ISAÍAS 5:29 - Biblia Guarani Tumpa Iñee

²⁹ yaguapope oñee rami, osapúkai retata, yaguapope raɨ oñee rami, ombokɨrɨrɨuta jäi oipɨɨ jembia vae rami, güɨraja jare mbaetɨta kia ipuere opɨ̈ro chugüi rami.

ISAÍAS 5:29 ပူးပေါင်းရင်းမြစ်များ

GÉNESIS 49:9

Judá, yaguapope ndeigüe rami nde, jembia opa jou vae oyapakua ɨvɨ re, yaguapope tuichagüe nunga: ¿Kia pa omombata?

SALMOS 50:22

“Peikuaa kavi kuae, pe reta peakañɨ Tumpa güi vae, agüɨye vaerä opa pombojaɨ jaɨ, javoi mbaetɨ kia pereepɨ vaerä;

ISAÍAS 10:6

Amondota jókuae tëtaguasu iyoa vae kotɨ, jókuae tëtaguasu chemboarasɨuka vae kotɨ, opɨ̈ro vaerä chugüi imbaeyekou reta, oñepɨ̈ro vaerä jese, tuyuapo re oñepɨ̈ro rami.

ISAÍAS 31:4

YandeYa jei cheve körai: “Yaguapope ani yaguapope raɨ oñee jembia iárambo vae mbaetɨ okɨɨye, yepe tëi vecha iyangarekoa reta oyomboatɨ oiämondo vaerä isapúkai pe, ngaraa oñeiämondouka chupe reta, jökoraita ko yandeYa Imbaepuere yae ete vae ou oepɨ tëta imbae vae ɨvɨtɨ Sión re.

ISAÍAS 35:9

Jokoropi mbaetɨta oime yaguapope, ngaraa oime ani ou jokoropi mbaeporou reta. Oyeyoragüe retaño yogüeruta jokoropi,

ISAÍAS 42:22

ërei kuae tëta güi jeta mbae oñemaepɨ̈ro, opaetei oyepɨɨ reta oñeñono tembipɨɨrä ɨvɨkua pe, opa oyokenda oñono tembipɨɨrɨru rupi; oyemombae jese reta, mbaetɨ kia oyora vaerä; opa oipɨɨ güɨraja reta, mbaetɨ kia oñemoë jese reta vaerä.”

ISAÍAS 47:15

Jökoraita ko oasa jókuae imbaekuaa jare ipɨrae vae reta, ndetaɨrusu güive jae reta ndive peyopokuaa oyoe vae. Metei ñavo yogüɨrajata jape jape ae rupi, mbaetɨta kia ndereroasayepe vaerä.”

JEREMÍAS 2:15

¿Maera pa oporepeña jese vae reta, yaguapope reta jäse jäse oporepeña vae rami? Iɨvɨ opa omboai reta chugüi, jare jëta guasu reta opa oapɨ; jare mbaetɨ etei kia oiko pɨpe.

JEREMÍAS 4:7

Yaguapope oë ma ikua güi, tëtaguasu reta imboaia oë ma oguata; iɨvɨ güi oë ndeɨvɨ omboai vaerä, nerëta guasu reta omboaita jare ipombae opɨtata.

JEREMÍAS 49:19

Mase, ayuta metei yaguapope Jordán pegua kaa tëɨ yae vae güi oë ojo kapii jokɨ katu vae pe rami, joko güi ambotekuaraita Edom pegua reta, jare ameeta oporookuai che aiparavo vae. Echa ¿kia pa chemboyovake? ¿Kia pa oyemboɨta cheve? ¿Kia nunga vecha iyangarekoa pa ipuereta cheré?

JEREMÍAS 50:17

Israel ko metei vecha okañɨgüe rami, yaguapope reta opa omoai moai rami. Tenonde ete mburuvicha guasu Asiria pegua opa jou; jaɨkue rupi, Nabucodonosor mburuvicha guasu Babilonia pegua, opa oikäo.

JEREMÍAS 51:38

Opaete jae reta oñeeta yaguapope reta rami, oñeeta yaguapope raɨ reta rami.

OSEAS 11:10

Jae reta oguatata yandeYa jaɨkue, jare jae oñeeta yaguapope rami. Oñeeta, jare imbae vae reta yogüeruta orɨrɨi reve kuaraɨ oikea kotɨ güi.

AMÓS 3:8

Yaguapope oñee yave, ¿kia pa mbaetɨta okɨɨye? YandeYa Tumpa omoë iñee yave, ¿kia pa mbaetɨta imiari jese?

MIQUEAS 5:8

Körai eteita ko Jacob iñemuña reta jembɨregüe, ïru tëtaguasu reta rupi; yaguapope, mɨmba ñanaɨgua reta ipɨte rupi rami, yaguapope raɨ vecha reta ipɨte rupi rami; kuae oasa yave mɨmba reta ipɨte rupi, mbaetɨ ipuere ojoyepe chugüi vae.

NAHUM 2:11

¿Kërai pa opɨta yaguapope reta ikua, yaguapope raɨ reta ikea? Joko pe yaguapope reta jare yaguapope raɨ reta ikavi yae yogüɨreko yepi; mbaetɨ etei oime kia ombosɨi vaerä.

SOFONÍAS 3:3

Juvicha reta yaguapope oñee vae rami, oporojäa vae reta, aguarayaɨmba ñuu rupigua rami, mbaetɨ omoembɨre maekägüe pɨareve peguarä vae rami.

ZACARÍAS 11:3

Maangarekoa reta, peräse peyaeo, echa oasa ete ikavi kapii vae oyemboai. Oyeendu yaguapope ndeigüe iñee, echa Jordán pegua kaa tëɨ yae vae oyemboai.

NÚMEROS 24:9

Jare itindɨ retata oyapakua vaerä yaguapope kuimbae jare yaguapope kuña rami. ¿Kia ra omomba retata? Toyekou, iñee kavi ndekotɨ vae reta, Jare yepopeyu toa, oyepopeyu nderé vae reta re.”