ISAÍAS 51:1 - Biblia Guarani Tumpa Iñee

¹ “Peyeapɨsaka cheré opaete, pe reta peiko jupi rupi vae, pe yandeYa peeka vae reta. Pemaendúa, mbae nunga ita guasu güi ko peyeekɨ vae, mbae nunga ɨ̈vavira güi ko peñerenoeuka vae.

ISAÍAS 51:1 ပူးပေါင်းရင်းမြစ်များ

2 CRÓNICAS 15:2

jare oë oövaiti Asa, jei chupe: “¡Peyeapɨsaka cheré Asa, Judá jare Benjamín pegua reta! YandeYa oïta pe reta ndive pe reta peï yave jae ndive. Pe reta peeka yave peväeta chupe, ërei peeya yave jae pereeyata vi.

2 CRÓNICAS 15:4

Ërei tembiporara pɨte pe oyepoepɨ reta jare oeka reta yave yandeYa Israel iTumpa, jae oñeväeuka chupe reta.

SALMOS 24:6

Jökorai ko oeka Tumpa vae reta, Jacob iTumpa oeka vae reta.

SALMOS 94:15

Oime yeta mbaejupi, jare opaete ipɨa jupi vae reta omomoeta.

PROVERBIOS 15:9

YandeYa pe, ikaviä yae ko iyoa vae jeko, ërei oaɨu, jupi rupi kavi oiko vae.

PROVERBIOS 21:21

Oiko jupi rupi vae jare oporoparareko vae, oiko kavita, oväeta mbae jupi vae jare imboeteata.

ISAÍAS 45:19

Che mbaetɨ ko chemiari vɨari, mbaetɨ ko cheñee amoë pɨtumimbía güi. Mbaetɨ jae Jacob iñemuña reta pe: ‘Chereeka, mbaetɨ kia oïa pe.’ Che peYa ko, chemiari jupi rupi jare isɨmbi rupi vae.

ISAÍAS 48:1

“Peyeapɨsaka, Jacob iñemuña reta, tee Israel pe peñeenɨi vae reta, Judá iñemuña reta; Tumpa jee re peñererökuavee mbae peyapo vaerä vae; Israel iTumpa pe peyerure vae reta, yepe tëi mbaetɨ añetete reve ani jupi rupi;

ISAÍAS 48:12

“Peyeapɨsaka Israel, Jacob iñemuña reta, che roenɨi vae ko nde. Che ko Tumpa jaevaeño vae, che ko, oikoño mai vae.

ISAÍAS 51:4

Peyeapɨsaka cheré tëta chembae, peendu cheñee tëtaguasu chembae: Amoërakuata cheporookuai reta, jare jókuae omboesapeta tëta reta peguarä.

ISAÍAS 51:7

Peyeapɨsaka, pe reta peikuaa jupi vae re vae, cheporookuai rupi peiko vae reta. Agüɨye pekɨɨye kuimbae reta iñeeasɨ katu güi, agüɨye peyembopɨtu iporoangao jeko pegua,

ISAÍAS 55:6

“Eeka yandeYa ipuere oñeväe ramboeve, eenɨi köi oï ramboeve.

ISAÍAS 65:10

Jare ɨvɨpe kavi Sarón vecha reta ikarúa jendarä, ɨvɨpe kavi Acor guaka reta ikarúa jendarä, tëta chereeka vae güɨnoita imbaerä.

AMÓS 5:6

Peyu yandeYa kotɨ jare peikoveta; agüɨye vaerä ou tata rami José iñemuña reta kotɨ, jare opa pemboai, jare mbaetɨta Bet-el pe kia ipuere ombogüe.

SOFONÍAS 2:3

Peeka yandeYa, opaete ipɨa omomichi vae reta, iporookuai oyapo vae reta. Peyapo jupi vae jare peñemomichi, jayave, güɨramoi peñeñovatuta yandeYa iporojäa iara pe.

San Mateo 5:6

Oyerovia ko yɨmbɨaɨ jare iɨuve rami mbaejupi re vae reta. Echa Tumpa omeeta chupe reta.

San Mateo 6:33

Jáeramo pembotenonde Tumpa iporookuaía jare imbaejupi. Jökorai yave, Tumpa omeeta peve opaete kuae mbaembae.

Romanos 10:3

Echa mbaetɨ oecha reta Tumpa iporombojupi, oeka reta kërai jae aeño oyembojupi vaerä. Mbaetɨ oyeko reta Tumpa iporombojupi re.

Romanos 14:19

Jáeramo, yaeka yayombopɨakatu jare ñañomomɨ̈rata vaerä.

Filipenses 3:13

Cherɨvɨ reta, che etei mbaetɨ ayemongeta aupitɨ ma ko; ërei ayapo vae jae ko cheakañɨ oasagüe güi, jare añejäa aupitɨ vaerä cherenonde oï vae.

1 Timoteo 6:11

Ërei nde kuimbae Tumpa jembiokuai, etekuarai kuaekuae güi jare omomoe jupi vae, Tumpa imboete, mborogüɨrovia, mboroaɨu, mbɨaguasu jare ñemomichi.

2 Timoteo 2:22

Etekuarai taɨrusu reta jemimbota güi, ërei emomoe mbaejupi, mborogüɨrovia, mboroaɨu jare mbɨakatu, yandeYa omboete opaete ipɨa reve vae reta ndive.

Hebreos 12:14

Pepɨakatu opaete vae ndive, jare peñeñono tee Tumpa pe. Echa jokuaembae reve ngaraa etei kia oecha yandeYa.