ISAÍAS 50:1 - Biblia Guarani Tumpa Iñee

¹ YandeYa jei körai: “¿Ayapouka pa tupapire yomombo pegua pesɨ Israel peguarä, ani pomee pa chepia chupe vae reta pe, chepia re? Peyoa reta jeko pegua ko opa peñemeeuka, pepɨapochɨ jeko pegua ko pesɨ Israel oyemombouka.

ISAÍAS 50:1 ပူးပေါင်းရင်းမြစ်များ

1 REYES 21:25

(Mbaetɨ yé kia Acab rami vae, jembireko Jezabel jeigüe rupi ojo, oyapo ikavimbae vaeño yandeYa jesa róvai.

2 REYES 17:17

Oapɨ reta vi taɨ reta jare tayɨ reta tumpa-raanga pe, jare güɨrovia katu reta mbaekuaa rupi maratuta vae re omombeu vae, jare moroäɨvo reta re, oyapo reta ikavimbae yandeYa jesa róvai vae rupi omboarasɨuka.

2 REYES 4:1

Metei kuña, ñeemombeúa jembirekogüe ojo iñeengeta Eliseo pe, jei reve: —Cheme omano, jare nde reikuaa jae oipoɨu yandeYa güi vae ko; jare ou orepía iya güɨraja vaerä chegüi mókoi reve chemembɨ reta tembiokuairä.

NEHEMÍAS 5:5

“Ore mbaetɨ ko ambuae vae orerëtara reta güi, oremichia reta mbaetɨ ko ambuae vae imichia reta güi; ërei, ore opa romee oreraɨ jare orerayɨ reta yogüɨreko vaerä tembiokuairä. Jare oime ma ko amogüe orerayɨ reta ñogüɨnoi jökorai, añave ore mbaetɨ orepuere mbae royapo, echa oreɨvɨ jare oreuvarupa reta ïru vae reta imbae ma ko.”

ESTER 7:4

echa che jare cherëtaɨgua reta roñemee roï opa vaerä romano jare opa vaerä rokañɨtei. Tembiokuairä roñemee yave chekïriiñota tëi; ërei jókuae tovaicho oyapogüe ngaraa etei jaekavi mburuvicha guasu iporookuaía peguarä.

SALMOS 44:12

remeeiño ndembae vae reta, mbaetɨ etei rekovara kërai ave yepe.

ÉXODO 21:7

Kia nunga vae omee yave tayɨ tembiokuairä, jókuae kuña ngaraa oyera iya güi tembiokuai kuimbae reta rami.

ISAÍAS 1:28

ërei oyembopɨapochɨ chekotɨ vae reta jare iyoa vae reta opata oñemokañɨtei, jare oyembosɨrɨ chegüi vae reta opata omano.

ISAÍAS 27:8

Tumpa oiporarauka tëta imbae vae pe, omondo ɨvɨ ambuae kotɨ, opa omoë omondo ɨvɨtuai pe rami, ɨvɨtuakuvo yae vae pe rami.

ISAÍAS 43:27

Peñemuñagüe tenondegua ete iyoa, pemboe vae reta ombaeyavɨ chekotɨ,

ISAÍAS 46:8

Iyoa vae reta, pemaendúa kuae re, agüɨye peyembotavɨ pe aeño, peyemongeta kavi jese;

ISAÍAS 52:3

YandeYa jei körai: “Reñemeeukaiño jepɨmbae, jökorai pogua yeta jepɨmbae.

ISAÍAS 54:6

Echa yandeYa nereenɨi kuña oyemombogüe jare mbɨatɨtɨ rupi oiko vae oñeenɨi rami; tembireko taɨrusu vae oyemombogüe rami, neTumpa nereenɨi jare jei ndeve:

ISAÍAS 54:7

“Romombo michi pegua, ërei mboroparareko tuichagüe rupi rogüeru yeta.

ISAÍAS 58:1

YandeYa jei cheve: “Esapúkai täta, reipoɨumbae reve, neñeeäta mimbɨguasu iñee rami; emboeta chembae vae reta Jacob iñemuña reta pe, ipɨapochɨ re jare iyoa re.

ISAÍAS 64:6

Opaete ore reta ko mbae ikɨa vae rami, orerembiapo kavi reta, tarapo ikɨa vae rami ko ndeve; opaete ore roa, ɨvɨra joo oa rami, jare orerembiapo kavimbae reta orereraja, ɨvɨtu güɨraja mbae rami.

JEREMÍAS 3:1

YandeYa jei: “Metei kuimbae omombo yave jembireko, javoi jókuae kuña ojo omenda ïru kuimbae ndive yave, tenondegua ime ngaraa ma güɨreko ye. ¡Jókuae nunga, ikavimbae yae ko kuae tëtaguasu peguarä! Ërei ngatu nde, Israel, jeta yae ko ndeaguasa, ërei ¡añave peyerova ye chekotɨ! Che ndeYa jae kuae.

JEREMÍAS 3:8

oecha vi amombo ipɨapochɨ vae Israel, iyaguasa pota jeko pegua; ërei ipɨkɨɨ ipɨapochɨ vae Judá, mbaetɨ oipoɨu, jaeño ojo vi oñemee oiko vaerä aguasa rupi.

JEREMÍAS 4:18

Ndereko jare nderembiapo jeko pegua ko kuae ou ndeve; jae ko kuae ikavimbae reyapo vae jekovia, ndepɨa pe jasɨ yaeta vae.’

OSEAS 4:5

Jáeramo ara pe ani pɨ̈tu yave peata ñeemombeúa oata vi pe ndive, jare ndesɨ amokañɨteita.

LEVÍTICO 25:39

Kia nunga perëtara iparavete opɨta pépɨri oiko reve yave, jare oñemee peve, agüɨye peyókuai tembiokuai oyeguagüe rami;

San Mateo 18:25

Jókuae jembiokuai mbaetɨ ipuere omboepɨ ramo, mburuvicha guasu oyókuai oñemee vaerä korepoti re jembiokuai jare jembireko jare imichia reta, jare opaete imbaembae, jökorai ipuere vaerä omboepɨ ipía chupe.

DEUTERONOMIO 32:30

¿Metei vaeño këraita pa ipuere ombotekuarai mil vae? ¿Ani mókoi vae ombotekuarai diez mil vae? ¡Jaeño yandeYa, Ita guasu rami vae, omee ipo pe yave!