ISAÍAS 50:2 - Biblia Guarani Tumpa Iñee

² ¿Maera pa ayu yave, mbaetɨ etei kia aväe chupe? ¿Maera pa aporoenɨi tëi yave, mbaetɨ kia ave omoë iñee? Jae reta iyemongeta pe, mbaetɨ potaecha ndipo aepɨ reta, mbaetɨ potaecha ndipo chepuere ayora reta iyeupe. Cheñee peño ko opa amondɨpa ɨguasu jare ɨ̈aka reta opa amotini; jevae ɨ rupigua reta opa omano ɨ oata jeko pegua.

ISAÍAS 50:2 ပူးပေါင်းရင်းမြစ်များ

GÉNESIS 18:14

¿Oime pa mbae yavai yae cheve vae? Kuae año ou ye vae re ayu yeta ndépɨri, jayave Sara oimeta ma imembɨ.

2 CRÓNICAS 32:15

Jáeramo, agüɨye peyembotavɨuka Ezequías pe, agüɨye peyererajauka jae iñee rupi, agüɨye ave perovia, echa metei ave jókuae tëtaguasu reta itumpa mbaetɨ ipuere oepɨ iɨvɨ cheñemuñagüe güi jare chembaepuere güi vae, añave ngaraa etei ko peTumpa ipuere pereepɨ chembaepuere güi.’ ”

SALMOS 106:9

Iñee omoë Ɨguasu Pɨ̈ta vae pe, jare oyemboyao. Jeta vae güɨroasa ɨ rugua rupi, ñuu rupi oasa rami.

SALMOS 107:33

Jae ko ɨ̈aka reta oipoepɨ, ɨvɨ ipombae vaerä, jare ɨesaɨ reta, ɨvɨ otini vae pe;

ÉXODO 14:21

Jayave Moisés güɨropövee ipopoka ɨguasu re, jare jókuae pɨ̈tu yandeYa ombou ɨvɨtu täta yae vae kuaraɨ oëa kotɨ güi ombosɨrɨ vaerä ɨ oyougüi jare otini, jökorai ɨ oyemboyao opɨta.

ÉXODO 14:29

Israel iñemuña reta yogüɨraja ɨguasu ipäu otinía rupi; jare ɨ opüa ovapetea rami jae reta iyakatu kotɨ jare iyasu kotɨ.

ÉXODO 7:18

Jare jevae reta ɨ rupigua opata omano, jare iineta ɨ̈aka jare Egiptoɨgua reta oyuguaruta jou ɨ ɨ̈aka rupigua.’ ”

ÉXODO 7:21

Jökoraiño vi jevae reta ɨ rupigua opa omano; jare ɨ̈aka iine yae otimbo ramo, Egiptoɨgua mbaetɨ ipuere jou ɨ joko güi. ¡Oime tugüɨ opaete ɨvɨ Egipto rupi!

PROVERBIOS 1:24

Che poenɨi tëi, ërei mbaetɨ peipota peendu, aparea tëi peve, ërei mbaetɨ peyu.

ISAÍAS 11:15

YandeYa oipeata tape chupe reta Epigto pegua ɨguasu rupi, omopüata iyɨva ɨ̈aka Éufrates re, chiu pe opata omboyao jókuae ɨ̈aka, jare ipuereta oasa reta ipɨapaa omboimbae reve.

ISAÍAS 19:5

Ɨguasu opata tɨpa, iɨ̈aka opata vi tɨpa,

ISAÍAS 23:11

YandeYa omopüa ipo ɨguasu re, omborɨrɨiuka tëta guasu ñavo, jare opa omboaiuka Canaán iñepɨ̈roka reta.

ISAÍAS 36:20

¿Kia nunga tumpa-raanga reta pa oepɨ jëtaguasu, mburuvicha guasu Asiria pegua ipo güi? ¿Perovia pa peYa Tumpa oepɨta Jerusalén chepo güi?

ISAÍAS 41:28

Amae yave, mbaetɨ metei ave aecha tumpa-raanga, aparandu kuae mbaembae reta re yave, mbaetɨ kia ave omombeu vaerä, aparandu tëi vaerä yave, mbaetɨ kia ave omombeu vaerä cheve.

ISAÍAS 42:15

Opata amboai ɨvɨtɨ jare ɨvɨtɨ guasu, opata amombiru ñana reta jokoropigua; opata ɨ̈aka reta jare ɨupa reta amondɨpa.

