ISAÍAS 50:11 - Biblia Guarani Tumpa Iñee

¹¹ Ërei opaete, pe peyatapɨ vae reta, tata pemoendɨ vae reta, peata perata pe aeño, jókuae peyatapɨ vae pe. YandeYa jei: Che etei ayapota jókuae peve, jare opata pekañɨtei jókuae tembiporara pe.

ISAÍAS 50:11 ပူးပေါင်းရင်းမြစ်များ

SALMOS 16:4

Oiporara yaeta, jókuae ikɨ̈reɨ ngatu reve oyeokuai ïru tumpa reta pe vae. Ngaraa che arökuavee tugüɨ chupe reta, jee ave ngaraa aenɨi.

SALMOS 32:10

Jasɨ katu yaeta ko oiko jupimbae; ërei ngatu yandeYa re oyeko vae, mboroparareko oñova.

PROVERBIOS 26:18

Kuimbae imbokere vae omondo tata, uvɨ mano pegua,

ISAÍAS 55:2

¿Maera pa peiporu pekorepoti, tembiumbae re, jare peparavɨkɨ, mbae pemoangapɨɨmbae re? Peyeapɨsaka kavi cheré, jare peu tembíu kavi, peu tembíu jëe ngatu vae.

ISAÍAS 8:22

jare oeka reta tëi yemborɨ kuae ɨvɨ pe yave, jaeño oväe retata mbaeporara jare mbɨatɨtɨ; jare jókuae susere pe opata ɨvɨ oñeñono oyeeya.

ISAÍAS 9:18

Echa ikavimbae omboɨpɨ jendɨ tata rami, tata yavaete jendɨ vae oapɨ opaete yuu reta jare ñana reta, javoi oasa ɨvɨra ɨvate tëɨ vae reta re, jare ɨvate oñemokusumirou jätati.

JEREMÍAS 17:4

Reeyata ko ɨvɨ che amee ndembaerä vae, roapota nderovaicho reta jembiokuairä, ɨvɨ nde reikuaambaea pe, echa chearasɨ oyepotata tata rami jekuae avei pegua, nemokañɨtei vaerä.”

EZEQUIEL 20:39

‘Israel iñemuña reta, yandeYa Tumpa jei körai: ¡Pekua metei ñavo pemboete petumpa-raanga reta, mbaetɨ yave pekɨ̈reɨ chemboete! Ërei oväeta ara chemboete vaerä jare ngaraa ye ma pemongɨa cheree ikɨambae vae jókuae pemee mbota vae rupi jare pemboete petumpa-raanga reta vae rupi.

AMÓS 4:10

“Ambou peve mbaesusere reta yavaetegüe Egipto pe rami; ayukauka petaɨrusu reta kɨsepuku pe, jare perovaicho opa opɨ̈ro pekavayu reta pegüi; peïru reta ñeraro pe omanogüe iine aëtuuka tëi peve, ¡ërei mbaetɨ peyerova ye chekotɨ!” Jei yandeYa.

AMÓS 4:9

“Ambou peve ɨvɨtuakuvo jare taso, tuku opa jou pegüi peko raɨ reta ipo, jare peuva reta, ɨva reta jare olivo reta, ¡ërei mbaetɨi peyerova ye chekotɨ!” Jei yandeYa.

JONÁS 2:8

Ikavimbae omomoe vae reta ndeporoparareko güi ko osɨrɨ reta.

HABACUC 2:13

YandeYa Imbaepuere yae ete vae, mbaeä eteita oyapo ndeparavɨkɨ, opaete ndeparavɨkɨ okañɨteita tata pe.

San Mateo 22:13

Jayave mburuvicha guasu jei jembiokuai reta pe: Peipokua jare peraja pemombo oka pe pɨtumimbía pe. Joko pe toyaeo jare jäi tombokɨrɨrɨu.

San Mateo 8:12

Ërei mborookuaía pe yogüɨrekota tëi vae reta oyemomboukata pɨtumimbi pe ikatu pe. Joko pe oyaeo retata jare jäi ombokɨrɨrɨuta.

San Juan 8:24

Jáeramo jae peve pemanota peyoa pe. Echa mbaetɨ perovia chere CHE KO vae yave, pemanota ko peyoa pe.

San Juan 9:39

Jayave Jesús jei: —Ayu ko ɨvɨ pe amboyao vaerä oyougüi ɨvɨ pegua reta. Ipuerembae omae vae reta omae vaerä, jare ipuere omae vae reta agüɨye vaerä oecha.

Romanos 10:3

Echa mbaetɨ oecha reta Tumpa iporombojupi, oeka reta kërai jae aeño oyembojupi vaerä. Mbaetɨ oyeko reta Tumpa iporombojupi re.

Santiago 3:6

Ñanekü metei tata rami ko. Tɨnɨe ikavimbae pe. Ñanekü oï yanderete pe, ërei omongɨa opaete yanderete; tata ogüembae rami ko yaikove yaiko ramboeve. Jare kuae ikavimbae vae ou ko kañɨtei güi etei.

Apocalipsis 19:20

Jare oyepɨɨuka jókuae mbaemɨmba guasu ñeemombeúa raanga ndive, jae ko jókuae oporombotavɨ oyapo yave mɨakañɨ reta jókuae mbaemɨmba guasu jóvai vae; ombotavɨ mbaemɨmba guasu ikañɨmaa güɨnoi vae reta jare iägüe omboete vae reta. Kuae mókoi reve oyemombouka jekove reve tata guasu jendɨ oï azufre ndive vae pe.

Apocalipsis 20:15

Jare jee mbaetɨ oyekuatía jókuae tembikuatía tekove pegua pe vae oyemombouka tata guasu pe.