ISAÍAS 5:30 - Biblia Guarani Tumpa Iñee

³⁰ Jare ou oväe jókuae ara yave, jókuae tëtaguasu jɨaputa ɨguasu rami oporepeña Israel kotɨ; jare kia omae yave Israel re oechata pɨtumimbi oñova amapɨtu pɨtumimbi vae.

ISAÍAS 5:30 ပူးပေါင်းရင်းမြစ်များ

ECLESIASTÉS 12:2

Ndei ogüe kuaraɨ, yasɨ jare yasɨtata reta mbove, ama jaɨkue rupi ndei amapɨtu ou mbove.

ISAÍAS 13:10

Yasɨtata reta jare ïru yasɨtata reta yatɨ yatɨ ara re ñogüɨnoi vae, mbaetɨta ma omoembipe; kuaraɨ oë tëi rupive opata ogüe, jare yasɨ mbaetɨta ma omoembipe.

ISAÍAS 13:4

Oyeendu jeta yae vae reta isapúkai ɨvɨtɨ re, jeta yae yogüeru vae reta oyeendu rami. Oyeendu tëtaguasu reta isapúkai, jeta vae kuimbae reta oyemboatɨ ñogüɨnoi vae rami. YandeYa Imbaepuere yae ete vae omae jare oipapa kavi sundaro reta ñeraro peguarä.

ISAÍAS 17:12

¡Peendu jeta vae reta kërai oyeendu, ɨguasu jɨapu oyeendu rami! Tëta guasu reta jɨapu oyeendu, ɨguasu jɨapu oyeendu rami.

ISAÍAS 30:6

Ɨvɨ Neguev pegua mbaeporou reta maratuta vae regua: Ɨvɨ jeta mbaesusere pɨpe vae rupi, jeta pɨpe yaguapope reta, mboi jare mboi oveve vae, jokoropi güɨraja reta imbaembae ikavigüe jare jepɨ vae mburika re jare camello re, güɨraja reta omboepɨ yemborɨ Egipto pe, tëta mbaetɨta ipuere omborɨ vae pe,

ISAÍAS 59:9

Isaías jei: Jáeramo osɨrɨ yandegüi jupi vae, mbaetɨ ou yandeve isɨmbi vae; ñaäro tëi tembipe, jaeño oime yandeve pɨtumimbi; ñaäro tëi jembipe katu vae, ërei yaguata pɨtumimbi rupi.

ISAÍAS 8:22

jare oeka reta tëi yemborɨ kuae ɨvɨ pe yave, jaeño oväe retata mbaeporara jare mbɨatɨtɨ; jare jókuae susere pe opata ɨvɨ oñeñono oyeeya.

JEREMÍAS 13:16

Pemboete peYa Tumpa, ndei jae ombou mbove pɨtumimbi vae, jare ndei pepɨ̈sa-yeyuka mbove ɨvɨtɨ reta rupi; peäro tëi tembipe, ërei jae oipoepɨ pɨtumimbiasɨ pe peve, ñamano rape katu vae pe.

JEREMÍAS 30:5

Jei körai: “¡Aendu täse kɨɨye pegua, mbaetɨ mbɨakatu pegua!

JEREMÍAS 50:42

Jembiporu reta ñeraro pegua uvɨ jare mii; ipɨa-pïrimbae reta ko jare mbaetɨ etei oporoparareko reta; isapúkai reta ɨguasu jɨapu rami, opo reta yogüeru kavayu re; oïndaivi oñoraro reta vaerä Babilonia pegua reta ndive.

JEREMÍAS 6:23

Jembiporu reta ñeraro pegua uvɨ jare mii; ipɨa-pïrimbae reta ko jare mbaetɨ etei oporoparareko reta; isapúkai reta ɨguasu jɨapu rami, opo reta yogüeru kavayu re, oïndaivi oñeraro reta vaerä, pe Sión pegua reta ndive.”

LAMENTACIONES 3:2

Chereraja pɨtumimbía rupi, chemboguata tembipe mbaetɨa rupi;

EZEQUIEL 26:3

Jáeramo che ndeYa Tumpa jae körai: Tiro, che ayovaicho nde ndive. Amopüata ndekotɨ jeta tëtaguasu reta ïru ɨvɨ pegua, ɨguasu omopüa iɨaparúa rami.

JOEL 2:10

Kuae oporepeña vae reta güi orɨrɨi tëta ipo reta, ara okana, kuaraɨ jare yasɨ ogüe, yasɨtata reta jäve jendɨ.

AMÓS 5:18

¡Paravete, jókuae yandeYa iporojäa iara oäro vae reta! ¿Maera pa peipota jókuae ara? Yavaete yaeta ko, mbaetɨta ko ikavi.

AMÓS 8:9

“¡Jókuae ara! Jei yandeYa Tumpa: Amoingeta kuaraɨ ara mbɨte peño, ara jembipe katu oï reve ambopɨtumimbita.

San Mateo 24:29

“Opa tembiporara guasu oasa güire, kuaraɨ oyembopɨtumimbita, jare yasɨ ngaraa ma jembipe, jare yasɨtata reta oata ara güi, jare opaete ara rupi ñogüɨnoi vae reta okanata.

Apocalipsis 6:12

Jare aecha Vecha kuimbae taɨrusu vae oipea tembikuatía imboyaa ovaa yave, ɨvɨ täta okana. Jare kuaraɨ oyembopɨtumimbi metei tarapo jüu vae rami, jare yasɨ moropɨ̈ta tugüɨ rami,