ISAÍAS 5:5 - Biblia Guarani Tumpa Iñee

⁵ Tamombeu peve, mbae ko ayapota cheuvarupa pe vae: Opata aekɨ chugüi ikësea, opa vaerä okañɨtei; opata ayoka chugüi ikësea, opa vaerä opɨ̈ro jese vae;

ISAÍAS 5:5 ပူးပေါင်းရင်းမြစ်များ

GÉNESIS 11:4

Jayave jei reta: “Yayapo metei tëta guasu jare ñamopüa metei o ɨvate yeyé vae, ojo ara re oya vae; ñanerërakua vaerä güɨramoi opa yave ñañemoai moai ɨvɨ iárambo.”

GÉNESIS 11:7

Añave, ikavi yagüeyɨ joko pe yamoambuae chugüi reta iñee, agüɨye vaerä ipuere oikuaa reta iñee oyoupe.”

NEHEMÍAS 2:3

Jare jae mburuvicha guasu pe: —¡Eikove katu avei mburuvicha guasu! ¿Kërai pa mbaetɨta chepɨatɨtɨ oyekuaa, cheñemuñagüe reta jɨvɨa renda tëta guasu Jerusalén oyemboai oï jare jöke reta opa oyeapɨ oï reve?

SALMOS 89:40

Opaetei remboasavi ikësea reta chugüi; ¡reipoepɨ tëta guasu reta tëtagüerä!

SALMOS 89:41

Opaete jokoropi oasa vae opaetei mbaembae güɨraja; jëta-ɨpɨ rupigua reta opuka jese.

PROVERBIOS 24:31

aecha opaetei jókuae ko rupi okuakuaa yuu, jare käpeati yepeai; ikësea reta ita pegua ave opa ma osururu.

ECLESIASTÉS 3:3

Oime yeyuka iara, oime vi ñaporopoano vae iara. Oime ara, mbae yamboai vaerä, oime vi ara, mbae ñamopüa vaerä.

ISAÍAS 10:6

Amondota jókuae tëtaguasu iyoa vae kotɨ, jókuae tëtaguasu chemboarasɨuka vae kotɨ, opɨ̈ro vaerä chugüi imbaeyekou reta, oñepɨ̈ro vaerä jese, tuyuapo re oñepɨ̈ro rami.

ISAÍAS 25:10

YandeYa ko oyangarekota ɨvɨtɨ Sión re, ërei Moab re opɨ̈rota, kapii re oñepɨ̈ro ɨtɨapɨ pe rami.

ISAÍAS 28:18

Jare jókuae miari kavi peyapo mano ndive vae, jare omanogüe reta ñogüɨnoia ndive vae oyemboaita pegüi. Jare ou mbaesusere yave, ngaraa pemomara chugüi.

ISAÍAS 28:3

ipɨ pe opata oumbiri, kuae ɨvɨ Efraín pegua savaɨpo regua reta oyemboete jese vae.

ISAÍAS 32:10

Peiko pɨagüive añave, ërei metei año jaɨkue rupi pekɨɨyeta, echa peechata uva oyepoogüe opa, jare mbaetɨ yeta mbaarɨvo.

JEREMÍAS 18:11

Ere, Judá pegua reta pe jare Jerusalén pe yogüɨreko vae reta pe, yandeYa jei körai: ‘Ayemongeta aï pekotɨ, aiporarauka vaerä peve. Peyepoepɨ mo ikavimbae güi, peyapo kavi pereko jare perembiapo reta.’

JEREMÍAS 21:4

‘YandeYa Israel iTumpa jei: Amboyerovaukata ndesundaro reta oñoraro ñogüɨnoi tëta guasu ikësea ikupe pe mburuvicha guasu Babilonia pegua ndive vae reta jare Caldeaɨgua reta peöva perenoi vae ndive vae reta, jare amboatɨuka retata kuae tëta guasu mbɨte pe.

JEREMÍAS 28:8

Tenonde yogüɨreko ñeemombeúa reta ndei che ani nde reiko mbove vae, omoërakua reta ñeraro, tembiporara jare mbaerasɨ ovakatu vae opaete tëtaguasu reta kotɨ jare mborookuaía reta kotɨ.

JEREMÍAS 45:4

Jare cheokuai jae vaerä ndeve: ‘Che amopüagüe amboai, jare añono jenda pe vae amokañɨtei. Jökoraita ko ayapo opaete ɨvɨ.

LAMENTACIONES 1:15

YandeYa opa omoamɨri chegüi kuimbae reta jëia yae vae. Ombou chekotɨ jeta vae reta, opa vaerä omokañɨtei chegüi taɨrusu reta. ¡YandeYa opɨ̈ro imbae vae Judá pegua reta re, uva re oñepɨ̈ro oñetɨami rami!

LAMENTACIONES 2:6

Jo guakapi pegua omboai, küaraɨa ñairaka pegua oyemboai rami; yemboatɨa renda opa omboai. YandeYa opa omoakañɨ Sión pegua reta arete reta mbaemboete pegua güi jare ara reta mbutuu pegua güi. Iyarasɨ jeko pegua opa omombo mburuvicha guasu jare sacerdote.

LAMENTACIONES 4:12

Opaete ɨvɨ pegua mburuvicha guasu reta, jare opaete ɨvɨ pe yogüɨreko vae reta, mbaetɨ etei güɨrovia tovaicho reta oiketa ko Jerusalén jöke rupi etei vae.

DANIEL 8:13

Javoi aendu metei araɨgua oparandu ïru araɨgua aendu imiari vae pe, jei: ‘¿Kërai yave pa iyapɨta kuae ara ñavo mɨmba oyeyuka oyeapɨ jese vae re oyekuaa vae? ¿Kërai regua pa oikota mbaeyoa yavaete yae vae yandeYa jo mbaemboetea pe jare jese oporogüɨrovia vae opa vaerä oñemokañɨteiuka?’

OSEAS 2:12

Amboaita iuvarupa jare iɨvarupa, echa kuae re jei: ‘Cheparavɨkɨ jepɨ ko, cheaguasa reta omee cheve vae ko.’ Aipoepɨta ñana tëɨ vae pe, jare mɨmba ñana rupigua jouta.

OSEAS 2:14

Ërei che amokɨ̈reɨta; arajata ñuu pe, jare añataita ipɨa.

San Lucas 21:24

Jare oimeta oyeyukauka kɨsepuku pe vae. Jare oyererajata tembiokuairä opaete tëtaguasu reta rupi, jare judiombae vae reta omboaita Jerusalén, jae reta iara opa regua.”

Apocalipsis 11:2

Ërei tupao joka ikatu pegua eeyaño, agüɨye ejäa, echa jókuae oka oñemee judiombae vae reta pe. Jae reta opɨ̈rota tëta guasu oñeñono tee Tumpa peguarä vae re cuarenta y dos yasɨ.