ISAÍAS 51:6 - Biblia Guarani Tumpa Iñee

⁶ Pemae ara kotɨ, pemae ɨvɨ re; echa ara ipo reta opata okañɨ tätati rami, ɨvɨ indechita temimonde indechi vae rami, jare pɨpegua reta jaeramiño vi opa eteita okañɨtei. Ërei cheporogüɨroasayepe jekuae aveita, jare cheporojäa ngaraai iyapɨ.

ISAÍAS 51:6 ပူးပေါင်းရင်းမြစ်များ

SALMOS 103:17

Ërei yandeYa iporoparareko, opambae vae ko, oipoɨu chugüi vae reta re; imbaejupi jekuae kuae rupi vae ko,

SALMOS 111:3

Ipöra yae ete ko jae jembiapo reta, jare imbaejupi jekuae avei vae ko.

ISAÍAS 13:13

Echa, ara omokanata, jare ɨvɨ osɨrɨta jenda güi, chearasɨ aitɨta jókuae ara vae jeko pegua, chearasɨ yaeta jókuae ara.

ISAÍAS 33:6

jare omeeta oiko pɨagüive vaerä. Arakuaa katu jare mbaembae yaikuaa katu vae ko oporogüɨroasayepe vae; yandeYa güi yaipoɨu vae ko, mbaembae jepɨ yae vae rami.

ISAÍAS 34:4

Jare opaete ara ipo reta, opata oyemboai, ara opata yapúa tupapire rami, jare yasɨtata reta opata oa, uva joogüe osururu rami ani ɨva joogüe osururu rami.

ISAÍAS 40:26

Perovaɨva pemae ara kotɨ: ¿Kia pa oyapo opaete jókuae mbaembae reta? Jae ko oipapa jare oñono jenda pe kavi kavi, ombojee metei ñavo, ngaraa metei ave oata. Jökorai ko imbaepuere yae jare ipɨ̈rata yae.

ISAÍAS 45:17

Ërei yandeYa oepɨta jekuae avei pegua tëtaguasu Israel, jare ngaraa oñemomichiuka ani oñemomaraiuka reta opɨta jekuae avei rupi.

ISAÍAS 50:9

CheYa Tumpa ko chemborɨta; ¿kia pa ipuereta chemboeko? Cherovaicho reta opata ko indechi, temimonde indechi rami, opata ko ikupii.

ISAÍAS 51:8

echa temimonde opa kupii jou vae ramita ko, vecharaagüe opa taso jou vae ramita. Ërei cheporojäa oiko aveita, cheporogüɨroasayepe jekuae aveita.”

ISAÍAS 54:10

Yepe ɨvɨtɨ guasu reta osɨrɨta jenda güi, ɨvɨtɨ reta opata osururu, ërei cheporoaɨu ngaraa oyepoepɨ ndegüi, cheporogüɨrökuavee mbɨakatu pegua ave ngaraa opa oyemboai.” Jei yandeYa, iporoparareko ndekotɨ vae.

ISAÍAS 54:9

“Jáeramo, Noé oiko yave ramita, Noé pe añererökuavee cheree ae re, ngaraa ye ma ɨvɨ opa amboai vaerä ɨ pe, jökorai vi añave, añererökuavee cheree ae re, ngaraa ye ma chearasɨ ndekotɨ, ngaraa ye ma añeengata ndeve.

DANIEL 9:24

Setenta semana oasata nerëtaɨgua reta re jare nerëta guasu oñeñono tee vae re, opa vaerä oyemboai mbaeyoa yavaetegüe jare ikavimbae, oime vaerä ñɨ̈ro mbae ikavimbae re, jare jupi vae oime vaerä jekuae avei pegua, oyembopo vaerä jókuae mbae oyeecha jare maratuta vae, jare oñeñono tee vaerä Tumpa pe oñeñono tee kavi yae vae.

San Mateo 24:35

Ara jare ɨvɨ opata ko, ërei cheñee reta ngaraa opa.

San Juan 5:24

Añetete che jae peve, cheñee oendu vae jare chembou vae re güɨrovia vae, güɨnoi tekove opambae vae. Ngaraa ojo kañɨtei pe. Oasa ma ko mano güi tekove pe.

DEUTERONOMIO 4:19

Ani pemae yave ara kotɨ jare peecha kuaraɨ, yasɨ jare yasɨtata, jare opaete ara ipo reta jare petindɨ pemboete ani peyeokuai chupe; echa yandeYa Tumpa ko oyapo kuae mbaembae, opaete vae reta peguarä.

2 Tesalonicenses 2:16

YandeYa Jesucristo etei jare yandeRu Tumpa yanderaɨu vae jare yandembopɨakatu avei vae jare ñaäro yayerovia reve ipɨakavi rupi vae,

Hebreos 5:9

Jare opaete Tumpa jei vae oupitɨ ma yave, ou opɨta yemboasa opambae vae, opaete jae jei vae oyapo vae reta peguarä;

Hebreos 9:12

Jare Cristo mbaetɨ oike omee kavara kuimbae jugüɨgüe ani toro taɨrusu vae jugüɨgüe, güɨroike ko jae jugüɨ etei metei veseño cuarto Oñeñono tee kavi yae vae pe jekuae avei pegua, jökorai omee yandeve yemboasa opambae vae.

Hebreos 9:15

Jare jókuae jeko pegua jae oï ñanemoñoövaiti vaerä Tumpa ndive morogüɨrökuavee päve ipɨau vae rupi vae. Echa Cristo omano omboepɨ vaerä tenondegua morogüɨrökuavee päve pe mbaeyoa oyapo vae reta re. Jáeramo Tumpa oenɨi vae reta güɨnoita imbaerä güɨrökuavee chupe reta vae.

Apocalipsis 20:11

Jare aecha metei guapɨa guasu tïi vae, jare oguapɨ oï pɨpe vae. Ɨvɨ jare ara opa otekuarai jae jóvai güi vae, jare mbaetɨ kia pe oñemi vaerä.