ISAÍAS 5:23 - Biblia Guarani Tumpa Iñee

²³ Peipɨɨ vɨari korepoti vae rupi mbaetɨ pemboeko, jeko tëi vae, jare mbaetɨ peñono kavi teko, jekombae vae peguarä.

ISAÍAS 5:23 ပူးပေါင်းရင်းမြစ်များ

1 REYES 21:13

Jayave yogüeru jókuae mókoi ipɨapochɨ vae, jare imiari reta Nabot kotɨ opaete vae reta jóvai jei reta reve: “Nabot jei ñee ikavimbae Tumpa kotɨ jare mburuvicha guasu kotɨ.” Jayave güɨnoe reta ikatu pe jare oyapi reta ita pe oyuka.

2 CRÓNICAS 19:7

Jayave peipoɨu yandeYa güi, pemae kavi peyapo vae re, echa yandeYa Tumpa jupi vae ko, mbaetɨ oporoparavo ani mbaetɨ vi oipɨɨ vɨari korepoti ani mbae.”

SALMOS 94:21

Oyomboatɨ reta oyemongeta jupi vae jekove re, jare omometei reta yemongeta, oyuka vaerä jekombae vae.

PROVERBIOS 17:15

Jupimbae ombojupi vae jare jupi vae omboeko vae, yandeYa pe ikaviä yae ko kuae reta.

PROVERBIOS 17:23

Iyoa vae, oipɨɨ mbaemboepɨ vɨari, güɨ rokomegua vaerä jupi vae.

PROVERBIOS 24:24

Jeko vae pe “mbaetɨ ko ndereko” jei vae re, tëta pegua reta oyepopeyuta, jare tëtaguasu pegua reta omotareɨta;

ISAÍAS 1:23

Nderuvicha reta, oyapota tëi vae, mbaetɨ oyapo reta, imonda vae reta ndive oñemoïru reta. Omomora yae reta mbae oyemboepɨ vɨari chupe reta vae, oeka reta kia omee vaerä mbota chupe reta. Mbaetɨ oyapo reta jupi vae tɨ̈reɨ pe, imemano vae iñeapo re, mbaetɨ omborɨ reta.

ISAÍAS 10:1

Tumpa jei: ¡Peparavete, pe peyapo mborookuai reta jupimbae vae, jare jókuae rupi peiporarauka pepïrimbae,

ISAÍAS 10:2

mbaetɨ vaerä peyapo jupi vae paravete vae reta pe, pemboeteä etei vaerä paravete vae reta kuae tëta chembae vae pegua, peyuvanga vaerä imemano vae reta re, pepɨ̈ro vaerä mbae tɨ̈reɨ reta güi!

ISAÍAS 28:7

Ërei kuae reta oyavɨ vi vino jeko pegua, mbae oporombosavaɨpo vae omombia iyemongeta kavi güi: Sacerdote jare ñeemombeúa reta oyembosavaɨpo, vino omombia reta iyemongeta kavi güi, oyemboesagüɨrɨuka reta mbae oporombosavaɨpo vae pe, osavaɨpo reve imiari mbae oasata vae re, osavaɨpo reve oporojäa reta.

ISAÍAS 29:21

ambuae rei omboya reta iparapiti, jókuae ikɨ̈reɨ oyavɨuka oporojäa vae pe vae reta, jare oporombotavɨ reve oikuaku jupi vae kia jekombae güi vae.

ISAÍAS 32:7

Jeko kavimbae oeka kërai oyapo vaerä ikavimbae, ikaviä oyemongeta ipɨa pe; apu rupi oyapo ikavimbae vae paravete vae kotɨ jare ñeapo rupi oeka tëi oime vaerä jupi rupi ñeñono kavi chupe vae kotɨ.

ISAÍAS 59:15

Añete vae mbaetɨ etei ma, ikavimbae güi oyembosɨrɨ tëi vae, oñeñono tembipɨɨrɨru pe. Nde oreYa pe mbaetɨ ikavi jókuae, reecha yave mbaetɨ etei jupi vae.

AMÓS 5:12

Echa che aikuaa ko pepɨapochɨ yae vae, jare jeta peyoa reta vae; aikuaa ko peiporarauka jupi vae pe vae, jare peipɨɨ mbae oyemboepɨ vɨari vae, jare ñejäa renda pe paravete vae reta pemoamɨriuka.

MIQUEAS 3:11

Peruvicha reta oporojäa omboepɨuka vɨari iyeupe reve, sacerdote reta oporomboe okovara reve, ñeemombeúa reta omoërakua apu korepoti oipɨɨ vaerä; jare oyeko reta yandeYa re, jei reta reve: “YandeYa oï yande ndive; ngaraa maratu yaasa.”

MIQUEAS 7:3

Oikatu yae oyapo reta vaerä ikavimbae; mburuvicha reta oekɨ mbae iyeupe ïru vae reta güi, jare oporojäa vae reta oporojäa jepɨ chupe ramoño; mbaepuere güɨnoi vae imiari ipɨa jeiaño, jare opaete vae reta omborɨ katu.

San Mateo 23:35

Jare pe reta penoita teko opaete jekombae reta imano re, jupi vae Abel oyeyukauka güive Berequías taɨ Zacarías oyeyukauka vae pe. Echa peyuka Zacarías mɨmba oyeyukagüe oyeapɨ jese vae jare tupao ipäu pe.

DEUTERONOMIO 16:19

Agüɨye perokomegua jupi vae; agüɨye etei pemboyoavɨ metei vae ïru ndive, echa jókuae nunga güɨrokomegua yarakuaa vae reta jare jupi vae reta.

Santiago 5:6

Pe reta pemboeko jare peyuka jókuae jupi vae. Jare jae mbaetɨ oyeepɨ pegüi.