ISAÍAS 51:12 - Biblia Guarani Tumpa Iñee

¹² “Che ko jae pombopɨakatu vae. ¿Maera pa pekɨɨye kuimbae güi?, jae ko omano vae. ¿Maera pa pekɨɨye kuimbae kapii ramiño vae güi?

ISAÍAS 51:12 ပူးပေါင်းရင်းမြစ်များ

2 REYES 1:15

Jayave yandeYa iaraɨgua jei Elías pe: —Ekua jae ndive, agüɨye ekɨɨye chugüi. Elías ogüeyɨ jare ojo jókuae sundaro ruvicha ndive mburuvicha guasu jóvai,

SALMOS 118:6

YandeYa oï che ndive, ngaraa akɨɨye, kia oipota oyapo mbae cheve vae güi.

SALMOS 146:4

Echa omano yave ojo ye ɨvɨkuirä, jare jókuae ara voi opa iyemongeta reta.

SALMOS 92:7

Iyoa vae reta okuakuaa ñana rami, jare yogüɨreko kavi yave, okañɨtei jekuae avei pegua vaeräño ko.

PROVERBIOS 29:26

Jeta vae oeka mburuvicha iporomborɨ, ërei yandeYa güi ko ou morojäa metei ñavo pe.

ISAÍAS 12:2

Tumpa ko jae chereroasayepe vae; tayeko jese, agüɨye takɨɨye, echa cheñepɨ̈roa ko jae, chetairari yandeYa kotɨño ko, jae ko chepɨ̈rata jare chereroasayepe vae.”

ISAÍAS 2:22

Agüɨye peyeko kuimbae re, echa jekove ipɨ̈túe reño ko oï. Jae mbaeä etei ko.

ISAÍAS 40:1

PeTumpa jei: “Pemoäta ngatu, pemoäta ngatu, tëta chembae;

ISAÍAS 43:25

Ërei che peTumpa, ayeaɨu jeko pegua amboai peyoa reta, ngaraa ye ma chemaendúa peyoa reta re.

ISAÍAS 49:13

¡Ara ipo reta, petairari reyerovia güi! ¡Ɨvɨ ipo reta, peyerovia yae! ¡Ɨvɨtɨ reta, perɨapu peyerovia reve! Echa yandeYa ombopɨakatu tëta imbae vae, oiparareko oiporara yogüɨreko vae reta.

ISAÍAS 51:3

Ambopɨakatuta Sión, tëta guasu opaetei oyemboai oï vae. Iɨvɨ ipombae oï vae amopörata, Edén pe ko raɨ añono rami. Joko pe oimeta yerovia jare vɨakatu, tairari mbaemboete pegua.

ISAÍAS 52:9

¡Petairari mbaemboete, peyerovia päve Jerusalén oyemboaigüe; echa yandeYa ombopɨakatu jëta, oepɨ ye Jerusalén!

ISAÍAS 57:11

¿Kia pa jókuae tumpa-raanga reta reipoɨu chugüi jare remboete vae, jupimbae reiko vaerä cheve? Mbaetɨ kërai ave nemaendúa cheré; nde mbaetɨ chemboete yave, kïriiño apɨta iyɨpɨ güive jare mbaetɨi reipoɨu chegüi.

ISAÍAS 61:2

amoërakua vaerä yandeYa ipɨakavi iara ou ma oväe vae, jare ñaneTumpa oyepɨ vaerä iara ou ma vae regua; ambopɨakatu vaerä mbɨatɨtɨ pe ñogüɨnoi vae reta;

ISAÍAS 66:13

Kia omboresive mbɨakatu ichɨ güi rami, che pombopɨakatuta, Jerusalén pe pepɨakatuta.”

ISAÍAS 8:12

“Agüɨye peenɨi ñemopüa, opaete kuae tëta guasu reta ombojee ñemopüa vae. Agüɨye pekɨɨye jae reta okɨɨye chugüi vae güi.

JEREMÍAS 38:19

Sedequías jei: —Aipoɨuño añemee, echa güɨramoi Caldeaɨgua reta chemeeta Judá pegua reta oasa ikotɨ reta vae ipo pe, jare oyuvangata cheré reta.

JEREMÍAS 41:18

otekuarai reta vaerä Caldeaɨgua reta güi, echa okɨɨye yae reta chugüi, Ismael oyuka Gedalías jeko pegua, jae ko mburuvicha guasu Babilonia pegua oñono tëi tëta juvicharä oeya vae.

EZEQUIEL 2:6

Nde kuimbae, agüɨye eipoɨu chugüi reta ani ekɨɨye iñee reta güi, yepe tëi reï ñairaka ani ñurati pɨte pe rami, ani reiko tumɨkarape oporoöpi vae ipɨte pe rami. Agüɨye ekɨɨye iñee reta güi ani taneiämondo reta, echa ipɨapochɨ vae reta ko.

San Mateo 10:28

Agüɨye pekɨɨye pereteño ipuere oyuka vae reta güi, echa perekove ngaraa ipuere oyuka. Pekɨɨye Tumpa güi, echa jae ipuere omokañɨtei perete jare perekove tata guasu pe.

San Juan 14:18

Che ngaraa poeya tɨ̈reɨ. Ayu yeta ko pépɨri.

Hechos 9:31

Jayave opaete Judea rupi, Galilea rupi jare Samaria rupi, oporogüɨrovia vae reta yogüɨreko pɨagüive jare oñemomɨ̈rata reta oipoɨu kavi reve yandeYa güi, jare Espíritu Santo iporomborɨ rupi jekuaeño jeta oñemoïru.

1 Pedro 1:24

Echa jei: “¡Opaete kuimbae reta ñana rami ko, opaete iyemboetea ñana ipotɨ rami ko! Ñana yɨpi jare ipotɨ oa,

1 SAMUEL 15:24

Jayave Saúl jei Samuel pe: —Ayapo mbaeyoa; echa ayavɨ yandeYa iporookuai reta jare neñee reta, echa akɨɨye ramo opaete vae güi jare amborɨ katu jae reta iñee. Neɨ̈ro cheve añave cheyoa re,

1 SAMUEL 17:11

Saúl jare opaete Israel iñemuña reta oendu jókuae filisteo iñee yave, ipɨa-kërai reta jare okɨɨye yae reta.

1 SAMUEL 21:13

Jáeramo oipoepɨ jeko jae reta jóvai, imbokere vaeecha oyeapo jae reta ipɨte rupi, opa oikuatía tía öke, jare omaeño jendɨayɨ osɨrɨ jendɨvaa rupi.