ISAÍAS 51:13 - Biblia Guarani Tumpa Iñee

¹³ Peakañɨ peYa peApoa güi, ara jare ɨvɨ iyapoa güi, ara ñavo pekaaru aru pekɨɨye oporombopɨatɨtɨ vae reta güi, oyemongeta pemokañɨtei vaerä yave. Ërei, ¿jama pa jókuae oporombopɨatɨtɨ vae reta iyarasɨ?

ISAÍAS 51:13 ပူးပေါင်းရင်းမြစ်များ

ESTER 5:14

Jayave jembireko Zeres jare opaete ivɨa-ïru reta jei chupe: —Eyatɨkauka ɨvɨra veintidó metro ɨvate vae, jare pɨareve eiporu mburuvicha guasu pe, Mardoqueo toyeeterasa jese, jökorai ndepɨakatuta reo rekaru mburuvicha guasu ndive. Amán pe ipöra jókuae yemongeta jare oyapouka jei reta chupe rami.

ESTER 7:10

Jökorai oeterasa reta Amán ɨvɨra omokätɨro tëi Mardoqueo peguarä vae re. Jökorai mburuvicha guasu iyarasɨ poi.

JOB 37:18

¿Reipɨso pa jae ndive ara, jare reeya metei jiero iyu vae oyemboipe kavi rami?

JOB 9:8

Jaeño pe etei ko oyapo ara reta; jare güɨnoi mbaepuere ɨguasu re.

SALMOS 104:2

reñeapeva tembipe pe, temimonde pe rami; ¡reipɨso ara, asoya oyepɨso rami!

SALMOS 106:13

Ërei ɨmambae pegua ñakañɨ reta Tumpa oyapogüe güi, mbaetɨ oäro reta oikuaa vaerä jae iyemongeta.

SALMOS 76:10

Kuimbae iyarasɨ ndemboeteukata; ¡michi yae iyarasɨ vae ave ndemboeteukata!

ISAÍAS 10:24

Jáeramo, yandeYa Imbaepuere yae ete vae jei: “Tëta chembae vae, Sión pe peiko vae, agüɨye pekɨɨye Asiriaɨgua reta güi, yepe tëi oiporu peré ipopoka ɨvɨra pegua, Egiptoɨgua reta oiporu peré rami.

ISAÍAS 14:4

rereta kuae ñee arakuaa pegua, mburuvicha guasu Babilonia pegua kotɨ: “¡Mase, kërai ou opɨta imbaeyuvanga yepi vae! ¡Mase, kërai ou opɨta tëta guasu oro oipota rai yae yepi vae!

ISAÍAS 16:4

Emaeño toyogüɨreko pepɨte pe Moab güi otekuariagüe reta. Eï chupe reta, oparapiti vae güi oñepɨ̈ro reta vaerä.” Echa opa ma kuae tembiporara reta yave, parapiti oasa ma yave, kuae ɨvɨ oike opɨ̈ro vae reta opa ma yogüɨraja ye yave,

ISAÍAS 17:10

echa neakañɨ Tumpa ndereepɨ vae güi, mbaetɨ nemaendúa jae ko neñepɨ̈roa vae, ërei jaeño reñotɨ temitɨ ikavigüe, temitɨ matɨ güi oyererugüe,

ISAÍAS 40:21

¿Mbaetɨ pa peikuaa? ¿Mbaetɨi pa peendu? ¿Mbaetɨi pa kia omombeu peve? ¿Mbaetɨ pa kia pemboe jese arakae güive?

ISAÍAS 40:22

Tumpa oikoa, güɨnoi ko ara re, joko güi oecha ɨvɨ pegua reta tuku ramiño ko vae. Jae oipɨso ara, asoya oyepɨso rami, jae omoata ara, küaraɨa guakapi pegua oñemoata rami.

