ISAÍAS 5:25 - Biblia Guarani Tumpa Iñee

²⁵ Jáeramo, yandeYa iyarasɨ tëta imbae vae kotɨ, jare omopüa ipo ikotɨ reta oinupa vaerä. Ɨvɨtɨ reta okana, jare tëogüe reta oyoa kaye rupi. Ërei yandeYa iyarasɨ mbaetɨ iröɨsa; oimeño ipo omopüa güɨnoi oporonupa vaerä.

ISAÍAS 5:25 ပူးပေါင်းရင်းမြစ်များ

1 REYES 14:11

Tëta guasu pe omano yave Jeroboam iñemuña, yaɨmba reta jouta, jare kaa pe omano yave, uruapúa reta jouta; echa che ndeYa ko jae jökorai.’

1 REYES 16:4

Oipotagüe neñemuña omano tëta guasu pe vae yaɨmba reta jouta, jare kaa pe omano vae uruapúa reta jouta.”

1 REYES 21:24

Jare neñemuña omano yave tëta pe, yaɨmba reta jouta, jare kaa pe omano yave, uruapúa reta jouta.

2 REYES 13:3

Jare yandeYa iyarasɨ Israel kotɨ, omee Hazael mburuvicha guasu Siria pegua ipo pe jare Ben-adad, Hazael taɨ ipo pe ɨma año rupi.

2 REYES 9:37

jare Jezabel jetegüe opɨtata mbaerepoti rami ɨvɨ iárambo rupi, ɨvɨ Jezreel pe, mbaetɨ eteita kia oikuaa Jezabel jetegüe ko vae.”

2 CRÓNICAS 36:16

Ërei jae reta oyóyai yóyai ñeemombeúa reta, güɨröɨro reta omombeugüe jare opuka reta Tumpa iñeemombeúa reta re, yandeYa iyarasɨ ou regua tëta imbae vae reta re, jare mbaetɨ ma oväe kërai oasayepe reta vaerä.

JOB 9:13

Tumpa iyarasɨ yave mbaetɨ oyepoepɨ; ipɨarai vae reta imborɨa reta oñemomichi jóvai, ñamɨri güi.

SALMOS 106:40

Jáeramo, yandeYa iyarasɨ imbae vae reta kotɨ, jare güɨröɨro imbae vae reta;

SALMOS 114:7

¡Ɨvɨ okana yandeYa jóvai, Jacob iTumpa jóvai!

SALMOS 18:7

Jayave ɨvɨ okana: Ɨvɨtɨ guasu reta iguapɨka okana, yandeYa iyarasɨ omokana.

SALMOS 68:8

ɨvɨ okana, okɨ vi nderenonde, ɨvɨtɨ Sinaí okana nde Israel iTumpa jóvai.

SALMOS 77:18

Ndeararɨapu oï kusumirou re; neama-vera omoembipe ɨvɨ jare omokana.

SALMOS 78:38

Ërei jae ko iporoparareko vae, iñɨ̈ro mbaeyoa re jare mbaetɨ oporomokañɨtei vae; ombosɨrɨ avei iyarasɨ, mbaetɨ omboyekuaa opaetei iyarasɨ.

SALMOS 83:10

Endor pe opa okañɨtei reta, jare jetegüe opa oyea ɨvɨ ndive tepoti rami.

ÉXODO 7:19

YandeYa jei ye Moisés pe: —Ere Aarón pe: “Eipɨɨ ndepopoka jare eropövee ɨ re kuae Egipto pe, ɨ̈aka kotɨ, ɨ̈aka raɨ kotɨ, ɨupa kotɨ jare opaete ɨrɨru tuicha vae kotɨ oyeapo vaerä tugüɨrä.” Toime tugüɨ opaete ɨvɨ Egipto rupi; jökorai vi vaso reta ɨvɨra pegua jare ita pegua rupi.

ISAÍAS 10:4

Che mbaetɨ yave aï pe ndive, peñemomichiukata tembipɨɨ reta ndive, jare pemanota oyeyukauka vae reta ndive. Ërei yandeYa mbaetɨ iyarasɨ poi; jekuaeñoi iyarasɨ oï.

ISAÍAS 10:6

Amondota jókuae tëtaguasu iyoa vae kotɨ, jókuae tëtaguasu chemboarasɨuka vae kotɨ, opɨ̈ro vaerä chugüi imbaeyekou reta, oñepɨ̈ro vaerä jese, tuyuapo re oñepɨ̈ro rami.

ISAÍAS 14:19

ërei nde, ndemombo reta ikatu pe tɨvɨa güi, mbae yavaete yae vae rami, kɨse pe omano vae jemimondegüe rami, tëogüe ɨvɨkua pe oyemombogüe rami, tëogüe re oñepɨ̈rogüe rami.

ISAÍAS 23:11

YandeYa omopüa ipo ɨguasu re, omborɨrɨiuka tëta guasu ñavo, jare opa omboaiuka Canaán iñepɨ̈roka reta.

