ISAÍAS 5:15 - Biblia Guarani Tumpa Iñee

¹⁵ Jare opaete kuimbae reta oñemomichiukata; jare ipɨayemboete vae reta iñäkatindɨta opɨta.

ISAÍAS 5:15 ပူးပေါင်းရင်းမြစ်များ

2 SAMUEL 22:28

Ërei nde reepɨ tëta oiporara oiko vae reta, ërei remomichi ipɨayemboete vae reta re.

SALMOS 131:1

CheYa, mbaetɨ chepɨayemboete, mbaetɨ aipotarai mbae re amae, mbaetɨ aeka mbae tuicha vae cheyeupe.

SALMOS 62:9

Añetete, kuimbae reta mbaeä etei ko, paravete vae ani oikokatu vae; mbaejäaka pe oñejäa reta yave, mbaetɨ etei oñejäa ramiñota ko.

ÉXODO 9:17

Körai reve jekuaeñoi nde reyembopɨapochɨ tëta chembae kotɨ, mbaetɨ remaeño yogüɨraja reta.

PROVERBIOS 30:13

Oime amogüe ipɨayemboete yae vae, jare omae ïru vae re oyembotuicha reve.

ISAÍAS 10:12

Ërei yandeYa opa ma oyapo ɨvɨtɨ Sión pe jare Jerusalén pe oyapota vae yave, oinupata mburuvicha guasu Asiria pegua, ipɨapochɨ jare ipɨayemboete rupi oyapo jeko pegua.

ISAÍAS 10:33

Mase, yandeYa Tumpa Imbaepuere yae ete vae, opa oitɨ ipïrimbae reve ɨvɨra reta; opa oyasɨa ɨvɨra ɨvate vae reta, opa oa ɨvɨra ɨvate yae vae reta.

ISAÍAS 13:11

YandeYa jei: “Aiporaraukata kuae ɨvɨ pegua reta pe iyoa jeko pegua, jare iTumpa potambae reta pe ikavimbae oyapo jeko pegua. Amboapɨta iyemboete iyé vae reta güi iyemboete, amomichita ipɨayemboete vae reta.

ISAÍAS 2:11

Ipɨayemboete vae reta iñäkatindɨta opɨta; ipɨapochɨ vae reta oñemomichiukata. YandeYaño oyembotuichaukata jókuae ara,

ISAÍAS 2:12

echa yandeYa Imbaepuere yae ete vae ojäa yave jókuae ara, opaete kuimbae ipɨapochɨ vae reta, ipɨayemboete vae reta, ipɨa ombotuicha vae reta, omoñemomichita;

ISAÍAS 2:17

Ipɨayemboete vae reta iñäkatindɨta; ipɨapochɨ vae reta oñemomichiukata. YandeYaño oyembotuichaukata jókuae ara,

ISAÍAS 2:9

Kuimbae oyetavatɨka itindɨ reve ombaemboete, oñemomichi reta tumpa-raanga reta kotɨ. ¡Agüɨye neɨ̈ro chupe reta!

ISAÍAS 37:23

Echa Tumpa Iyoambae Israel pegua kotɨ ko rere mbae jasɨ katu vae, ikotɨ ko neñeeäta jare ndepɨayemboete.

ISAÍAS 37:29

Aikuaa ko ndearasɨ jare ndepɨayemboete, añonota cheargolla netï re, mɨmba re oñeñono rami, jare rombokayurupeguata, jare romboyerova yeta tape reyúa rupi.”

JEREMÍAS 5:9

Kuae jeko pegua, ¿amaeñota ra jese reta? Jei yandeYa. Körai tëtaguasu vae pe, ¿mbaetɨta ra jupi aiporarauka chupe teko oyapogüe re?

DANIEL 4:37

Añave che Nabucodonosor, amboete jare ambotuicha Mburuvicha guasu ara pegua, echa opaete jembiapo reta añete vae ko, jare jemimbota reta jupi vae ko; jare jae ipuere omomichi ipɨayemboete oiko vae.”

SOFONÍAS 3:11

Jókuae ara ngaraa ma nemara pɨapochɨ rupi mbaembae reyapose chekotɨ vae güi. Echa jókuae ara opata aekɨ ndegüi ipɨapochɨ vae reta jare ipɨayemboete vae reta. Ngaraa ye ma ipɨayemboete reta cheɨvɨtɨ oñeñono tee vae re.

1 Pedro 5:5

Pe taɨrusu reta, peiko petenondegua reta jeia re. Jare opaete vae peiko kavi oyoupi peñemomichi reve; echa: “Tumpa oyovaicho ipɨarai vae reta kotɨ, ërei ipɨakavi oñemomichi vae reta kotɨ.”