ISAÍAS 51:17 - Biblia Guarani Tumpa Iñee

¹⁷ Epa jare epüa Jerusalén. Reiporara yandeYa iyarasɨ, okau vae, opaetei jou kopa pegua vae osavaɨpo opɨta rami.

ISAÍAS 51:17 ပူးပေါင်းရင်းမြစ်များ

JOB 21:20

Jae toecha oyavɨgüe, jare toiporara Imbaepuere yae ete vae iyarasɨ.

SALMOS 11:6

Jeko kavimbae reta re ombouta mbaesusere tuicha vae, omongɨta jese reta tata azufre ndive, jare ɨvɨtuakuvo ombouta jese reta oapɨ vaerä. ¡YandeYa oiporaraukata chupe reta jeko re!

SALMOS 60:3

Reechauka ndembae vae reta pe mbae yavai yae vae, remee roɨu vino oporombosavaɨpo vae re rami.

SALMOS 60:5

Oasayepe vaerä nderembiaɨu reta, ¡eroasayepe ndembaepuere pe! ¡Eendu cheve!

SALMOS 75:10

Echa jae omokañɨta iyoa vae reta imbaepuere, ërei jupi vae reta pe oñemoïruta imbaepuere.

SALMOS 75:8

Echa yandeYa ipo pe güɨnoi kopa iyarasɨ pegua, jare vino jayasɨ rai yae oï. Jae opɨyere yave, opaete iyoa vae reta oɨuta jese, opaetei regua omotini.

ISAÍAS 29:9

¡Peiko peikuaambae, jayave! ¡Peiko jesambae rami! ¡Peresagüɨrɨ, osavaɨpogüe rami, yepe tëi mbaetɨ peu mbae oporombosavaɨpo vae!

ISAÍAS 40:2

pemiari kavi mboroaɨu ndive Jerusalén ndive; pesapúkai reve pere chupe, kërai oiporara vae iyapɨta ma, iyoa re cheɨ̈ro ma chupe; echa aiporarauka yae ma chupe reta, opaete iyoa reta re.”

ISAÍAS 51:21

Jáeramo, nde tëta guasu oiporara yae vae, osavaɨpoecha oï vae, ërei mbaetɨ vino pe;

ISAÍAS 51:22

körai jei ndeYa Tumpa, tëta imbae vae oepɨ vae: “Mase, ko aekɨta ndepo güi, jókuae kopa reyembosavaɨpo pɨpe vae; ngaraa ye ma reu kuae chearasɨ oï kopa pe vae.

ISAÍAS 51:9

Epüa, epüa cheYa, eyemonde mbaepuere pe; epüa, arakae tenonde rupi repüa rami, arakae reyapo rami. Nde ko opa rembojaɨ jaɨ Rahab, mbaeporou ɨguasu rupigua;

ISAÍAS 52:1

Epüa Sión, eñemomɨ̈rata, Jerusalén, tëta guasu oñeñono tee vae, eyemonde nderemimonde ipöragüe pe, echa ngaraa ye ma ou ndekotɨ itumpa-raanga pota vae reta, ani ikɨa Tumpa jesa róvai vae reta.

ISAÍAS 63:6

Chearasɨ rupi opaetei amboai tëtaguasu reta, opa amboai reta chearasɨ rupi, jare jugüɨ apɨyere chugüi reta ɨvɨ rupi, jei yandeYa.

JEREMÍAS 13:13

Javoi nde ere chupe reta: ‘YandeYa jei: Ambosavaɨpota opaete kuae ɨvɨ pe yogüɨreko vae, mburuvicha guasu reta David jëtara, jae iporookuaía pe oguapɨ vae, sacerdote reta, ñeemombeúa reta jare opaete Jerusalén pe yogüɨreko vae.

JEREMÍAS 25:18

Amee oɨu jese Jerusalén jare tëta guasu reta Judá pegua, mburuvicha guasu reta jare mburuvicha reta, oyemboai vaerä jare oyeeya vaerä tëtagüerä, oyeyóyai yóyai vaerä, yepopeyurä, añave oasa oï rami.

JEREMÍAS 25:27

Jaɨkue rupi yandeYa jei cheve: “Ere chupe reta che peYa Imbaepuere yae ete vae, Israel iTumpa ayókuai oɨu reta vaerä jese, oyembosavaɨpo regua, ogüëe jare togüɨapi, opüa yembae vaerä, ñeraro ambouta chupe vae jeko pegua.

JEREMÍAS 44:6

Jáeramo, chearasɨ oyepota metei tata rami tëta guasu reta Judá pegua re jare Jerusalén pegua kaye reta re. Jare opa oyemboai opɨta añave regua.

ZACARÍAS 12:2

“Mase, ko che añono Jerusalén vino oporombosavaɨpo vae rami, omboesagüɨrɨta opaete tëta reta Judá iyɨvɨrigua reta, Jerusalén oñova reta yave.

San Mateo 20:22

Jayave Jesús jei chupe reta: —Mbaetɨ peikuaa mbae peiporu vae. ¿Pepuereta pa peiporara che aiporarata vae? ¿Pepuereta pa peyembobautisauka che ayembobautisaukata rami? —Orepuereta ko —jei reta.

1 Corintios 15:34

Pemae kavi, agüɨye peyoa. Echa amogüe pe reta mbaetɨ peikuaa Tumpa. Kuae jae peve pemara vaerä.

Efesios 5:14

Jáeramo Tumpa jei: “Esareko mo, nde reke vae. Epüa ye omanogüe vae reta ipɨte güi, jare Cristo ndemboesapeta.”

DEUTERONOMIO 28:28

YandeYa oitɨta peré mbokere, tesambae, pɨa-kërai,

DEUTERONOMIO 28:34

Pemombokereta opaete mbaembae peecha vae.

Apocalipsis 14:10

jae jouta vi Tumpa iyarasɨ oyeambae etei oï kopa pe vae. Oiporara yaeta tata jare azufre araɨgua reta iyoambae jare Vecha kuimbae taɨrusu vae jóvai.”

Apocalipsis 16:19

Jare tëta guasu oyemboyao mboapɨ pe, jare tëta guasu reta ïru ɨvɨ pegua opa oa. Jare Tumpa imaendúa jókuae tëta guasu Babilonia jee vae re, jouuka vaerä chupe vinoecha, iyarasɨ yae ikotɨ vae.

Apocalipsis 18:6

Pemee vi chupe jae omee rami, pemboekovia chupe mókoi ye jembiapo oï rupi. Peyapo mókoi ye chupe jae omee kopa pe ïru vae jou vaerä vae pe yeño.

JUECES 5:12

¡Epa, Débora, epa jare etairari! ¡Jare nde Barac, Abinoam taɨ, epüa jare eraja ndeyeupe reipɨɨgüe reta!