ISAÍAS 25:11

Jare Moab oipɨsota iyɨva oɨtai vae oɨtai vaerä oipɨso rami, ërei oɨtai ñavo ojota ɨ rugua kotɨ iyembotuicha, jare iyererovia katu.

ISAÍAS 29:2

Ërei aruta chupe mbaesusere, jäseta jare oyaeota, jare jókuae tëta guasu oïta cheve Arielrä.

ISAÍAS 42:25

Jáeramo ko oitɨ iyarasɨ jese reta ñeraro yavaetegüe rupi, opa oapɨ rami opɨta reta, ërei jeseve mbaetɨ oipota reta oendu.

ISAÍAS 51:20

Nemembɨ reta opa ogüɨapi ñogüɨnoi, tape oyoasaa ñavo rupi oyepɨso ñogüɨnoi, guasuovɨ ñuai pe oa vae rami. YandeYa iporojäa rupi oiporara reta, neTumpa iporombosɨmbi rupi.

ISAÍAS 64:3

Reyapo yepi mbae tuichagüe, ore mbaetɨi royemongeta vae, regüeyɨ yave ɨvɨtɨ reta opa tɨkui nderóvai.

ISAÍAS 66:15

Echa, ko yandeYa outa tata re, jare ikäretou reta kusumirou rami, oitɨ vaerä iyarasɨ jare iporonupa, tata jendɨ rami.

ISAÍAS 66:24

Yogüeruta oecha reta, kuimbae reta oyembopɨapochɨ chekotɨ vae reta jëogüegüe. Echa taso reta jou jetegüe vae mbaetɨta omano, jare mbaetɨta vi ogüe tata, ókai reta ñogüɨnoi pɨpe vae. ¡Yavaete yaeta oyekuaa reta opaete vae pe!”

ISAÍAS 9:11

Ërei yandeYa ombouta chupe Rezín jovaicho reta; jae etei oyókuai oporepeña reta vaerä jese.

ISAÍAS 9:16

Echa mburuvicha kuae tëta pegua reta oporombotavɨ vae reta ko, jare opaete vae reta opa ombojopa.

ISAÍAS 9:17

Jáeramo, yandeYa mbaetɨ ipɨakatu taɨrusu vae reta re, mbaetɨ oiparareko omae tɨ̈reɨ reta re jare imemano vae reta re. Echa opaete vae jupiä jare ikaviä jeko reta, opaete vae jei oipotagüeño. Ërei yandeYa mbaetɨ iyarasɨ poi; jekuaeñoi iyarasɨ oï.

ISAÍAS 9:20

Metei ñavo opɨ̈rota iyakatu kotɨ güi, ërei yɨmbɨaɨta opɨta; metei ñavo mbaetɨta oiparareko jëtara, mbaetɨta yangapɨɨ. Metei ñavo opɨ̈rota taɨ ae güi.

ISAÍAS 9:21

Manasés opüata Efraín re, Efraín opüata Manasés re; kuae reta mókoi reve oñemopüata ɨvɨ Judá re. Ërei yandeYa mbaetɨ iyarasɨ poi; jekuaeñoi iyarasɨ oï.

JEREMÍAS 15:3

YandeYa jei: “Ambouta jese reta irundɨ tembiporara ambuaeyee yee vae, jae ko: Omano retata ñeraro pe, jare yaɨmba reta opata ombojaɨ jaɨ, chucha reta jouta, jare mbaeporou reta opata jou.

JEREMÍAS 16:4

Mbaerasɨ yavaetegüe oyuka retata, jare mbaetɨta kia oäpiro reta, mbaetɨta vi kia oñotɨ reta vaerä: Oyoata ɨvɨ rupi tepoti rami. Ñeraro jare karuai opata omokañɨtei reta, jetegüe opata jou chucha reta jare mbaeporou reta.”

JEREMÍAS 17:4

Reeyata ko ɨvɨ che amee ndembaerä vae, roapota nderovaicho reta jembiokuairä, ɨvɨ nde reikuaambaea pe, echa chearasɨ oyepotata tata rami jekuae avei pegua, nemokañɨtei vaerä.”

JEREMÍAS 4:24

Amae ɨvɨtɨ reta re, jare aecha okana ñogüɨnoi; opaete ɨvɨtɨ reta orɨrɨi.

JEREMÍAS 4:8

Jáeramo peyemonde temimonde mbɨatɨtɨ pegua pe, peyaeo jare peräse pepɨatɨtɨ güi, echa yandeYa iyarasɨ mbaetɨ osɨrɨ oï yandegüi.”

JEREMÍAS 6:12

Jo reta, iɨvɨ reta, jare jae reta jembireko oñemeeukata ambuae vae reta pe. Echa chepo ko amopüa aiporarauka vaerä kuae ɨvɨ pegua reta pe. Che ndeYa jae kuae.

