ISAÍAS 51:2 - Biblia Guarani Tumpa Iñee

² Pemae peñemuñagüe Abraham re, jare Sara re, chugüi peñemuña vae. Abraham aenɨi yave, jaeño etei oiko yepi, ërei cheporerekua jese, jare jeta oñemuña.

ISAÍAS 51:2 ပူးပေါင်းရင်းမြစ်များ

GÉNESIS 22:17

añave añetete cheporerekuata nderé jare ambojetata neñemuña reta yasɨtata rami, jare ɨguasu jembeɨ rupi ɨvɨkuitï oï rami. Neñemuña reta opɨ̈rota jovaicho reta güi jëta.

GÉNESIS 24:1

Abraham indechi yae ma, jare opaete pe yandeYa iporerekua jese.

GÉNESIS 24:35

YandeYa iporerekua yae cheya re, jare oikokatu yae: Omee chupe jeta vecha, guaka, korepoti oro, tembiokuai kuña jare tembiokuai kuimbae, camello jare mburika.

ISAÍAS 29:22

Jáeramo, yandeYa, Israel iTumpa, oepɨ Abraham vae, jei Jacob iñemuña reta kotɨ: “Añave güive Jacob ngaraa ye ma oñemomaraiuka, ngaraa ye ma jova pɨ̈ta imara güi,

ISAÍAS 41:8

“Ërei nde Israel, Jacob iñemuña, agüɨye ekɨɨye cherembiokuai ko nde, che ko roparavo, chevɨa-ïru Abraham iñemuña reta:

ISAÍAS 43:27

Peñemuñagüe tenondegua ete iyoa, pemboe vae reta ombaeyavɨ chekotɨ,

ISAÍAS 48:1

“Peyeapɨsaka, Jacob iñemuña reta, tee Israel pe peñeenɨi vae reta, Judá iñemuña reta; Tumpa jee re peñererökuavee mbae peyapo vaerä vae; Israel iTumpa pe peyerure vae reta, yepe tëi mbaetɨ añetete reve ani jupi rupi;

ISAÍAS 60:22

Kuae mbovɨ yae vae, oyembojeta yaeta; kuae tëta michi yae vae, tëtaguasu tuicha yae vaerä ko. Che ndeYa, ameeta oyembopo vaerä jarembae, iara pe kavi.”

ISAÍAS 63:16

¡Ërei nde ko jae oreru! Yepe tëi Abraham mbaetɨ oreñono iñemuña rami, ani yepe tëi Israel mbaetɨ imaendúa oreré, nde oreYa, jae ko oreru; nderee jae ko, OreReepɨ avei vae.

EZEQUIEL 33:24

“Nde kuimbae, jókuae Israel iñemuña reta jëta guasu reta opa oyemboaia rupi yogüɨreko vae reta, jei: ‘Abraham meteiño ko, ërei oiko ɨvɨ iyarä; ërei yande reta ko jeta ñaï, yandepuere vi ko yaiko ɨvɨ iyarä, echa yandembae ko.’

DEUTERONOMIO 1:10

YandeYa Tumpa jeta yae ma pemoñemuña, jeta yae ma peiko yasɨtata rami.

DEUTERONOMIO 26:5

Jayave pemoë peñee jare pere yandeYa Tumpa jóvai: ‘Cheñemuñagüe ko Aram pegua oguata oiko vae, jae ojo Egipto pe mbovɨ kuimbae reta ndive, jare opɨta joko pe oiko vaerä; joko pe oñemuña, ou oyeapo metei tëtaguasu tuicha yae vae jare imbaepuere vae.

JOSUÉ 24:3

Che ko aru peñemuñagüe Abraham, jókuae ɨ̈aka Éufrates jembeɨ güi jare amboguatauka opaete ɨvɨ Canaán rupi. Jare amee jeta oñemuña vaerä, tenonde amee chupe taɨ Isaac,