ISAÍAS 52:1 - Biblia Guarani Tumpa Iñee

¹ Epüa Sión, eñemomɨ̈rata, Jerusalén, tëta guasu oñeñono tee vae, eyemonde nderemimonde ipöragüe pe, echa ngaraa ye ma ou ndekotɨ itumpa-raanga pota vae reta, ani ikɨa Tumpa jesa róvai vae reta.

ISAÍAS 52:1 ပူးပေါင်းရင်းမြစ်များ

1 CRÓNICAS 16:29

pemee yandeYa pe mbaemboete chupegua vae; peru mbota jare peyu jóvai; peyetavatɨka yandeYa jóvai imbaemboetea ikavi yae vae pe.

NEHEMÍAS 11:1

Tëta ruvicha reta oñemoëta Jerusalén pe; ërei opaete vae güi, ombosuerte reta payandepo vae güi metei oiko vaerä Jerusalén pe, tëta oñeñono tee vae Tumpa pe vae pe, ërei jókuae chau vae reta yogüɨrekota ïru tëta guasu reta rupiño.

SALMOS 110:3

Nerëtaɨgua reta oñemeeta ndeve ikɨ̈reɨ ngatu reve, renoi ma mbaepuere yave, ɨvɨtɨ oñeñono teea pe. Köembipe pegua ɨsápɨi rami, ara ñavo ndetaɨrusuta.

ÉXODO 28:2

Jare toyapo reta temimonde ikavi yae vae nderɨkeɨ Aarón pe, oyemboete kavi jare ipöra yae oyekuaa vaerä.

ÉXODO 28:40

Jare toyapo reta vi temimonde Aarón taɨ reta peguarä kuakuaa jare äka-ɨru, oyemboete kavi jare ipöra yae oyekuaa reta vaerä.

ISAÍAS 1:21

¡Tëta guasu jupi vae! ¿Këraiägua pa reyu repɨta metei kuña iyaguasa pota vae rami? Yepi, jeta kuae pe jupi vae reta jare jeko kavi vae reta, ërei añave jaeño ma oñeväe kuae pe oporoyuka vae reta.

ISAÍAS 1:26

Amopüa yeta mburuvicha oporojäa vae reta, oime ye vaerä tenonde yave rami, jare oporomboarakuaa vae reta tenonde yave rami. Jayave nereenɨi reta yeta ‘Tëta guasu jupi vae jenda’, ‘Tëta guasu jupi vae’.

ISAÍAS 26:2

Peipea öke reta, oike vaerä jupi vae reta, añete vae rupi yogüɨreko vae reta.

ISAÍAS 35:8

Jare jokoropi oimeta tape, jókuae tape jeeta: “Tape Oñeñono tee vae”. Mbaetɨta oasa jokoropi ikɨa oï Tumpa jóvai vae; mbaetɨ iyarakuaa vae reta, ngaraa oguata kuae tape rupi.

ISAÍAS 4:3

Sión pe jembɨre vae reta, jae ko Jerusalén pe jembɨre vae reta, ombojee retata, “Oñeñono tee Tumpa peguarä vae reta”. Opaete Jerusalén pe oikove vɨteri vae reta, jee oñemoapɨta ñogüɨnoi rami,

ISAÍAS 48:2

echa pe reta peñeenɨi tëta guasu oñeñono tee vae pe, jare Tumpa re güɨrovia vae reta pe, jae ko jee yandeYa Imbaepuere yae ete vae:

ISAÍAS 49:18

Emopüa neäka jare emae ndeɨ́vɨri rupi, emae, kërai oyemboatɨ opaete kuae yogüeru ndépɨri vae reta. Che peYa, tae cheyé aeño ndeve, kërai opaete jókuae yogüeru vae reta pe reñemopörata, metei kuñatai omenda vae oñemopöra vae rami.

ISAÍAS 51:17

Epa jare epüa Jerusalén. Reiporara yandeYa iyarasɨ, okau vae, opaetei jou kopa pegua vae osavaɨpo opɨta rami.

ISAÍAS 51:9

Epüa, epüa cheYa, eyemonde mbaepuere pe; epüa, arakae tenonde rupi repüa rami, arakae reyapo rami. Nde ko opa rembojaɨ jaɨ Rahab, mbaeporou ɨguasu rupigua;

ISAÍAS 60:1

Epüa Jerusalén, emboesape, echa oväe ma ndeve tembipe, yandeYa iyemboetea ou nderé.

ISAÍAS 60:21

Opaete nerëta pegua reta jupi yaeta, jae reta ko ɨvɨ iyarä jekuae avei pegua, ɨvɨra jeñɨigüe, che etei añotɨ vae ko, mbaravɨkɨ che ayapogüe, aechauka vaerä cheyemboetea.

ISAÍAS 61:10

¡Ayerovia yae cheYa re! Chepɨa oyerovia yae cheTumpa re, echa chemboyemonde yereroasayepe pe, temimonde pegua pe rami. ¡Cheöva jupi vae pe, ñeapevaka pe rami! Omendata vae oyemonde rami, kuñatai oñemopöra äka-regua jepɨ vae pe rami.