ISAÍAS 43:16

Jökorai jei yandeYa oipea tape ɨguasu mbɨte rupi vae, ɨ yavaete vae rupi omboape vae;

ISAÍAS 44:27

Che chepuere opa omondɨpa ɨguasu jare ɨ̈aka reta.

ISAÍAS 51:10

opa ko remondɨpa ɨguasu, ɨguasu rupi reyapo tape, reyoragüe reta oasa vaerä jokoropi.

ISAÍAS 54:6

Echa yandeYa nereenɨi kuña oyemombogüe jare mbɨatɨtɨ rupi oiko vae oñeenɨi rami; tembireko taɨrusu vae oyemombogüe rami, neTumpa nereenɨi jare jei ndeve:

ISAÍAS 59:1

YandeYa mbaetɨ ko ipo ombosɨrɨ, mbaetɨ vaerä oporogüɨroasayepe, mbaetɨ ko oyopia iyapɨsa, mbaetɨ vaerä oendu.

ISAÍAS 59:16

Jare yandeYa ipɨakañɨ, oecha yave mbaetɨ kia oyapo kavi kuaekuae; jayave jae etei oyapo imbaepuere rupi, jare oporomoamɨri.

ISAÍAS 63:13

ɨguasu rupi güɨroasa reta ogüɨapimbae reve vae, kavayu mbaetɨ ogüɨapimbae ñuu rupi vae rami?”

ISAÍAS 64:6

Opaete ore reta ko mbae ikɨa vae rami, orerembiapo kavi reta, tarapo ikɨa vae rami ko ndeve; opaete ore roa, ɨvɨra joo oa rami, jare orerembiapo kavimbae reta orereraja, ɨvɨtu güɨraja mbae rami.

ISAÍAS 65:12

che pomeeta pemano ñeraro pe, opaete pe reta peyetavatɨkata peäka oyeasɨa vaerä. Echa poenɨi tëi, ërei mbaetɨ pemboyevɨ cheve; pomomiari tëi, ërei mbaetɨ peendu cheve; peyapo ikavimbae cheróvai, peiparavo peyeupe, mbaetɨ etei ipöra cheve vae.”

ISAÍAS 66:4

Jayave, che aiparavota vi tembiporara chupe reta, aruta chupe reta, jae reta okɨɨye yae chugüi vae. Echa aporoenɨi tëi yave mbaetɨ kia omboyevɨ cheve, cheñee amoë tëi yave, mbaetɨ kia oendu cheve; ikavimbae oyapo reta cheróvai, oiparavo reta iyeupe, mbaetɨ etei ipöra cheve vae.”

JEREMÍAS 14:9

¿Maera pa reï metei kuimbae ipɨakañɨiño omae ngatu vae rami, metei ñeraro regua jëia vae mbaetɨ oporoepɨ rami? Ërei, nde cheYa reï ore ndive, opaete vae oikuaa ndembae vae reta ko ore; ¡agüɨye orereeya!

JEREMÍAS 35:14

Jonadab, Recab taɨ iñemuña reta, oyapo iñemuñagüe oyókuai vae, agüɨye vaerä jou reta vino, jare mbaetɨi jou reta añave regua, echa oyapo reta iñemuñagüe oyókuai vae. Che poyókuai avei iyɨpɨ güive, ërei mbaetɨ peyapo che jae vae.

JEREMÍAS 35:15

Ambou avei peve cherembiokuai ñeemombeúa reta, jei vaerä peve: Peeya pereko reta ikavimbae jare pɨ̈chɨi yae peyapo vae. Agüɨye pemboete tumpa-raanga reta, agüɨye peyeokuai chupe reta, jare jökorai peiko avei vaerä ɨvɨ amee peve jare peñemuñagüe reta pe vae pe. Ërei ngatu pe reta mbaetɨ peipota peendu jare peyapo che jae vae.

JEREMÍAS 5:1

YandeYa jei: “Peguata Jerusalén pegua kaye reta rupi, pemae kavi, peeka joka guasu rupi, yaecha ra peväe kia jupi vae oyapo vae, jare añetegüe rupi oiko vae. Peväe yave cheɨ̈rota Jerusalén pe.

JEREMÍAS 7:13

Añave che peYa jae: Opaete kuaekuae reta peyapo jeko pegua; pomomiari tëi iyɨpɨ güive chekueraimbae reve, ërei mbaetɨ peendu; poenɨi tëi, ërei mbaetɨ pemboyevɨ cheve ñee.

