ISAÍAS 5:17 - Biblia Guarani Tumpa Iñee

¹⁷ Jare tëta guasu reta oyemboaita vae jendagüe rupi okaruta vecha jare kavara reta; ketɨgua reta omboaita oikokatu vae reta iko.

ISAÍAS 5:17 ပူးပေါင်းရင်းမြစ်များ

NEHEMÍAS 9:37

Kuae ɨvɨ pe jeta mbaembae oñemuña vae, opɨta mburuvicha guasu reta ambuae vae reñono oreré vae jou vaeräño; jókuae mburuvicha reta güɨnoi mbaepuere oreré oreyoa jeko pegua jare orerɨmba reta re vi. Jáeramo, roiporara yae roï.”

SALMOS 119:70

Jae reta oyembopɨatäta yae, ërei che, ndeporookuai re ayerovia katu.

SALMOS 17:10

Iyeupeguaräño oaɨu reta imbaeyekou, oyembotuicha reve imiari reta.

SALMOS 17:14

ndembaepuere pe chereroasayepe chugüi reta cheYa, ¡emokañɨtei reta kuae ɨvɨ güi, echa jae reta imbae güɨnoi kuae ɨvɨ peño! Jae reta oyemboikokatu yae ndeporerekua pe, omoɨ̈vɨata taɨ reta, jembɨre ye jɨmɨmino reta peguarä.

SALMOS 73:7

Ikɨra yae güi jesäɨ oë potaecha, oasa ete ye güɨnoi ipɨa jemimbotaño.

ISAÍAS 1:7

Peɨvɨ reta opa opɨta ipombae, perëta guasu reta opa oyeapɨ, ketɨgua reta perovakei opa jou peremitɨ, tovaicho reta opa omboai oeya rami oï perëta.

ISAÍAS 10:16

Jáeramo, yandeYa Tumpa Imbaepuere yae ete vae, opɨ̈rota Asiriaɨgua imbaepuere yae vae reta güi imbaepuere, jare oyatapɨta oyemboete jese vae re.

ISAÍAS 17:2

Oyemombo eteta opɨta, tëta guasu Aroer iyɨvɨrigua reta ndive, mɨmba ikaruaräño opɨtata, jokoropi oke retata, mbaetɨta kia oiämondo vae.

ISAÍAS 32:14

Mburuvicha jo kïrii ngatuta opɨta; tëta guasu jeta tëi ipo vae ipombae opɨtata; maeka ɨvate vae reta jare ñepɨ̈roka reta oyeeyata jekuae avei pegua; joko pe oñemoëtata mburika ñana rupigua reta, jare mɨmba reta ikaruarä opɨtata.

ISAÍAS 40:11

Ou vecha iyangarekoa oyangareko ivecha re rami, ovoɨ vecha kuimbae taɨrusu vae reta, oiküava güɨraja ipɨtía re, jare oyangareko kavi imembɨmii vae reta re.

ISAÍAS 65:10

Jare ɨvɨpe kavi Sarón vecha reta ikarúa jendarä, ɨvɨpe kavi Acor guaka reta ikarúa jendarä, tëta chereeka vae güɨnoita imbaerä.

ISAÍAS 7:25

Ɨvɨtɨ reta oñemaetɨse pɨpe vae pe, ngaraa ma kia ojo oväe, yuu güi okɨɨye jeko pegua. Jaeño ikavita guaka jare vecha reta ikaruarä.

JEREMÍAS 5:28

Okaru kavi jare ikɨra yae reta. Jeko ikavimbae oyapogüe oasa ete ye; mbaetɨ oyapo reta jupi vae tɨ̈reɨ pe, mbaetɨ oyapo jupi vae paravete vae reta pe.

LAMENTACIONES 5:2

Opaete oreɨvɨ opɨta, ketɨgua reta ipo pe; orero reta opɨta, ïru tëtaguasu pegua reta joorä.

OSEAS 4:16

Echa Israel pegua reta oyembopɨapochɨ metei guaka taɨrusu vae imasombae rami; ¿oyangarekota ra yandeYa jese metei vecha re rami jembíu katúa pe?

OSEAS 8:7

Echa ikavimbae peyapo jeko pegua, peiporara yaeta ko; mbaetɨta pembaagüɨye, mbaetɨta peremitɨ reta ia; jare pemboɨru tëi yave, opata ketɨgua reta jou pegüi.

MIQUEAS 2:12

Añetete, che amboatɨ yeta opaete Jacob iñemuña reta; aruruka yeta ko opaete Israel iñemuña reta jembɨregüe. Amboatɨta Bosra pegua vecha reta rami, mɨmba reta jókai pe ñogüɨnoi rami, kuimbae reta jeta yeyé jeko pegua jɨaputa oyeendu.

SOFONÍAS 2:14

O regua ɨvɨra opata oyeekɨ, joko pe vecha reta oyapakuata, jare oipotagüe mɨmba reta; güɨratï jare küi oketa ventana jare ökegüe re, iñee reta oyeenduta; surumbukuku jare chucha oñeeta joko pe.

SOFONÍAS 2:6

Jókuae tëtaguasu oï ɨguasu jembeɨ rupi vae oikota mɨmba reta ikaruaräño, mɨmba iyangarekoa reta peguarä, jokoropi oimeta mɨmbarokaiño.”

San Lucas 21:24

Jare oimeta oyeyukauka kɨsepuku pe vae. Jare oyererajata tembiokuairä opaete tëtaguasu reta rupi, jare judiombae vae reta omboaita Jerusalén, jae reta iara opa regua.”

DEUTERONOMIO 28:33

Peremitɨ iagüe, jare opaete peparavɨkɨ rupi oime vae, jouta peikuaambae vae reta, oiporarauka aveita peve vae.

DEUTERONOMIO 32:15

Ërei ikɨra Jesurún, jare opatara (ikɨra yae jeko pegua, jembipe etei ipire): Jayave oeya reta iTumpa, jae reta iyapoa; güɨröɨro reta jeepɨa Ita guasu rami vae.