ISAÍAS 51:9 - Biblia Guarani Tumpa Iñee

⁹ Epüa, epüa cheYa, eyemonde mbaepuere pe; epüa, arakae tenonde rupi repüa rami, arakae reyapo rami. Nde ko opa rembojaɨ jaɨ Rahab, mbaeporou ɨguasu rupigua;

ISAÍAS 51:9 ပူးပေါင်းရင်းမြစ်များ

JOB 26:12

Jae oipɨguara ɨguasu imbaepuere pe, ipoki rupi omoamɨri mbaeporou Rahab.

JOB 9:13

Tumpa iyarasɨ yave mbaetɨ oyepoepɨ; ipɨarai vae reta imborɨa reta oñemomichi jóvai, ñamɨri güi.

SALMOS 21:13

¡Emboyekuaa ndembaepuere cheYa Tumpa! ¡Rotairarita jare romboeteta reporomoamɨri vae!

SALMOS 44:1

CheRu Tumpa, ore etei ko roendu, oreru reta imiari oreve vae, arakae yave reyapo jae reta iara pe vae re.

SALMOS 44:2

Ndembaepuere pe renoe remombo ïru tëtaguasu reta, reiporarauka tëta reta pe, jökorai opa renoe remombo, jare oreñemuñagüe reta reñono joko pe.

SALMOS 44:23

¿Maera pa reke cheYa? ¡Epa! ¡Epa, agüɨye eyembosɨrɨ oregüi jekuae avei pegua!

SALMOS 44:24

¿Maera pa orereeya, jare neakañɨ orepɨatɨtɨ reta güi, jare roikoasɨ katu vae güi?

SALMOS 59:4

Cherekombae reve iyandeko oñemopüa reta cheré. ¡Epa! ¡Eyu kuae aïa pe emae cheré!

SALMOS 7:6

¡Epüa, cheYa Tumpa, ndearasɨ reve! ¡Eyemboɨ cherovaicho reta pochɨ vae pe! Nde ko remee morojäa jupi vae oyeapo vaerä. ¡Eñemoe cheré cheYa!

SALMOS 77:5

Ayemongeta ara reta jare año reta tenonde rupi vae re;

SALMOS 78:65

Jayave yandeYa opa, kia oke vae güi opa rami, jëia yae vae osapúkai vino omboakuvo vae rami.

SALMOS 87:4

“Chemaendúa Egipto re jare Babilonia re, tëta chekuaa vae reta ipɨte pe, joko vi oï Filistea, Tiro jare Etiopía, opaete kuae reta oë chugüi reta.”

SALMOS 89:10

repɨ̈ro mbaeporou ɨguasu rupigua Rahab re, omanogüe re rami; opa remoai moai nderovaicho reta ndembaepuere pe.

SALMOS 89:11

Ndembae ko ara jare ɨvɨ; nde ko reyapo ɨvɨ jare opaete mbaembae oï pɨpe vae.

SALMOS 93:1

¡Mburuvicha guasu ko yandeYa! ¡YandeYa oyemonde yembotuicha pe, jare oñeova mbaepuere pe! Jae oñono jenda pe kavi kuae ɨvɨ, agüɨye vaerä omɨi.

ÉXODO 6:6

Jáeramo, rereta Israel iñemuña reta pe: —Che ko peYa; che pogüɨnoeta mbaravɨkɨ ipoɨgüe peyapo Egipto pe vae güi, poyorata yeokuaiasɨ katu güi, che poepɨta morojäa tuichagüe rupi.

ISAÍAS 27:1

Jókuae ara yandeYa oyukata ikɨsepuku täta yae vae, yavaete jare tuicha vae pe Leviatán jee vae, mboi guasu iñäkua yae vae, ipire jaimbe vae; oyukata jókuae mbaeporou ɨguasu pe oï vae.

ISAÍAS 30:7

echa Egipto iporomborɨ mbaetɨ osirive. Jáeramo ko körai ambojee: “Mbaeporou iñeeäta tëi vae, ërei mbaetɨ mbae oyapo vae.”

ISAÍAS 51:17

Epa jare epüa Jerusalén. Reiporara yandeYa iyarasɨ, okau vae, opaetei jou kopa pegua vae osavaɨpo opɨta rami.

ISAÍAS 51:5

Köi yae ma oï aï vaerä mburuvicharä, cheporogüɨroasayepe oyemboɨpɨ ma; chembaepuere rupi aïta mburuvicharä tëta reta re. Tëtaguasu reta ɨguasu jembeɨ rupigua cheräro ñogüɨnoi, chembaepuere re oyeko retata.

