ISAÍAS 51:3 - Biblia Guarani Tumpa Iñee

³ Ambopɨakatuta Sión, tëta guasu opaetei oyemboai oï vae. Iɨvɨ ipombae oï vae amopörata, Edén pe ko raɨ añono rami. Joko pe oimeta yerovia jare vɨakatu, tairari mbaemboete pegua.

ISAÍAS 51:3 ပူးပေါင်းရင်းမြစ်များ

GÉNESIS 13:10

Lot omae yave oecha ɨvɨpe kavi ɨ̈aka Jordán jee vae iyɨ́vɨri, kuae ɨvɨ kavi ɨ katu, yandeYa oyapo arakae kó vae rami. Egipto pegua ɨvɨ rami. Kuae ɨvɨ kavi ojoi oya tëta raɨ Zoar re katu. YandeYa ndei opa omboai mbove tëta Sodoma jare Gomorra.

SALMOS 85:8

Ayeapɨsakata aï cheYa Tumpa jeita vae re; echa imiarita mbɨakatu, imbae vae reta pe jare jupi rupi yogüɨreko vae reta pe, agüɨye vaerä ma oyerova ye ikavimbae kotɨ.

ISAÍAS 12:1

Jókuae ara rupi retairarita körai: “Yasoropai amee ndeve cheYa, echa yepe tëi ndearasɨ chekotɨ, ërei oasa ma ndearasɨ chembopɨakatu ye ma.

ISAÍAS 25:9

Jókuae ara jei retata: “Kuae ko jae ñaneTumpa ñaäro yaiko vae, jese yarovia jare jae yandemborɨta. Yayerovia jare yavɨa, echa jae ko yandemborɨta.”

ISAÍAS 35:6

iköcho vae reta oporiseta guasukaka rami, jare iupa vae reta osapukaita oyerovia güi. Echa ñuu güi, ɨvɨ otini yae vae güi oëta jeta ɨ osɨrɨ vae.

ISAÍAS 41:16

Remboveveta jare opata ɨvɨtu güɨraja; kusumirou opata omoai moai. Ërei nde reyeroviata ndeYa re, reyemboeteta Tumpa Iyoambae Israel pegua re.

ISAÍAS 43:19

mase, ko ayapota mbae ipɨau vae, jare peechata añave voi. Aipea yeta tape ñuu rupi, jare ɨvɨ otini vae rupi ɨ̈aka reta.

ISAÍAS 44:26

Ërei ayapo oyembopo vaerä cherembiokuai reta omombeu vae, jare ayapo oë kavi vaerä cheremimondo reta oyemongeta oyapo vaerä vae. Che amoërakua Jerusalén oñemopüa pɨau yeta vae, oime yeta ipo kuri vae, jare ɨvɨ Judá pegua tëta reta opa yeta oñemopüa pɨau. Che amopüa yeta, opa oyemboai oï vae.

ISAÍAS 49:13

¡Ara ipo reta, petairari reyerovia güi! ¡Ɨvɨ ipo reta, peyerovia yae! ¡Ɨvɨtɨ reta, perɨapu peyerovia reve! Echa yandeYa ombopɨakatu tëta imbae vae, oiparareko oiporara yogüɨreko vae reta.

ISAÍAS 49:19

Ndeɨvɨ opa etei oyemboai oï, opa oñererokomegua oï jare ipoä opɨta; ërei añave, ndeɨvɨ ipɨmiita opɨta, jeta yae vae jeko pegua. Kuae ɨvɨ imboaia reta matɨ ma yogüɨrekota.

ISAÍAS 49:8

YandeYa jei: “Ou ma oväe aechauka vaerä cheporoaɨu, jáeramo ayeapɨsaka nderé, ou ma oväe yereroasayepe iara, jáeramo romborɨ. Che ko roñovatu, nderupi ayapo vaerä ñererökuavee päve tëta ndive, amopüa ye vaerä kuae tëtaguasu, amee ye vaerä iyagüe reta pe ɨvɨ opa oyemboai oï vae.

ISAÍAS 51:12

“Che ko jae pombopɨakatu vae. ¿Maera pa pekɨɨye kuimbae güi?, jae ko omano vae. ¿Maera pa pekɨɨye kuimbae kapii ramiño vae güi?

ISAÍAS 52:9

¡Petairari mbaemboete, peyerovia päve Jerusalén oyemboaigüe; echa yandeYa ombopɨakatu jëta, oepɨ ye Jerusalén!

ISAÍAS 61:10

¡Ayerovia yae cheYa re! Chepɨa oyerovia yae cheTumpa re, echa chemboyemonde yereroasayepe pe, temimonde pegua pe rami. ¡Cheöva jupi vae pe, ñeapevaka pe rami! Omendata vae oyemonde rami, kuñatai oñemopöra äka-regua jepɨ vae pe rami.

ISAÍAS 65:18

Ërei pepɨakatuta jare peyerovia katuta jekuae avei, mbaembae che ayapo pɨau ye vae re; echa, ko che aruta Jerusalén pe yerovia katu, jare pɨpegua reta pe vɨakatu.

JEREMÍAS 31:25

Echa ameeta jeta okaru kavi jare oɨu, ikangɨ jare ipɨtu vae reta.”

EZEQUIEL 28:13

Edén pe reikose Tumpa iko raɨ pe, reñemopöra reyemonde oipotagüe ita reta ipöra vae pe, jae ko: Cornerina, topacio, jaspe, crisólito, berilo, ónice, zafiro, carbunclo, esmeralda jee vae jare oro; opaete angúa jare mimbɨ reta ipöragüe oyeapo ndeve, jókuae ara roapo yave.

EZEQUIEL 36:11

Amoñemuñata jeta kuimbae reta jare mɨmba reta peré; oyembojeta yaeta; jeta yaeta kuae pe vae tenonde yave rupi rami, jare peiko kavi yaeta tenonde rupi vae güi. Jayave oikuaa retata che ko jae Tumpa vae.

EZEQUIEL 36:35

Jei retata: Kuae ɨvɨ ipombae oikose vae, añave oyeapo kó raɨ Edén pegua rami; tëta guasu reta oyemboai jendagüeño opɨta vae, añave oñemopüa pɨau ye jare yogüɨreko ye ma pɨpe vae.

JOEL 2:3

Tata opaetei oapɨ mbae vae rami ko; opaeteita mbae omboai oeya. Oasa yave, ɨvɨ ikavi vae opaeteita ko omboai oeya ɨvɨ ipombae rami; ¡ngaraa vi oime kia ojoyepe chugüi vae!

1 Pedro 1:8

Yepe tëi mbaetɨ peecha Jesucristo, ërei peaɨu. Yepe tëi añave mbaetɨ peecha, ërei perovia jese, jare penoi yerovia tuichagüe yaupitɨ rapembae ñanemiari jese vae,