ISAÍAS 5:7 - Biblia Guarani Tumpa Iñee

⁷ Jókuae yandeYa Imbaepuere yae ete vae iuvarupa, jae ko Israel iñemuña reta, jare temitɨ ikavi vae, jae ko kuimbae Judá pegua reta. YandeYa oäro tëi chugüi reta jupi vae, ërei jeieteño ikavimbae, oäro tëi chugüi reta jupi vae, ërei jeieteño jäse oiporara vae reta.

ISAÍAS 5:7 ပူးပေါင်းရင်းမြစ်များ

GÉNESIS 4:10

Tumpa jei chupe: —¿Maera pa kuae reyapo? Nderɨvɨ jugüɨgüe ndemboeko oï cheve kuae ɨvɨ güive.

2 SAMUEL 7:10

Jare che añonota tëta Israel chembae iɨvɨ ae pe yogüɨreko vaerä, agüɨye mo vaerä oyembosɨrɨ iɨvɨ güi, ani tovaicho reta omoambeko tenonde yave rami,

JOB 34:28

Paravete jare yogüɨrekoasɨ katu vae reta jäse, ojo oväe Tumpa jóvai, jare jae oendu.

SALMOS 147:11

YandeYa omboyerovia oipoɨu chugüi vae, jare oäro iporoparareko re vae.

SALMOS 149:4

Echa yandeYa oyerovia imbae vae reta re; jare omee ipɨa omomichi vae reta pe yereroasayepe.

SALMOS 80:15

temitɨ nde reñotɨ ndembaepuere rupi vae, rembojokɨ ndeyeupe vae.

ÉXODO 3:7

Jaɨkue rupi yandeYa jei ye: —Aecha kavi ko Egipto pe tëta chembae oï vae, jare aendu iyerure mbɨatɨtɨ reve vae, oiporara yae mbaravɨkɨ iyangarekoa reta güi jeko pegua; aikuaa katu ko jembiporara reta.

PROVERBIOS 21:13

Paravete vae isapúkai güi iyapɨsa oyokenda vae, jae osapúkai tëi yave, ngaraa vi kia oendu chupe.

ECLESIASTÉS 4:1

Javoi amae opaete tekorai oyeapo kuae ɨvɨ pe vae re. Aecha oyaeo yogüɨrekoasɨ katu vae reta, jare mbaetɨ kia ombopɨakatu reta vaerä. Echa oporogüɨrekoasɨ katu vae reta güɨnoi mbaepuere jese reta.

CANTARES 7:6

Aaɨu vae, yaipota yae ñamae jese vae; ¡ndekavi yae, nepöra yae!

ISAÍAS 1:21

¡Tëta guasu jupi vae! ¿Këraiägua pa reyu repɨta metei kuña iyaguasa pota vae rami? Yepi, jeta kuae pe jupi vae reta jare jeko kavi vae reta, ërei añave jaeño ma oñeväe kuae pe oporoyuka vae reta.

ISAÍAS 1:6

Pepɨ mbɨte güive peäka kotɨ mbaetɨ ikavi, ipere oï, iruru oï, ichuumbi pepere; mbaetɨ oñepoano, mbaetɨ oyeokua, mbaetɨ vi oñepoano olivo iasaite pe.

ISAÍAS 27:2

Jókuae ara yandeYa jeita: “Petairari uvarupa ikavi yae vae re.

ISAÍAS 3:14

YandeYa outa ojäa tëta imbae vae itenondegua jare juvicha reta: “Pe reta opa pemokañɨtei cheuvarupa; paravete vae reta güi peñomigüe oime penoi pero pe.

ISAÍAS 3:15

¿Maera pa peyuvanga tëta chembae re? ¿Maera pa peyuvanga mbatee paravete vae reta re?” Jei yandeYa Tumpa Imbaepuere yae ete vae.

ISAÍAS 3:17

jáeramo, opata ambosururuka ia chugüi reta äka mbaerasɨ pe, jare iñäka raambae opɨta retata.”

ISAÍAS 30:12

Jáeramo, Iyoambae Israel pegua jei: “Pe reta peröɨro kuae ñee, jare peyeko teko kavimbae reño, ikavimbae reño perovia katu;

ISAÍAS 46:12

Peyeapɨsaka cheré, ipɨatäta vae reta, pe, mbaetɨ perovia yereroasayepe outa ma ko vae:

ISAÍAS 5:2

Oikëse iɨvɨ jare opa güɨnoe ita omombo, jare oñotɨ uva iɨ ikavigüe. Jare jemitɨ mbɨte pe omopüa maeka ɨvate vae, jare oyapo vi uva oitɨami pɨpe vaerä. Chevɨa-ïru oäro tëi iuva iagüe jëe kavi vaerä, ërei iuva iagüe jayasɨ yae chupe.

