ISAÍAS 50:8 - Biblia Guarani Tumpa Iñee

⁸ Köi ko oiko chegüi chereepɨ vae, ¿oime pa kia oipota oyoaka che ndive? Torojo päve oporojäa vae jóvai, ¿oime ra kia mbae re oñeapo vaerä cheré? ¡Tou jare tei cheve!

ISAÍAS 50:8 ပူးပေါင်းရင်းမြစ်များ

JOB 13:19

¿Oime yave kia mbae re chemboeko vaerä? Tachekïrii jare tamano.

SALMOS 119:151

CheYa Tumpa, köi ko reï, jare opaete ndeporookuai reta añetete vae ko.

ÉXODO 22:9

Kia nunga vae oyemombae yave mbae okañɨgüe re: Güeye, mburika, vecha, temimonde re, jare kia nunga vae ou jei jae imbae ko yave, kuae reta toyereraja oporojäa vae reta jóvai, jare oporojäa vae reta teko oväe jese vae tomboepɨ metei yoarambo ye japicha pe.

ISAÍAS 1:18

YandeYa jei: “Peyu yayoaka. Yepe tëi peyoa reta pɨ̈taasɨ yae, ërei amotïasɨta iroɨ rami; ani temimonderä vae pɨ̈taasɨ vae rami yave, vecharaa tïi vae rami amotïasɨta;

ISAÍAS 41:1

“Peyeapɨsaka cheré, tëtaguasu reta ɨguasu jembeɨ rupi peï vae, peñemoäta ngatu jare peyu. Peyu ñanemiari kuae teko re, yayomboatɨ yayoaka jese.

ISAÍAS 41:21

YandeYa, Jacob iñemuña reta juvicha guasu jei: “Tumpa-raanga reta, peyu peyeepɨ, peyu peñemoë peyé.

ISAÍAS 43:26

Ërei oime yave mbae pere vaerä chekotɨ, yayoaka. Pemoë peñee, yaecha mbaetɨ oñeväe teko peré.

ISAÍAS 45:25

Cheré opaete Israel iñemuña reta oyembojupita jare oyemboeteta.”

ISAÍAS 54:17

Ngaraa ipuere ndemboai metei ave tembiporu ñeraro pegua oyeapogüe. Remoamɨrita oipotagüe oñemopüa tëi ñeapo rupi ndekotɨ vae. Jökoraita ko opaete cherembiokuai reta, köraita ko oporomoamɨri reta.” Jei yandeYa.

San Mateo 5:25

Eï kavi jarembae oñeapo nderé mbae re vae ndive, jae ndive reo ramboeve mburuvicha oïa kotɨ. Agüɨye vaerä oñeapota nderé vae nemee mburuvicha ipo pe, jare jae ndemboeterenga tembipɨɨrɨru iyangarekoa pe, javoi jae neñoña tembipɨɨrɨru pe.

DEUTERONOMIO 19:17

jayave jókuae mókoi oñeapo oyoe vae toyogüɨraja yandeYa jóvai, sacerdote reta jare oporojäa vae reta jóvai, jókuae ara rupi ñogüɨnoi joko pe vae.

1 Timoteo 3:16

Añete ñanemopɨakañɨ yae ko kuae añetegüe Tumpa re yarovia vae: Tumpa oyeapo kuimbaerä, Espíritu Santo oikuaauka jae ko jupi vae. Araɨgua reta oecha. Jërakua opaete judiombae reta pe. Ɨvɨ pegua reta güɨrovia jese. Jare Tu omboresive ye ara pe.

Apocalipsis 12:10

Jayave aendu ñee tätagüe ara pe, jei: “Ou ma oväe yemboasa, mbaepuere jare ñaneTumpa iporookuaía jare jemimbou Cristo imbaepuere. Echa oyemombouka ma yanderɨvɨ reta omboekose Tumpa jóvai ara rupi jare pɨ̈tu rupi vae.