jae ita oikove vae reta rami, peyeapo metei o Espíritu pegua vae jare sacerdote pegua mbaravɨkɨ ikɨambae vae, pemee vaerä mbota Espíritu pegua Tumpa omboyerovia vae Jesucristo rupi.

Apocalipsis 18:4

Jare aendu ïru ñee ara güi jei: “Peë joko güi, chembae reta, agüɨye vaerä peyapo mbaeyoa reta jae oyapo rami, jare agüɨye vaerä peiporara mbaesusere reta chupe oyeapota vae;