ISAÍAS 42:5

Körai jei yandeYa Tumpa, ara Iyapoa, jae oyapo ara; jae oyapo ɨvɨ jare mbaembae oñemuña pɨpe vae; jae omee ɨvɨ ipo reta pe ipɨ̈túe vaerä, jare tekove, ɨvɨ iárambo yogüɨreko vae reta pe vae:

ISAÍAS 43:1

Añave, Israel, Jacob iñemuña reta, yandeYa, ndeapoa jei ndeve körai: “Agüɨye ekɨɨye, che ko roepɨ; che ko reenɨi, chembae ko nde.

ISAÍAS 44:24

Körai jei yandeYa, ndeReepɨ vae, ndei rea mbove voi ma ndeapo vae: “Che peYa, jae ko opaete mbaembae iyapoa, che ko ayapo ara jare ɨvɨ, mbaetɨ kia chemborɨ reve.

ISAÍAS 45:12

Che ko ayapo ɨvɨ jare pɨpegua kuimbae reta, che ko ayapo ara jare amboyekuaa opaete pɨpegua reta.

ISAÍAS 45:18

Echa yandeYa, ara iyapoa, Tumpa, ɨvɨ oyapo vae, omopöra kavi jare oñono kavi jenda pe vae, mbaetɨ oyapoiño, oyapo ko oime vaerä pɨpe mbaembae; jae jei körai: “Che ko jae peYa, mbaetɨ yé oime ïru.

ISAÍAS 48:13

Che ko ayapo ɨvɨ, jare chepoäka pe ko ajäa ara reta; aenɨi reta jee rupi yave, mókoi reve voi oyekuaa reta.

ISAÍAS 49:26

Nderovaicho reta pe jauukata isoo aeño, jare jugüɨ ae pe oyembosavaɨpo reta vino pe rami. Jökorai opaete vae toikuaa, che ndeYa, ndereroasayepe jare ndeReepɨ vae, jae ko Imbaepuere yae ete vae Jacob pe.”

ISAÍAS 54:14

Mbaejupi vae nemopɨ̈ratata, mbaetɨta ma kia oiporarauka ndeve vae, ngaraa ma rekɨɨye; echa kɨɨye ngaraa ma oya nderé.

ISAÍAS 57:11

¿Kia pa jókuae tumpa-raanga reta reipoɨu chugüi jare remboete vae, jupimbae reiko vaerä cheve? Mbaetɨ kërai ave nemaendúa cheré; nde mbaetɨ chemboete yave, kïriiño apɨta iyɨpɨ güive jare mbaetɨi reipoɨu chegüi.

ISAÍAS 7:4

jare ere chupe: ‘Eyeandu, jare eyembopɨaguasu; agüɨye ekɨɨye jare agüɨye eyembopɨtu, jókuae mókoi tatasɨgüe jätati ñogüɨnoi vae güi, Rezín mburuvicha guasu Siria pegua güi jare Peka, Remalías taɨ mburuvicha guasu Israel pegua pochɨ ñogüɨnoi vae güi.

ISAÍAS 9:4

Echa nde reyora tembipɨɨ oiporara ñogüɨnoi vae güi, mburuvicha iporonupa güi, mburuvicha imbaepuere güi, Reiporarauka chupe, tëtaguasu Madián pe reiporarauka rami.

JEREMÍAS 2:32

¿Ipuere pa metei kuñatai iñakañɨ oñemopöra pɨpe vae güi, ani jemimonde imenda pegua güi? Ërei tëta chembae vae ɨma yae ma iñakañɨ chegüi.

JEREMÍAS 38:19

Sedequías jei: —Aipoɨuño añemee, echa güɨramoi Caldeaɨgua reta chemeeta Judá pegua reta oasa ikotɨ reta vae ipo pe, jare oyuvangata cheré reta.

JEREMÍAS 41:18

otekuarai reta vaerä Caldeaɨgua reta güi, echa okɨɨye yae reta chugüi, Ismael oyuka Gedalías jeko pegua, jae ko mburuvicha guasu Babilonia pegua oñono tëi tëta juvicharä oeya vae.

