ISAÍAS 51:4 - Biblia Guarani Tumpa Iñee

⁴ Peyeapɨsaka cheré tëta chembae, peendu cheñee tëtaguasu chembae: Amoërakuata cheporookuai reta, jare jókuae omboesapeta tëta reta peguarä.

ISAÍAS 51:4 ပူးပေါင်းရင်းမြစ်များ

SALMOS 106:5

aecha vaerä nderembiparavo reta iyerovia, ayerovia vaerä vi ndembae vae reta iyerovia re, ayemboete vaerä tëta ndembae vae reta re.

SALMOS 147:20

Mbaetɨ etei jökorai oyapo ïru tëtaguasu reta ndive; jae reta mbaetɨ oikuaa yandeYa iporookuai reta re. ¡Aleluya!

SALMOS 33:12

Oyerovia ko tëtaguasu, iTumpa jae ko yandeYa vae, jae oiparavo imbaerä vae.

SALMOS 50:7

“Eyeapɨsaka tëta chembae, chemiarita; eyeapɨsaka tëta Israel, amoërakuata mbae ndekotɨ. ¡Che ko jae neTumpa!

SALMOS 78:1

Tëta chembae vae reta, peyeapɨsaka, cheporookuai re; ¡pemboɨke peapɨsa cheñee reta kotɨ!

ÉXODO 19:6

Pe reta peiko teeta sacerdote rami, tëta oñeñono tee cheveguarä vae.” Kuae ñee reta emombeu opaete Israel iñemuña reta pe.

ÉXODO 33:13

Añave, ndepɨakatu ko chekotɨ yave, romoñera reikuaauka vaerä cheve ndeyemongeta reta, rokuaa vaerä jare aikuaa vaerä ndepɨakatu ko chekotɨ vae, echa opaete kuae reta ndembae ko.

PROVERBIOS 6:23

Echa mborookuai reta jare mboromboe reta tembipe rami ko, yemboarakuaa reta tape tekove pegua ko.

ISAÍAS 1:27

Sión oyeyora yeta morojäa rupi, jare oyerova ye chekotɨ vae reta oyeyorata jupi rupi;

ISAÍAS 2:3

jeta vae yogüeruta ketɨ ketɨ güi, jare jei retata: “Peyu yayeupi yandeYa iɨvɨtɨ re, Jacob iñemuña reta iTumpa jo kotɨ; jae yandemboe vaerä kërai yaiko vaerä, yaguata vaerä jae jemimbota rupi.” Echa Sión jae ko Jerusalén, joko güi oëta mborookuai jare yandeYa iñee.

ISAÍAS 26:2

Peipea öke reta, oike vaerä jupi vae reta, añete vae rupi yogüɨreko vae reta.

ISAÍAS 26:8

OreYa, roguata ko orepɨakatu reve kavi ndeporookuai jei vae rupi. Ndekotɨño ko orepɨa oyemongeta.

ISAÍAS 33:22

Echa yandeYa ko jae oporojäa vae yandevegua, jae ko omee yandeve mborookuai vae, jae ko yandeRuvicha guasu, jae etei ko yandereepɨta.

ISAÍAS 42:21

YandeYa oyerovia jupi vae oaɨu yae jeko pegua, jáeramo ombotuicha yae iporookuai reta, imboetea yae vaerä;

ISAÍAS 42:6

“Che ndeYa ko roenɨi jupi vae peguarä, jare ropokota rogüɨroata; roñovatuta jare ayapota nderupi morogüɨrökuavee päve opaete vae reta peguarä, jare tembipe rami tëtaguasu reta pe.

ISAÍAS 49:6

Jae jei körai: “Mbaetɨta royókuai, remopüa ye Jacob iñemuña reta vaeräño, Israel iñemuña jembɨregüe reta; roñono vi ko tembipe rami opaete tëtaguasu reta peguarä, reraja vaerä yereroasayepe amee vae opaete vae reta pe, ɨvɨ jembeɨ rupi ave.”

ISAÍAS 55:3

Pemboɨke peapɨsa, peyeapɨsaka, peyu chekotɨ jare peikoveta; jare ayapota pe reta ndive, morogüɨrökuavee päve opambae, mboroparareko jekuae avei pegua David pe ayapo vae.

ISAÍAS 63:8

Echa jae jei: “Añetete chembae vae reta ko, cheraɨ mbaetɨ yapu vae reta.” Jae ko güɨroasayepe reta,

MIQUEAS 4:2

Jeta vae tëtaguasu reta yogüeruta, jare jei retata: “Peyu yayeupi yandeYa iɨvɨtɨ re, Jacob iñemuña reta iTumpa jo kotɨ; jae yandemboe vaerä jemimbota re, yaguata vaerä jae jemimbota rupi.” Echa Sión jae ko Jerusalén, joko güi oëta mborookuai jare yandeYa iñee.

San Lucas 2:32

Jae ko tembipe ramita judiombae vae reta pe. Jare ndembae vae Israel pegua reta iyemboetearä.”

1 Corintios 9:21

Jare Moisés iporookuai mbaetɨ güɨnoi vae reta ndive aï yave, che aiko vi jae reta rami, jae reta vi güɨrovia vaerä Cristo re (kuae mbaetɨ oipota jei aikoä ma Tumpa iporookuai re. Echa che aiko Cristo iporookuai re).

DEUTERONOMIO 18:18

Cheñeemombeúa amopüata chupe reta, jëtara reta ipɨte güi oëta metei nde rami vae; che ameeta iñeerä jare imiarita chupe reta opaete che ayókuai rami.

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.