ISAÍAS 59:13

Nde oreYa oreokuai tëi vae mbaetɨ royapo jare oreapu ndekotɨ, jare rosɨrɨ nde oreYa Tumpa güi, royangao jare royembopɨapochɨ, orepɨa güi oë oreapu vaerä. Roporombotavɨ vaerä.

ISAÍAS 59:14

Jupi vae rogüɨröɨro, sɨmbi vae osɨrɨ oregüi, añete vae rombosɨrɨ oreyeugüi oka guasu pe, jare mbaetɨ oime mboromboete.

ISAÍAS 59:4

Mbaetɨ kia oñeapo jupi rupi, mbaetɨ vi kia oporojäa añetegüe rupi. Güɨrovia katu reta apu re, jare ñee añetembae re; ipurúa reta rami ikavimbae pe, jare omoë reta mbaeyoa.

ISAÍAS 62:5

Echa kunumi omenda kuñatai, mbaetɨ kuimbae ndive oasa vae rami, jökorai Tumpa omendata nde ndive. Kuimbae oyerovia katu jembireko ndive rami, jökorai neTumpa oyerovia katuta nde ndive.

JEREMÍAS 12:10

Jeta tovaicho mburuvicha reta opa omboai cheuvarupa, opɨ̈ro reta ɨvɨ chembae re, opa omboai reta oeya, jókuae ɨvɨ aaɨu yae vae.

JEREMÍAS 24:2

Metei kanata pe oï ɨva ikavigüe, tenonde yagüɨye vae, ërei ïru pe oï ɨva ikavimbae, mbaetɨ etei ikavi oyeu vaerä vae.

JEREMÍAS 50:46

Babilonia jɨapu oa vae omokanata ɨvɨ; jɨapu ojo oyeendu ïru tëtaguasu reta rupi.”

EZEQUIEL 22:29

Opaete vae reta oporogüɨrekoasɨ katu jare omaeñomi reta; omaepɨ̈ro reta paravete vae güi jare oata mbae re vae güi, jare oyapo reta jupimbae ketɨgua reta pe.

OSEAS 10:1

Israel ko uvarupa ikavigüe rami, jeta ia iyeupeguaräño; ia jeta rami omopüa reta vi mɨmba oyeyuka oyeapɨ jese vae; iɨvɨ ikavi yae rami, ombokavi vi itumpa-raanga reta.

MIQUEAS 6:12

Oikokatu vae reta omotɨnɨe jo, mbae oñomigüe pe jare joko pe yogüɨreko vae reta yapu imiari jare oporombotavɨ reta.

MIQUEAS 6:8

Kuimbae, jae omombeu ndeve ikavi vae, yandeYa, ¿mbae pa oäro ndegüi? Jaeño eyapo jupi vae jare eporoparareko jare eñemomichi neTumpa kotɨ.

HABACUC 1:3

¿Maera pa remaeño aecha ikavimbae jare yemoambeko reta? Ipɨa-pïrimbae jare kañɨtei ipɨte pe aï; opaete rupi oime ñeapo reta jare ñeraro reta.

SOFONÍAS 3:17

YandeYa oime oï nde ndive; ¡imbaepuere yae vae ko, jae ndereroasayepeta! Oyerovia katuta ndekotɨ. Iporoaɨu jeko pegua omeeta ndeve tekove pɨau otairari reve.

San Mateo 23:23

¡Paravete, pe jova mókoi vae reta! Mborookuai re oporomboe vae reta jare fariseo reta. Echa pemee pediezmo reta temitɨ reta penoi vae güi: Menta, aní jare comino jee vae. Ërei peeya mborookuai jei peve peyapo vaerä jupi vae, mboroparareko jare mborogüɨrovia. Kuae ko jae peyapo vaerä peeyambae reve diezmo reta.

San Lucas 18:7

Ërei Tumpa, ¿Ngaraa pa oepɨ jembiparavo reta ara rupi jare pɨ̈tu rupi oyerure chupe vae? ¿Ipɨaguasuta ra oepɨ vaerä?

San Juan 15:2

Opaete jäka iambae oï cheré vae cheRu oyasɨata. Jare opaete jäka ia vae reta oitɨota, jeta ia vaerä.

DEUTERONOMIO 15:9

Peyeandu agüɨye vaerä oime yemongeta ikavimbae pepɨa pe, jare pere: ‘Köiño ma año chiúa oime vaerä ñɨ̈ro opaete mbia reta re.’ Jare perova arasɨ pemae perëtaɨgua paravete vae re, jare mbaetɨ mbae peiporuka chupe, echa jae ipuere oñeapo peré yandeYa pe jare jae omaeta peré, iyoa vae.

Santiago 5:4

Mase, oparavɨkɨ vae reta ombaarɨvo peve vae reta pe mbaetɨ pemboepɨ vae, oñeapo oï peré. Pe reta pembotavɨ rupi mbaetɨ pemboepɨ chupe vae. Jare yandeYa Imbaepuere yae vae oendu ma iñeengeta peve jókuae ombaarɨvo vae reta vae.