ISAÍAS 5:11 - Biblia Guarani Tumpa Iñee

¹¹ ¡Peparavete!, pe reta ndeimboveasɨ güive pepüa ye peyembosavaɨpo vaerä vae, jare pepɨare katúi jökorai.

ISAÍAS 5:11 ပူးပေါင်းရင်းမြစ်များ

2 SAMUEL 19:35

anoi ma ochenta año; akaru yave, mbaetɨ ma aikuaa jëe ngatu vae ani mbaetɨ vae; jare mbaetɨ ma vi chepuere aendu otairari vae reta itairari. ¿Maera pa ajaiñota romboavai vaerä cheruvicha guasu?

PROVERBIOS 20:1

Vino jare mbae oporombosavaɨpo vae, oporoapoasɨ katu yae ko jare oporogüɨrekorai vae ko; kia nunga vae ombaeyavɨ yave kuae reta jou vae jeko pegua, mbaetɨ ko iyarakuaa.

PROVERBIOS 23:32

Ërei jaɨkue rupi mboi oporosuu vae rami ko; moitini iporosuu ramita ko jasɨ.

ISAÍAS 22:13

Ërei pe reta peyerovia jare peapirai, peyuka guaka jare vecha, peu soo jare vino. Jare pere: “Yakaru jare yakau, echa pɨareve ñamanota.”

ISAÍAS 24:9

Mbaetɨta ma okau reta tairari ndive; vino irota iua reta pe.

ISAÍAS 28:1

¡Paravete Samaria, Efraín pegua savaɨpo regua reta oyemboete jese vae; oñemopöra mbaepotɨ ipiru katu pe vae rami vae, iɨvɨpe kavi jembeɨ ɨvatea re oï vae, vino iua reta jëta!

ISAÍAS 28:3

ipɨ pe opata oumbiri, kuae ɨvɨ Efraín pegua savaɨpo regua reta oyemboete jese vae.

ISAÍAS 5:22

¡Peparavete!, pe reta perëia yae peu vaerä vino vae, perëia yae pemboyea vaerä vino peyeupe.

ISAÍAS 56:12

Jei reta: “Yaja yaeka vino jare mbae oporombosavaɨpo vae, yandembosavaɨpo vaerä. Javoi pɨareve yayapo ye añave rami, ani oasa ete ye ikavi yayapo.”

HABACUC 2:15

¡Paravete, jókuae ombosavaɨpo japicha vae! ¡Paravete, jókuae omee jou jasɨ yae vino vae, echa ombosavaɨpo, omae vaerä jete inandi oï vae re!

HABACUC 2:5

Mbaepuere oipota vae oporombotavɨ ko, kuimbae ipɨapochɨ vae ngaraa oiko avei, oeka reta ikueraimbae reve, jare oipota ye. Iyuru, tëogüe-rɨru rami; yangapɨɨmbae ko, mano rami, jáeramo oë opɨ̈ro opaete tëtaguasu reta.

San Lucas 21:34

Peyeandu, agüɨye vaerä pekaru reteiño jare pesavaɨpo, jare agüɨye vaerä peyemoambaeko mbaembae ɨvɨ pegua re. Agüɨye vaerä peparanoe ou oväe peve jókuae ara ikavimbae.

Romanos 13:13

Yaiko kavi, tembipe pe yogüɨreko vae reta rami. Agüɨye yandearete avei jare yasavaɨpo. Agüɨye ñamomora soo jemimbota ani ñanekuña pota ani kuña imbɨa pota yae. Agüɨye yanderovaicho pota jare yandeakatúä ïru vae re.

1 Corintios 6:10

imonda vae reta, imbaepotarai vae reta, isavaɨpose vae reta, iyuru pochɨ vae reta ani oporombotavɨ vae reta ngaraa yogüɨreko Tumpa iporookuaía pe.

Gálatas 5:21

yeakatúä reta, yoyuka reta, savaɨpo reta, oasa ete okaru osavaɨpo reve vae, jare jeta ïru ikavimbae. Kuae reta re amombeu ma peve, kërai kuae nunga ikavimbae vae iyapoa reta ngaraa oike Tumpa iporookuaía pe.

1 SAMUEL 25:36

Jare Abigail ou ime Nabal pɨri. Oecha jae oyapo arete mburuvicha guasu arete oyapo rami. Oyerovia katu oï jare osavaɨpo yae vi, jáeramo imiari chupe pɨareve pe ramo.