ISAÍAS 5:16 - Biblia Guarani Tumpa Iñee

¹⁶ YandeYa Imbaepuere yae ete vae oyembotuichaukata iporojäa rupi; Tumpa Iyoambae oechaukata iyoambae ko vae, jupi vae oyapogüe rupi.

ISAÍAS 5:16 ပူးပေါင်းရင်းမြစ်များ

1 CRÓNICAS 29:11

CheYa, ¡ndembae ko mbaeyekou, mbaepuere, mbaemboetea, ndepuere opaete re vae jare imboetea vae! Echa opaete ñogüɨnoi ara pe jare ɨvɨ pe vae ndembae ko. Ndembae ko mborookuaía, echa nde oreYa tuicha yae opaete güi vae ko.

SALMOS 21:13

¡Emboyekuaa ndembaepuere cheYa Tumpa! ¡Rotairarita jare romboeteta reporomoamɨri vae!

SALMOS 46:10

“¡Peñemokïrii! ¡Peikuaa che ko jae Tumpa! ¡Che ko aï opaete tëtaguasu reta iárambo! ¡Chetuicha yaeta opaete ɨvɨ iárambo!”

SALMOS 9:16

YandeYa oyekuaauka chupe reta. ¡Jae oyapo jupi vae! Jeko pɨ̈chɨi vae reta opa oyepɨɨ, jae reta ñuai oyapo vae pe yeño oa reta.

ISAÍAS 12:4

Jókuae ara rupi petairarita körai: “Pemee yasoropai jare peyerure yandeYa pe, pemoërakua tëtaguasu reta pe, jae mbaembae oyapogüe, pemomaendúa jae ko tuicha yae vae.

ISAÍAS 2:11

Ipɨayemboete vae reta iñäkatindɨta opɨta; ipɨapochɨ vae reta oñemomichiukata. YandeYaño oyembotuichaukata jókuae ara,

ISAÍAS 2:17

Ipɨayemboete vae reta iñäkatindɨta; ipɨapochɨ vae reta oñemomichiukata. YandeYaño oyembotuichaukata jókuae ara,

ISAÍAS 2:9

Kuimbae oyetavatɨka itindɨ reve ombaemboete, oñemomichi reta tumpa-raanga reta kotɨ. ¡Agüɨye neɨ̈ro chupe reta!

ISAÍAS 28:17

Jókuae o re aiporuta jupi vae, plomada rami, jare sɨmbi vae, nivel rami.” Amandau opata omboai jókuae apu, peeka peñepɨ̈ro jese vae, jare peñemi pɨpe vae, ɨ opata omboai pegüi.

ISAÍAS 29:23

echa taɨ reta oecha yave cherembiapo jae reta ipɨte pe, chemboete retata che Iyoambae ko, Jacob iñemuña reta ipɨte pe, jare oipoɨu retata chegüi, che jae ko Israel iTumpa.

ISAÍAS 30:18

Ërei yandeYa oärota, güɨnoi vaerä mboroparareko peré, oïndaivi oï oechauka vaerä mboroparareko peve, echa yandeYa jae ko Tumpa jupi vae. ¡Oyekou, opaete jese oyeko vae reta!

ISAÍAS 33:10

YandeYa jei: “Añave apüata; añave aechaukata chembaepuere tuicha yae vae.

ISAÍAS 33:5

YandeYa ko tuicha vae, echa ara pe oiko; jae ko opa omotɨnɨe Sión isɨmbi vae pe jare mbaejupi pe,

ISAÍAS 57:15

Echa Tuicha yae ete vae, oikoño mai vae, jae ko jee iYoambae, jae jei: “Che aiko ɨvate jare oñeñono teea pe, ërei aiko vi oiporara jare ipɨatɨtɨ vae reta ndive, amee chupe tekove, jäta ngatu vaerä.

ISAÍAS 6:3

Jare osapúkai päve jei oyoupe reta: “Iyoambae, Iyoambae, Iyoambae ko yandeYa Imbaepuere yae ete vae; opaete ɨvɨ tɨnɨe oï iyemboetea pe.”

ISAÍAS 61:8

Echa che peYa, jupi vae oaɨu vae ko, amotareɨ ko mɨmba oñeomi oñemee mɨmba oyeyukagüe opaetei oyeapɨ vaerä vae. Che, ameeta jupi rupi kavi mbota mbaravɨkɨ re, jare ayapota morogüɨrökuavee päve jae reta ndive jekuae avei pegua.