JEREMÍAS 7:27

Nde Jeremías, ere opaete kuaekuae reta, yepe tëi mbaetɨ oendu reta ndeve; esapúkai, yepe tëi mbaetɨ mbae jei reta ndeve.

JEREMÍAS 8:6

Ayeapɨsaka avei aiko, ërei mbaetɨ kia ave aendu oyembopɨambuae jeko kavimbae güi jare jei: ¿Mbae pa ko ayapo? Opaete vae ojo jape rupi ae ae, kavayu osɨi ñeraroa kotɨ rami.

DANIEL 3:15

Añave, peendu oñemoñee mimbɨ vecha kuimbae-räti, jare angúa ipu, arpa, ngitara, zampoña, jare opaete temimbɨ tairari pegua yave, ¿peyetavatɨkata pa pemboete mbae iä amopüaukagüe? Echa mbaetɨ yave pemboete, jupiveiño peyemomboukata metei horno jendɨvuku oï vae japɨpe; ¿jare kia nunga tumpa pa ipuereta pereepɨ chepo güi?

DANIEL 3:29

Jáeramo amee mborookuai, opaete tëta reta, tëtaguasu reta, ïru ñee pe imiari vae reta iñee nguru yave Sadrac, Mesac jare Abed-nego iTumpa kotɨ, toyembojaɨ jaɨ jare jo topɨta ɨtɨapɨrä; echa mbaetɨ ïru tumpa ipuere oporoepɨ kuae rami vae.”

DANIEL 6:20

Jare oya ɨvɨkua re yave osapúkai, ipɨatɨtɨ reve oenɨi Daniel, jei: —Daniel, Tumpa oikove vae jembiokuai, neTumpa reyeokuai avei chupe vae ¿ndereepɨ pa yaguapope reta güi?

DANIEL 6:27

Jae oporogüɨroasayepe jare oporoepɨ, jae oyapo mɨakañɨ reta ara re jare ɨvɨ pe. Jae ko oepɨ Daniel yaguapope reta iyuru güi.”

OSEAS 11:2

Ërei jeiete aenɨi yave, jeiete osɨrɨ reta chegüi. Baal reta pe omee mɨmba oyeyukagüe, tumpa-raanga reta pe oapɨ reta ikäti kavi incienso.

OSEAS 11:7

Chembae vae reta jekuaeño oyembopɨapochɨ chekotɨ. Yepe tëi chereenɨi reta Tuichagüe yae ete vae pe; ërei mbaetɨ etei metei ave chembotuicha.

NAHUM 1:4

Oñeengata ɨguasu pe jare opa omotini. Opa omotini opaete ɨ̈aka. Basán pegua ko reta jare ɨvɨtɨ Carmelo opa otini, Líbano pegua mbaepotɨ reta opa ipiru.

HABACUC 3:8

CheYa, ¿ndearasɨ pa ɨ̈aka reta kotɨ? ¿Ndearasɨ pa ɨguasu reta kotɨ? ¿Jaerä pa repo ndekavayu reta re jare reyeupi nekäretou pe ñeraro regua rami?

NÚMEROS 11:23

Jayave yandeYa jei Moisés pe: —¿Che ndeYa mbaetɨ pa chepo? Añave reechata oyembopota ra cheñee, ani mbaetɨta ra vae.

San Marcos 4:39

Jayave Jesús opüa, jare oñeengata ɨvɨtu pe, jei reve: —¡Epɨta! ¡Eñemokïrii! Javoi ɨvɨtu opɨta, kïrii ngatu opɨta.

San Juan 1:11

Ou jëtaɨgua reta pɨri, ërei jëtaɨgua reta mbaetɨ omboresive.

San Juan 3:19

Tembipe ou ma ɨvɨ pe, ërei ɨvɨ pegua reta oaɨu yae iyeupe pɨtumimbiño, tembipe güi, echa jembiapo reta ikavimbae vaeño. Jáeramo oñejäauka reta ma ko.

JOSUÉ 3:16

jare ɨ ou ɨvate kotɨ güi vae opa opɨta meteia pe mombɨrɨ tëta Adam güi, tëta Saretán iyɨpɨ pe oï vae; jare ɨ ogüeyɨ Arabá, Ɨguasu Jembochɨ vae kotɨ vae opa tɨpa. Jökorai ɨ oyemboyao; jare opaete vae oasa Jericó oïa re katu.