ISAÍAS 52:1

Epüa Sión, eñemomɨ̈rata, Jerusalén, tëta guasu oñeñono tee vae, eyemonde nderemimonde ipöragüe pe, echa ngaraa ye ma ou ndekotɨ itumpa-raanga pota vae reta, ani ikɨa Tumpa jesa róvai vae reta.

ISAÍAS 52:10

YandeYa omboyekuaa imbaepuere, opaete tëtaguasu reta jesa róvai, jare opaete ɨvɨ iyapɨ rupi ave oendu ñaneTumpa iporogüɨroasayepe re vae.

ISAÍAS 53:1

¿Kia pa güɨroviata romoërakuagüe re? ¿Jare kia re pa oyekuaa yandeYa imbaepuere?

ISAÍAS 62:8

YandeYa jei iyé aeño, oupi reve iyɨva iyakatu kotɨgua imbaepuere yae vae: “Ngaraa ye ma amaeño nderovaicho reta jou ndetrigo ani ketɨgua reta jou vino reparavɨkɨ jese vae;

EZEQUIEL 29:3

Ere chupe reta: ‘CheYa Tumpa jei körai: Che ayovaicho nde ndive Faraón, mburuvicha guasu Egipto pegua; mbaeporou päicha guasu oyapakua ɨ̈aka mbɨte pe rami vae jei: Chembae ko kuae ɨ̈aka Nilo, che ko ayapo cheyeupe.

MIQUEAS 7:15

Eechauka chupe reta mɨakañɨ; Egipto güi renoe reta ramo yave rami.

HABACUC 2:19

¡Paravete, ɨvɨra pegua tumpa-raanga pe: “Epa” jei vae jare ita iñeembae pe: “Epüa” jei vae! ¿Ipuere pa mbae omombeu? ¡Mbaetɨ ko, echa mbaetɨ jekove, yepe tëi oñeova oro pe jare korepoti pe!

HABACUC 3:13

Reyu reepɨ ndembae vae reta, nderembiparavo reta. Jeko kavimbae reta juvicha remboai jare iyɨvɨrigua reta.

ZACARÍAS 10:11

Oasa retata ɨguasu Egipto pegua, ɨaparúa amokïriita. Ɨ̈aka Nilo tɨpɨ yae vae amotinita, jare Asiria ipɨa pochɨ amboaita. Egipto imbaepuere amokañɨteita.

ZACARÍAS 2:13

¡Tikïrii opaete vae yandeYa jóvai; echa jae ou jëta ikɨambaea güi!

San Lucas 1:51

Imbaepuere rupi oyapo mbae tuichagüe. Opa omoai ipɨayemboete vae reta.

San Juan 12:38

oyembopo vaerä ñeemombeúa Isaías jei yave: “CheYa, ¿kia pa güɨrovia romombeu vae? ¿Kia pe pa reikuaauka ndembaepuere?”

Hechos 7:7

Ërei che aiporaraukata jókuae tëtaguasu oyapota jembiokuai retarä vae reta pe, jare jókuae jaɨkue rupi neñemuña reta oëta joko güi, jare oyeokuai retata cheve kuae ɨvɨ pe.”

DEUTERONOMIO 4:34

¿Ani oime pa mbae nunga tumpa ou oiparavo tëtaguasu imbaerä ïru tëtaguasu güi vae, yemboaporova ndive, mɨakañɨ ndive, ñeraro ndive, imbaepuere yae jare ipo oporoiämondo yae reve, opaete oyapo perovake yandeYa Tumpa Egipto pe rami?

Apocalipsis 11:17

jei reta reve: “Romee yasoropai ndeve oreYa Tumpa Imbaepuere yae ete vae, nde ko iyɨpɨ güive, añave jare reyuta vae, echa reipɨɨ ndembaepuere tuicha yae vae, jare añave reporookuai reï.

Apocalipsis 12:9

Jare oyemombouka jókuae mbaeporou guasu, mboi ñɨma vae, aña guasu Satanás jee vae, jae ko ombotavɨ opaete ɨvɨ pegua reta vae; oyemombouka ara güi opaete iaraɨgua reta ndive.

JUECES 6:13

Jare Gedeón jei: —Atataɨ cheya, oreYa oime oiko ore ndive yave ¿maera pa oasa ore ndive opaete kuae mbaembae? ¿Jama pa jókuae mɨakañɨ reta oreñemuñagüe reta imiari oreve jese vae, orerenoe ɨvɨ Egipto güi yave vae? Jare añave orereeya oremee Madián iñemuña reta ipo pe.