ISAÍAS 8:13

YandeYa Imbaepuere yae ete vae re pemae Iyoambae; chugüi peipoɨu jare pekɨɨye.

EZEQUIEL 20:41

Pomboatɨ ma opaete ïru tëtaguasu reta peñemoai moai peïa güi yave, aechauka ma cheyemboetea peré opaete vae reta jovake yave, chepɨakatuta amae peré ikäti kavi vae incienso re rami.

EZEQUIEL 28:22

Ere chupe reta: ‘CheYa Tumpa jei körai: Sidón, che ayovaicho nde kotɨ, nderé ayemboeteukata. Aiporarauka ndeve jupi rupi, jare aechauka ndeve aiko tee vae yave, opaete vae oikuaata che ko jae Tumpa vae.

EZEQUIEL 28:25

YandeYa Tumpa jei körai: “Amboatɨ ma Israel iñemuña reta tëtaguasu reta oñemoai ñogüɨnoia güi yave, opaete tëtaguasu reta oikuaata che ko iyoambae vae. Yogüɨreko yeta iɨvɨ ae pe, ɨvɨ che amee cherembiokuai Jacob pe vae pe.

EZEQUIEL 36:23

Che amboeteukata cheree ikɨambae vae ïru tëtaguasu reta pe, jae reta omboeteä vae, pe reta peröɨrouka vae; kuae ayapo yave perupi jae reta jóvai, jayave jae reta oikuaata che ko jae peYa vae. Che peYa jae kuae.

EZEQUIEL 38:16

Reporepeñata chembae vae reta Israel re, amapɨtu oyasoi ɨvɨ ramita reñova ɨvɨ. Köraita oiko ara iyapɨ rupi: Rogüeruta reporepeña cheɨvɨ re, tëtaguasu reta chekuaa vaerä, ayemboyekuaa ma yave nderupi Gog.’

EZEQUIEL 38:23

Jökorai ayembotuichaukata jare ayemboeteukata, jare opaete tëtaguasu reta oikuaata che ko jae Tumpa vae.’ ”

DANIEL 4:37

Añave che Nabucodonosor, amboete jare ambotuicha Mburuvicha guasu ara pegua, echa opaete jembiapo reta añete vae ko, jare jemimbota reta jupi vae ko; jare jae ipuere omomichi ipɨayemboete oiko vae.”

LEVÍTICO 10:3

Jayave Moisés jei Aarón pe: —Körai voi ko yandeYa jei: “Chekotɨ yogüeru vae pe aechaukata che ko jae iyoambae, jare Israel iñemuña reta jóvai ayemboeteukata.” Jare Aarón kïrii opɨta.

NÚMEROS 20:13

Kuae jae ko ɨ yemboarasɨ pegua, kuae re ko Israel iñemuña reta oyemboyovaicho yandeYa kotɨ, jare jae oyekuaauka jese reta.

Romanos 2:5

Ërei ndepɨatäta jare mbaetɨ reeya ikavimbae vae ndepɨa pe oï vae rupi, remboatɨ ndeyeupe aeño Tumpa iyarasɨ, jae iporojäa jupi rupi vae iara oyekuaa yave.

1 Pedro 1:16

echa oyekuatía oï körai: “Peiko tee mbaeyoa güi, echa che ko iyoambae.”

1 Pedro 2:15

Echa Tumpa jemimbota jae ko ikavi vae peyapo vae rupi pemokïrii iyarakuaambae vae reta.

1 Pedro 3:15

Pemboete yandeYa Tumpa pepɨa pe. Peïndaivi avei peï peñemomichi reve, peñemoe vaerä oparandu peve maera ra peäro peï peyerovia reve vae reta pe,

Apocalipsis 3:7

Eikuatía Filadelfia pegua oporogüɨrovia vae reta iaraɨgua pe: Iyoambae vae, Añetete vae, güɨnoi David imbaepuere vae, oipea yave mbaetɨ kia ipuere oyokenda ye vae, oyokenda yave, mbaetɨ kia ipuere oipea ye vae, jei:

Apocalipsis 4:8

Jare metei ñavo jókuae irundɨ oikove vae reta, güɨnoi ova ipepo, jare ipepo iárambo jare igüɨ rupi güɨnoi jeta jesa. Jare ikueraiä jei reta ara rupi jare pɨ̈tu rupi: “¡Iyoambae, iyoambae, iyoambae ko yandeYa Tumpa Imbaepuere yae ete vae, jae ko iyɨpɨ güive, añave jare outa vae!”