ISAÍAS 5:2 - Biblia Guarani Tumpa Iñee

² Oikëse iɨvɨ jare opa güɨnoe ita omombo, jare oñotɨ uva iɨ ikavigüe. Jare jemitɨ mbɨte pe omopüa maeka ɨvate vae, jare oyapo vi uva oitɨami pɨpe vaerä. Chevɨa-ïru oäro tëi iuva iagüe jëe kavi vaerä, ërei iuva iagüe jayasɨ yae chupe.

ISAÍAS 5:2 ပူးပေါင်းရင်းမြစ်များ

2 SAMUEL 7:10

Jare che añonota tëta Israel chembae iɨvɨ ae pe yogüɨreko vaerä, agüɨye mo vaerä oyembosɨrɨ iɨvɨ güi, ani tovaicho reta omoambeko tenonde yave rami,

NEHEMÍAS 13:15

Jókuae ara rupi aecha oime amogüe Judá pegua reta oyapo vino ara mbutuu pe vae, trigo oyeokuagüe ovoɨ vae reta, jare ovoɨ vi vino imburika re, ani uva, ɨva jare oipotagüe voɨta güeru reta Jerusalén pe ara mbutuu pe. Jayave añeengata chupe reta jókuae ara omaemee vae re.

SALMOS 80:8

Egipto güi reru temitɨ uva; opa renoe remombo tëtaguasu reta, jare joko pe reñotɨ jókuae uva.

SALMOS 80:9

Reitɨo kavi jendarä, remboyepota japo reta, jare omotɨnɨe iɨvɨ.

ÉXODO 33:16

Echa nde mbaetɨ reo ore ndive yave, ¿këraita pa che jare opaete vae reta roikuaa ndepɨakatu ko ore kotɨ vae? Jayaveño ore ambuaeyeeta opaete ïru tëta reta ɨvɨ pegua güi.

ISAÍAS 1:8

Jare jaeño opɨta Sión, uvarupa pe tapɨi oï rami, jare melon-rupa pe o raɨ oï rami, tëta guasu, tovaicho opa omboaigüe rami.

ISAÍAS 5:7

Jókuae yandeYa Imbaepuere yae ete vae iuvarupa, jae ko Israel iñemuña reta, jare temitɨ ikavi vae, jae ko kuimbae Judá pegua reta. YandeYa oäro tëi chugüi reta jupi vae, ërei jeieteño ikavimbae, oäro tëi chugüi reta jupi vae, ërei jeieteño jäse oiporara vae reta.

JEREMÍAS 11:17

Echa che, peYa Imbaepuere yae ete vae, poñotɨ temitɨ rami vae ko amombeu kuae susere Judá jare Jerusalén kotɨ, ikavimbae yae vae peyapo jeko pegua chemboarasɨuka, echa peapɨ ikäti kavi vae incienso Baal pe.”

JEREMÍAS 2:21

Che ko roñotɨ uva iyɨpɨ ikavi yae vae rami, temitɨ uva opaete güi ikavi yae vae rami, ¡ërei reikomegua, uva ikavimbae repɨta!

OSEAS 10:1

Israel ko uvarupa ikavigüe rami, jeta ia iyeupeguaräño; ia jeta rami omopüa reta vi mɨmba oyeyuka oyeapɨ jese vae; iɨvɨ ikavi yae rami, ombokavi vi itumpa-raanga reta.

MIQUEAS 4:8

Nde Jerusalén, jae ko Sión pegua reta imaeka jare ikësea; renoi yeta mbaepuere tenonde yave rami, ndegüi mburuvicha guasu reta oporookuai yeta.”

NÚMEROS 23:9

Echa ɨ̈vavira reta iyapɨte güi che amaeta jese, jare ɨvate güi aechata: Mase, jae ko metei tëta okɨɨyembae reve oikota vae, ambuaeyeeta ïru tëtaguasu reta güi.

San Mateo 21:19

Jare oecha yave metei ɨva köiño tape güi ojo omae jese, ërei mbaetɨ oväe ia jese, joo katuaiño. Jare jei ɨva pe: —¡Ngaraa ye ma ndeía! Jare ɨva jupivei voi opa yɨpi.

San Mateo 21:33

“Tamombeu ye peve ambojaanga reve kuae: Oiko metei kuimbae ikorä oikëse vae. Oñotɨ pɨpe jeta uva. Oyapo vi uva oñetɨami pɨpe vaerä. Oyapo vi metei oɨvate omae vaerä joko güi opaete ko re. Javoi oiporuuka iko ïru vae reta pe, jare ojo mombɨrɨ.

San Mateo 21:34

Jare uva jaema yagüɨye yave, ko iya ombou mbovɨ jembiokuai reta omboyao vaerä uva, ko iporúa reta ndive.

San Marcos 11:13

Jare mombɨrɨ güi oecha metei ɨva jokɨ katu vae, jare ojo omae jese oime ra ia. Ërei mbaetɨ oväe ia jese, joo katuaiño. Echa ndei oväe ɨva ia vaerä.

San Marcos 12:1

Jayave Jesús omboɨpɨ imiari chupe reta ombojaanga reve: “Metei kuimbae oikëse ikorä jare oñotɨ pɨpe jeta uva, oyapo vi uva oñetɨami pɨpe vaerä. Oyapo vi metei oɨvate omae vaerä joko güi opaete kó re. Javoi oiporuka iko ïru vae reta pe, jare ojo mombɨrɨ.

San Marcos 12:2

Jare uva yagüɨye ma yave, uvarupa iya ombou metei jembiokuai kó iporúa reta pe, jae güɨraja vaerä tëi uva omboyaogüe chupe.

Romanos 9:4

Jae ko Israel iñemuña reta. Tumpa oyapo taɨ retarä. Oechauka iyemboetea chupe reta. Oyapo morogüɨrökuavee päve jae reta ndive, jare oikuaauka vi chupe reta Moisés iporookuai. Oyeokuai reta Tumpa pe jare jae oñererökuavee chupe reta.

1 Corintios 9:7

¿Ojo pa sundaro oñeraroa pe, oyemboepɨmbae reve chupe? ¿Oime pa kia uva oñotɨ vae mbaetɨ jou iagüe?, ani ¿oime pa kia vecha re oyangareko vae mbaetɨ jou ineche?

DEUTERONOMIO 32:6

¿Jökorai pa pemboekovia yandeYa pe? Tëta imbokere jare mbaetɨ arakuaa güɨnoi vae. ¿Jaeä pa peRu peapoa? ¡Jae ko peapo jare omee peiko vaerä!

JUECES 16:4

Kuae jaɨkue rupi Sansón iporopota metei kuña Dalila jee vae re, tëta Sorec ɨvɨtɨ päu pegua re.