JEREMÍAS 51:15

YandeYa imbaepuere pe oyapo ɨvɨ; oñono kavi ɨvɨ iyarakuaa katu rupi; oipɨso ara iyarakuaa kavi yae rupi.

JEREMÍAS 51:19

Ërei, ¡ambuaeyee ko chugüi reta Jacob iTumpa, opaete mbaembae iYapoa! Jae oiparavo imbaerä Israel. YandeYa Imbaepuere yae ete vae; jókuae jae ko jee.

DANIEL 3:15

Añave, peendu oñemoñee mimbɨ vecha kuimbae-räti, jare angúa ipu, arpa, ngitara, zampoña, jare opaete temimbɨ tairari pegua yave, ¿peyetavatɨkata pa pemboete mbae iä amopüaukagüe? Echa mbaetɨ yave pemboete, jupiveiño peyemomboukata metei horno jendɨvuku oï vae japɨpe; ¿jare kia nunga tumpa pa ipuereta pereepɨ chepo güi?

DANIEL 3:18

Ërei mbaetɨ ko orereepɨ yave, eikuaa voi eï oreruvicha guasu; jeseve ngaraai royeokuai netumpa reta pe, ngaraai vi romboete jókuae mbae iä remopüaukagüe.

DANIEL 3:19

Jayave Nabucodonosor jovapɨ̈ta etei iyarasɨ yae güi Sadrac, Mesac jare Abed-nego kotɨ, jare omee mborookuai oyemboakuasɨ yeyé vaerä horno tenonde rupi oyemboakuse vae güi.

Hechos 12:23

Jare jupiveiño metei yandeYa iaraɨgua omombaerasɨ Herodes, echa mbaetɨ omboeteuka Tumpa. Jare taso opa jou jökorai omano.

1 Corintios 1:20

¿Jama pa iyarakuaa vae? ¿Jama pa mborookuai re oporomboe vae? ¿Jama pa iyoakase kuae ɨvɨ pe vae? Echa Tumpa oikuaauka kërai arakuaa kuae ɨvɨ pegua mbokereño ko.

1 Corintios 15:55

Mano ¿ketɨ pa aipo reï? ¿ketɨ pa oime nepɨ̈pia reporomoamɨri pɨpe vae?”

DEUTERONOMIO 32:18

Ita guasu rami vae, jae peapo vae güi peakañɨ; peakañɨ Tumpa peapoa güi.

DEUTERONOMIO 6:12

peyeandu agüɨye vaerä peakañɨ yandeYa güi, perenoe ɨvɨ Egipto güi vae, yeokuaiasɨ katu güi.

DEUTERONOMIO 8:11

Peyeandu agüɨye vaerä peakañɨ yandeYa Tumpa güi, agüɨye peakañɨ peyapo iporookuai reta che poyókuai añave jese vae.

Hebreos 11:15

echa oyemongeta yave mona jókuae ɨvɨ Abraham oë ojo chugüi vae re, ipuereño tëi opa ye oyerova reta jokotɨ.

Apocalipsis 19:20

Jare oyepɨɨuka jókuae mbaemɨmba guasu ñeemombeúa raanga ndive, jae ko jókuae oporombotavɨ oyapo yave mɨakañɨ reta jókuae mbaemɨmba guasu jóvai vae; ombotavɨ mbaemɨmba guasu ikañɨmaa güɨnoi vae reta jare iägüe omboete vae reta. Kuae mókoi reve oyemombouka jekove reve tata guasu jendɨ oï azufre ndive vae pe.

Apocalipsis 20:9

Jare yogüeru opaete Israel pegua reta iɨvɨ rupi jare oñova jókuae tëta guasu Tumpa oaɨu vae, oñeñono tee Tumpa peguarä vae reta yogüɨrekoa. Ërei Tumpa ombou tata ara güi, jare opaetei oapɨ reta.