ISAÍAS 61:3

amee vaerä opaete Sión pe ipɨatɨtɨ ñogüɨnoi vae reta pe, oime vaerä mbaemboete, mbɨatɨtɨ jekovia pe, yerovia katu toñemee mbae ikäti vae rami temimonde mbɨatɨtɨ pegua jekovia pe; asoya yerovia pegua, mbɨatɨtɨ jekovia pe. Jare oyembojeeuka retata: “Ɨvɨra jupi vae”, yandeYa jemitɨ, jae iyemboetea peguarä.

ISAÍAS 64:10

Tëta ndembae oñeñono tee vae ipombae oï, Sión ipoä oï, Jerusalén kïrii ngatu opɨta.

JEREMÍAS 31:23

YandeYa Imbaepuere yae ete vae Israel iTumpa jei: “Aru ye ma Judá pegua reta tembipɨɨ güi iɨvɨ pe, jare yogüɨreko ye ma pɨpe yave, jei retata kuae ñee: ‘¡YandeYa tiporerekua kuae ɨvɨtɨ oñeñono tee jare jupigüe oyeapo pɨpe vae re!’

EZEQUIEL 44:9

Körai jei yandeYa Tumpa: Metei ave ketɨgua ipɨa oyembocircuncidambae jare isoo oyembocircuncidambae, mbaetɨta oike chetupao pe, opaete ketɨgua reta yogüɨreko Israel iñemuña reta ipɨte pe vae.

DANIEL 10:9

Ërei aendu iñee; jare aendu ramboeve iñee reta amano tëi, aa ɨvɨ re cherova kotɨ rupi.

JOEL 3:17

Jayave peikuaata che jae ko peYa Tumpa, cheɨvɨtɨ oñeñono tee vae Sión pe aiko vae; Jerusalén oñeñono teeta ko, ngaraa ye ma opïro ketɨgua reta.

NAHUM 1:15

¡Pemae! ¡Joko ma ou ɨvɨtɨ guasu reta iárambo ñee ikavi vae jerúa, mbɨakatu omoërakua vae! Judá, eyapo ndearete reta: Embopo reñererökuavee vae reta. Echa ngaraa ye ma oporepeña nderé jeko pɨ̈chɨi vae reta; opaetei ma oyemboai.

HAGEO 2:4

Ërei yandeYa jei: ¡Añave eñemomɨ̈rata Zorobabel! ¡Eñemomɨ̈rata Josué sacerdote tenondegua, ete Josadac taɨ! Peñemoäta ngatu opaete vae kuae ɨvɨ pe peiko vae jare peparavɨkɨ; echa che aï pe ndive, jei yandeYa Imbaepuere yae ete vae.

ZACARÍAS 3:4

Jare araɨgua oyókuai jóvai rupi ñogüɨnoi vae, jei reve: “Pemboi chugüi jókuae temimonde ikɨa vae.” Jare chupe jei: “Mase, ko aekɨ ndegüi ndeyoa, jare romboemimondeuka ikavi yae vae pe.”

San Mateo 4:5

Jayave aña guasu güɨraja Jesús tëta guasu Jerusalén pe jare omboyeupi tupao iyapɨte re.

San Lucas 15:22

Ërei tu jei jembiokuai reta pe: ‘Peru temimonde ikavi vae pemondeuka chupe. Jaeramiño vi peñono moäka-vera ipoäka re jare pɨapaa ipɨ re.

Romanos 13:14

Ërei peyemonde etei yandeYa Jesucristo pe. Agüɨye peñemee pesoo jemimbota pe.

Romanos 3:22

echa Tumpa ombojupita opaete Jesucristo re güɨrovia vae reta iporogüɨrovia rupi. Echa jae mbaetɨ oporomboyoavɨ.

Efesios 4:24

Peyemonde teko ipɨau vae pe, Tumpa jae rami oyapo vae pe, jupi vae pegua pe, oñeñono tee añetete pegua vae.

Efesios 5:14

Jáeramo Tumpa jei: “Esareko mo, nde reke vae. Epüa ye omanogüe vae reta ipɨte güi, jare Cristo ndemboesapeta.”

Efesios 6:10

Jare añave cherɨvɨ reta, peñemomɨ̈rata yandeYa re, imbaepuere yae rupi.

Apocalipsis 11:2

Ërei tupao joka ikatu pegua eeyaño, agüɨye ejäa, echa jókuae oka oñemee judiombae vae reta pe. Jae reta opɨ̈rota tëta guasu oñeñono tee Tumpa peguarä vae re cuarenta y dos yasɨ.

Apocalipsis 19:14

Jare jeta yae vae araɨgua jemimonde lino ikavigüe vae, tïiasɨ jare ikɨambae vae reta yogüeru jaɨkue kavayu tïi vae reta re.

Apocalipsis 19:8

Jembirekorä vae pe oñemee ma temimonde lino ikavigüe, ikɨambae jare jembipe vae. Echa lino ikavi vae ko jae oporogüɨrovia vae reta jeko jupi vae.”

Apocalipsis 21:2

Jare che etei aecha jókuae tëta guasu oñeñono tee Tumpa peguarä vae, jae ko Jerusalén ipɨau vae, ogüeyɨ ou Tumpa oïa güi. Oyeapokatu ou metei kuñatai omendata vae rami.

Apocalipsis 21:27

Ërei ngaraa etei oike jókuae tëta guasu pe oipotagüe ikɨa vae jare oipotagüe pɨ̈chɨi vae oyapo vae jare iyapu vae. Jaeño Vecha kuimbae taɨrusu vae jembikuatía tekove pegua pe jee oyekuatía oï vae reta.