ISAÍAS 52:10 - Biblia Guarani Tumpa Iñee

¹⁰ YandeYa omboyekuaa imbaepuere, opaete tëtaguasu reta jesa róvai, jare opaete ɨvɨ iyapɨ rupi ave oendu ñaneTumpa iporogüɨroasayepe re vae.

ISAÍAS 52:10 ပူးပေါင်းရင်းမြစ်များ

JOB 40:9

¿Nepɨ̈rata yae yera chegüi? ¿Neñee täta yae yera cheñee güi?

SALMOS 22:27

Imaendúa retata jare yogüeruta yandeYa kotɨ, opaete ɨvɨ pegua reta, opaete tëtara ñavo tëtaguasu reta pegua; ¡ombaemboete retata!

SALMOS 67:2

opaete tëtaguasu reta ɨvɨ pegua oikuaa vaerä nderemimbota jare ndeporogüɨroasayepe.

ISAÍAS 11:9

Ngaraa oyapo reta ikavimbae opaete cheɨvɨtɨ oï tee vae pe; echa opaete ɨvɨ pegua reta oikuaata yandeYa, ɨ tɨnɨe ɨguasu oï rami.

ISAÍAS 25:9

Jókuae ara jei retata: “Kuae ko jae ñaneTumpa ñaäro yaiko vae, jese yarovia jare jae yandemborɨta. Yayerovia jare yavɨa, echa jae ko yandemborɨta.”

ISAÍAS 30:30

YandeYa oendukata iñeeäta jare oechaukata imbaepuere arasɨ pegua, tata yavaete yae vae rami vae, kusumirou rupi, ama ɨvɨtuai reve vae rupi jare amandau rupi.

ISAÍAS 33:13

Matɨ rupi peï vae reta, peyeapɨsaka ayapogüe re, jare pe köi peï vae reta, pemae chembaepuere re.”

ISAÍAS 40:5

YandeYa omboyekuaata iyemboetea, jare opaete kuimbae reta oecha päveta. Echa yandeYa etei ko jei.”

ISAÍAS 45:22

Opaete ɨvɨ pegua reta, perovia cheré peasayepe vaerä, echa che ko Tumpa, mbaetɨ yé ko ïru.

ISAÍAS 48:20

Peë Babilonia güi, petekuarai Caldeaɨgua reta ipɨte güi. Pesapúkai pemoërakua kuae, peyerovia reve, pemoërakua ɨvɨ iyapɨ rupi ave. Pere: ‘¡YandeYa oyora jembiokuai Jacob iñemuña reta!’ ”

ISAÍAS 49:6

Jae jei körai: “Mbaetɨta royókuai, remopüa ye Jacob iñemuña reta vaeräño, Israel iñemuña jembɨregüe reta; roñono vi ko tembipe rami opaete tëtaguasu reta peguarä, reraja vaerä yereroasayepe amee vae opaete vae reta pe, ɨvɨ jembeɨ rupi ave.”

ISAÍAS 51:9

Epüa, epüa cheYa, eyemonde mbaepuere pe; epüa, arakae tenonde rupi repüa rami, arakae reyapo rami. Nde ko opa rembojaɨ jaɨ Rahab, mbaeporou ɨguasu rupigua;

ISAÍAS 53:1

¿Kia pa güɨroviata romoërakuagüe re? ¿Jare kia re pa oyekuaa yandeYa imbaepuere?

ISAÍAS 59:16

Jare yandeYa ipɨakañɨ, oecha yave mbaetɨ kia oyapo kavi kuaekuae; jayave jae etei oyapo imbaepuere rupi, jare oporomoamɨri.

ISAÍAS 62:1

Sión, nde roaɨu jeko pegua ngaraa chekïrii; Jerusalén nde roaɨu jeko pegua mbaetɨta aputuu, oyekuaa kavi regua jupi vae, köembipe jembipe oyekuaa rami, jare iporogüɨroasayepe mechero jendɨ omoembipe rami.

ISAÍAS 63:5

Amae, jare aecha mbaetɨ kia chemborɨ vaerä, chepɨakañɨ aecha ramboeve mbaetɨ etei kia chemborɨ vaerä. Cheyɨva pe ko ayereroasayepe, jare chearasɨ rupi cherëia yae.

MIQUEAS 5:4

Jae oïta jare oyangarekota yandeYa imbaepuere rupi, yandeYa Tumpa jee tuicha yae vae rupi; jare yogüɨreko kavita, echa yandeYa oyembotuichaukata opaetei ɨvɨ iyapɨ rupi.

San Lucas 2:30

Echa aecha ma ndeporomboasa.

San Lucas 3:6

Jare opaete vae oechata Tumpa iporomboasa.’ ”

Hechos 13:47

Echa yandeYa oreokuai körai: “Poñono tembipe rami judiombae vae reta pe, peraja vaerä yemboasa opaete ɨvɨ pegua reta pe.”

JOSUÉ 4:24

Opaete ɨvɨ pegua reta oikuaa vaerä yandeYa imbaepuere, jare pe peipoɨu vaerä yandeYa Tumpa güi opaete ara rupi.”

Apocalipsis 14:6

Jare aecha ïru araɨgua oveve ara mbɨte rupi, güɨnoi omoërakua vaerä ñee ikavi vae opambae vae ɨvɨ pegua reta pe, opaete tëtaguasu reta pe, ñemuña reta, ñee ambuae mbuae reta pe jare tëta reta pe,

Apocalipsis 15:4

¡Opaete vae okɨɨyeta ndegüi, oreYa! ¡Opaete vae omboeteta nderee! Echa ndeño ko jae iyoambae vae. Jáeramo opaete tëtaguasu reta yogüeruta jare ndemboete retata, echa oyekuaa ma neporojäa reta.”