JEREMÍAS 8:2

jare omoai retata ikatu rupi kuaraɨ pe, yasɨ pe jare opaete yasɨtata jae reta omboetese jare oyeokuaise chupe vae pe. Mbaetɨ eteita kia omonoo oñotɨ vaerä. Oñemoaita ñogüɨnoi ɨvɨ re tepoti rami.

JEREMÍAS 9:22

Kuimbae reta jëogüegüe oñemoai tepoti rami kaa rupi, trigo oyepoo yave osururu ɨvɨ rupi vae mbaetɨ ye kia omonoo vae rami.” Jei yandeYa.

LAMENTACIONES 5:22

Yepe tëi nde orereröɨro, jare ndearasɨ yae orekotɨ.

EZEQUIEL 15:6

Jáeramo che peYa jae körai: Uva iɨ oyemombo tata pe ókai vaerä rami, jökorai amombota Jerusalén pe yogüɨreko vae reta tata pe.

EZEQUIEL 30:25

Amopɨ̈ratata mburuvicha guasu Babilonia pegua iyɨva reta, ërei Faraón iyɨva reta jëogüeta. Che añono yave chekɨsepuku mburuvicha guasu Babilonia pegua ipo pe, jare jae opüa yave Egipto pegua reta re, jayave oikuaa retata che ko jae Tumpa vae.

EZEQUIEL 6:14

Amopüata chepo ikotɨ reta, aiporarauka vaerä chupe reta; opaete kerupi yogüɨrekoa rupi, aeyata ipombae ñuu arayevɨ kotɨ güive Diblat pe ɨvɨtuguasu kotɨ. Jayave oikuaa retata che ko jae iYa vae.”

DANIEL 9:16

OreYa Tumpa, roikuaa ko ndepɨakavi yae vae. Romoñera rembosɨrɨ vaerä ndearasɨ nerëta guasu Jerusalén güi, ndeɨvɨtɨ oñeñono tee vae. Opaete tëta guasu reta iyɨ́vɨri ñogüɨnoi vae pegua reta opuka puka omae reta Jerusalén re jare ndembae vae reta re, ore jare oreñemuñagüe reta iyoa jeko pegua.

OSEAS 14:4

YandeYa jei: “Aipoano retata ipɨapochɨ güi; aaɨu retata, yepe tëi mbaetɨ jupi yogüɨreko, echa osɨrɨ ma chugüi reta chearasɨ.

AMÓS 8:8

Jáeramo, ¿mbaetɨta pa ɨvɨ okana? ¿Ɨvɨ ipo reta mbaetɨta pa oyaeo jókuae jeko pegua? ¡Tuichata ɨ ɨ̈aka pe rami, jare jagüeta ɨ̈aka Egipto pegua rami!

MIQUEAS 1:4

Jare jókuae ɨvɨtɨ guasu reta opata tɨkui iraitɨ tata pe oï rami, jare ɨvɨtɨ päu ipe kavi vae reta opata oñemoɨ̈aka-soro, ɨ oa ɨ̈vavira rupi rami.

NAHUM 1:5

Ɨvɨtɨ guasu reta okana jae jóvai; ɨ̈vavira reta opa tɨkui jae jóvai. Opaete ɨvɨ jare opaete yogüɨreko pɨpe vae ipɨakɨɨye yae oyekuaa yave.

HABACUC 3:10

Ɨvɨtɨ reta okana ndereecha yave, ara güi oa ama tuichagüe, ɨguasu tɨpɨ vae jɨapu ɨaparúa reta opüa ramboeve.

SOFONÍAS 1:17

YandeYa jei: “Aiporaraukata kuimbae reta pe, jare oguata retata jesambae rami, echa iyoa reta chekotɨ. Jugüɨ oyepɨyereta ɨvɨkúi rami, jare isoo oyemboatɨta tepoti rami.”

DEUTERONOMIO 31:17

jókuae ara chearasɨta chupe reta, aeya retata, ayerovata chugüi reta jare oiporara yae jeta mbaembae ikavimbae vae jeko pegua jei retata jókuae ara: ‘¿Mbaetɨ ma ndipo ñaneTumpa oï yande ndive, jáeramo yaiporara kuae mbaembae reta?’

DEUTERONOMIO 31:18

Ayerova eteta ko chugüi reta jókuae ara, ikavimbae jae reta oyapo vae jeko pegua, omboete reta tumpa ambuae reta jeko pegua.

1 Tesalonicenses 2:16

oremboavai oremiari vaerä judiombae vae reta pe, jae reta vi oyemboasauka vaerä. Jökorai jeieteño iyoa reta, jáeramo Tumpa iyarasɨ tuichagüe ou jese reta.

Apocalipsis 20:11

Jare aecha metei guapɨa guasu tïi vae, jare oguapɨ oï pɨpe vae. Ɨvɨ jare ara opa otekuarai jae jóvai güi vae, jare mbaetɨ kia pe oñemi vaerä.