ISAÍAS 51:18 - Biblia Guarani Tumpa Iñee

¹⁸ Opaete nemembɨ reta güi, mbaetɨ metei ave ndereraja vaerä; opaete nemembɨ reta rembokuakuaa vae güi, mbaetɨ metei ave ndepoko ndereraja vaerä.

ISAÍAS 51:18 ပူးပေါင်းရင်းမြစ်များ

JOB 8:20

Mase, Tumpa mbaetɨ ko güɨröɨro jupi vae; jare mbaetɨ ko omborɨ katu jeko kavimbae reta.

SALMOS 142:4

Emae cheakatu kotɨ, mbaetɨ kia chemborɨ vaerä. ¡Mbaetɨ anoi kia chereepɨ vaerä! ¡Mbaetɨ kia oyemoambeko cheré!

SALMOS 88:18

Rembosɨrɨ chegüi chevɨa-ïru jare cheïru reta, añave cheïrurä reñono pɨtumimbi.

ISAÍAS 41:13

Echa, che ko jae ndeYa Tumpa, che jae ropoko rogüɨroata vae; che jae ndeve: ‘Agüɨye ekɨɨye, che ko romborɨta.’ ”

ISAÍAS 45:1

YandeYa jei jembiparavo Ciro kotɨ. Che ko aipoko araja ipo pe, opaete tëtaguasu reta oñemomichi vaerä jae jeia re, mburuvicha guasu reta re güɨnoi vaerä mbaepuere. Che peYa aipeata öke reta Ciro japerä pe, ngaraa kia ipuere oyokenda chugüi. Jei ye vi chupe:

ISAÍAS 49:21

Jare nde rereta ndepɨa pe: ‘¿Kia ra omee kuae reta chemembɨrä? Echa chemembɨmbae ko apɨta, cheño etei ko aiko yepi; aiko yepi mombɨrɨ ɨvɨ ambuae pe. ¿Kia ra ombokuakuaa kuae reta? Cheño etei ko apɨta, ¿ketɨ güi ra yogüeru kuae reta?’ ”

ISAÍAS 54:11

“¡Paravete, tëta guasu oiporara jeta mbaesusere vae, mbaetɨ reve kia ombopɨakatu vaerä! Ërei che añonota ita reta ndeguapɨka ita ipöra vae, carbunclo jee vae re, romboguapɨta ita ipöra vae, zafiro jee vae re;

JEREMÍAS 10:20

Chero guakapi pegua oyemboai oï, opaetei iïcha oso. Chemembɨ reta opa chereeya, ¡mbaetɨ ma oikove reta! Mbaetɨ ma kia omopüa ye vaerä chero guakapi pegua, asoya o imboyaoa omoata vaerä ave mbaetɨ.

JEREMÍAS 31:32

Mbaetɨ peñemuñagüe reta ndive morogüɨrökuavee päve ayapo rami, jókuae ara aipoko anoe ɨvɨ Egipto güi rami; echa cheporogüɨrökuavee päve mbaeä etei chupe reta, yepe tëi che ko jae reta ime rami. Che peYa ko jae kuae.

EZEQUIEL 34:6

Opa jopa reta, oguata reta opaete ɨvɨtɨ reta ɨvate vae rupi; chevecha reta opa oñemoai opaete ɨvɨ rupi, jare mbaetɨ kia ojo oeka reta, ani oparandu yepe jese reta.

AMÓS 5:2

Israel tëta ikavigüe oa, ngaraa ye ma opüa; ogüɨapi jare mbaetɨ kia omopüa vaerä.

San Mateo 15:14

Pemaeño jese reta. Echa jae reta jesambae vae oipoko ïru jesambae vae rami ko. Jare jesambae vae päve oyopoko yave, mókoi reve oa retata ɨvɨkua pe.

San Mateo 9:36

Ërei oecha yave jeta vae, oiparareko omae jese reta. Echa jae reta iyangarekoambae jare opa oñemoai moai, vecha iyangarekoambae rami.

San Marcos 8:23

Jayave Jesús oipoko güɨraja kuimbae jesambae vae tëta raɨ güi ikatu pe; jare ondɨvɨ kuimbae jesa re, jare oñono ipo jese jei reve: —¿Reecha pa mbae?

Hechos 13:11

Mase, añave yandeYa tombou ipo nderé, ndesambae reiko vaerä. Ngaraa reecha kuaraɨ mbovɨ ara rupi. Jare jupiveiño Elimas ipuereä mbae oecha, pɨtumimbi yave rami, jare kotɨ kotɨ oeka tëi kia oipoko güɨraja vaerä.

Hechos 9:8

Jayave Saulo opüa ɨvɨ güi, jare omae tëi, ërei ipuereä etei oecha mbae. Jare jupíe yogüɨraja vae reta oipoko güɨraja Damasco pe.

Hebreos 8:9

Mbaetɨta peñemuñagüe reta ndive morogüɨrökuavee päve ayapo rami, jókuae ara aipoko anoe ɨvɨ Egipto güi rami; echa yogüɨreko cheporogüɨrökuavee päve pe, jáeramo che aeya reta; che peYa ko jae kuae.