ISAÍAS 49:7 - Biblia Guarani Tumpa Iñee

⁷ YandeYa, oPoroepɨ vae, Tumpa Iyoambae Israel pegua, jei oñemotareɨuka ïru tëtaguasu reta pe vae pe, ipɨarai vae reta jembipɨɨrä oiko vae pe: “Mburuvicha guasu jare mburuvicha reta ndereecha yave, opüata jare ndemboeteta; echa che ndeYa, Tumpa Iyoambae Israel pegua jupi vae ko, che ko roparavo.”

ISAÍAS 49:7 ပူးပေါင်းရင်းမြစ်များ

GÉNESIS 27:29

Toyeokuai ndeve opaete vae, Tëtaguasu reta toyetavatɨka nderóvai; eporookuai nerëtara reta re. Ndesɨ imembɨ reta toyetavatɨka nderóvai. Yepopeyu toï, oyepopeyu nderé vae re, jare mborerekua toï jei ñee kavi ndekotɨ vae reta re.”

SALMOS 47:9

Tëta reta juvicha reta oyomboatɨ päve, Abraham iTumpa imbae vae reta ndive,

SALMOS 68:31

Yogüeruta mburuvicha reta Egipto pegua, Etiopía jarembae voita ipo omopüa Tumpa pe.

SALMOS 69:19

Nde reikuaa ko kërai chekura reta vae, chembopɨakavimbae vae jare chemomarai reta vae; nde reikuaa ko opaete cherovaicho reta.

ISAÍAS 14:1

YandeYa oipararekota Jacob iñemuña reta. Jekuae oyapo yeta imbaerä Israel iñemuña reta, güeru yeta oñono reta vaerä iɨvɨ ae pe. Ketɨgua reta oyemboyata jese reta, oñemoïruta Jacob iñemuña reta ndive.

ISAÍAS 19:21

YandeYa oyekuaaukata Egiptoɨgua reta pe, jae reta oikuaata jare omboeteta, omeeta chupe mɨmba oyeyukagüe jare mbota. Oñererökuavee retata yandeYa pe jare ombopo retata iñee chupe.

ISAÍAS 19:23

Jókuae ara oimeta tape tuicha vae ojo Egipto güi Asiria kotɨ vae. Asiriaɨgua reta yogüɨrajata oväe Egipto pe jare Egiptoɨgua reta Asiria pe; jare jae reta omboete päveta yandeYa.

ISAÍAS 27:13

Jare jókuae ara oñemoñeeta temimbɨguasu, jare opa oñemoai ñogüɨnoi Asiria rupi vae reta, jaeramiño vi Egipto pe ñogüɨnoi vae reta, yogüeruta omboete yandeYa tëta Jerusalén pe, jae ko ɨvɨtɨ oñeñono tee vae re.

ISAÍAS 42:1

“Mase, ko oï cherembiokuai, che ayangarekota jese vae; cherembiparavo, chepɨa oyerovia jese vae; jese añono cheEspíritu; jae güeruta jupi vae opaete tëtaguasu reta peguarä.

ISAÍAS 48:17

Körai jei yandeYa, ndeReepɨ vae, Tumpa Iyoambae Israel pegua: ‘Che ko jae ndeYa Tumpa, ndemboe kavi yae vae, ndemboe kërai reiko vaerä vae.

ISAÍAS 48:7

jaeramo etei ko jae kuaekuae, jaeramo etei ko reendu kuae regua. Agüɨye vaerä rere: ‘Aikuaaño mai ko jókuae.’

ISAÍAS 49:1

Peyeapɨsaka, tëtaguasu ɨguasu jembeɨ rupigua reta, tëtaguasu reta mombɨrɨ rupigua reta: YandeYa chereenɨi ndei aa güive voi ma, chesɨ jɨe peve voi ma chembojee.

ISAÍAS 49:23

Mburuvicha guasu reta ñogüɨnoita ndeangareko vaerä, jare tayɨ reta ñogüɨnoita oyangareko vaerä nemichia reta re. Oyetavatɨka retata nderóvai ɨvɨ re ndemboete, jare ndepɨ oipɨte retata. Jare chekuaata che ko jae peYa vae, jare kërai cheré güɨrovia vae reta ngaraa oñemomaraiuka.”

ISAÍAS 49:26

Nderovaicho reta pe jauukata isoo aeño, jare jugüɨ ae pe oyembosavaɨpo reta vino pe rami. Jökorai opaete vae toikuaa, che ndeYa, ndereroasayepe jare ndeReepɨ vae, jae ko Imbaepuere yae ete vae Jacob pe.”

ISAÍAS 50:6

Amee chekupe, chenupa reta vaerä vae reta pe, jare amaeño cherendɨvaa mondoro reta. Cherova mbaetɨ arova iñeenguru jare ondɨvɨ cheré vae reta güi.

ISAÍAS 52:15

Jökoraita jae omopɨakañɨ, jeta tëtaguasu reta; mburuvicha guasu reta ngaraa etei iñee omoë jóvai, echa oecha retata mbaetɨi kia omombeu chupe vae, jare oikuaa retata mbaetɨi oendu vae.

ISAÍAS 53:3

Oñereröɨro jare oyemombo kuimbae reta ipɨte güi, kuimbae oiporara vae, tembiporara oikuaa; jare yanderova ñañomi chugüi rami, ñaröɨro jare mbaetɨ yaaɨu.

ISAÍAS 60:10

Ketɨgua reta omopüata nekësea, juvicha guasu reta oyeokuaita ndeve; echa, yepe tëi yandeYa iyarasɨ rupi oiporarauka ndeve, añave ipɨakavi ndekotɨ, güɨnoi mboroparareko nderé.

ISAÍAS 60:16

Tëtaguasu reta omeeta ndeve tembíu ikavigüe jare mburuvicha guasu reta güeruta ndeve imbaeyekou reta; jayave peikuaata che peYa ko jae pereroasayepe vae, che, Imbaepuere yae ete vae Jacob pe vae, che ko jae ndeReepɨ vae.

ISAÍAS 60:3

Jare nderembipe kotɨ yogüeruta tëtaguasu reta, mburuvicha guasu reta yogüeruta vi nderembipe kotɨ.

ISAÍAS 66:23

Yasɨ pɨau iarete ñavo pe, jare ara mbutuu iara ñavo yogüeruta opaete vae chemboete. Che peYa ko jae kuae.

ZACARÍAS 11:8

Jare metei yasɨ pe mboapɨ maangarekoa amboai, echa mbaetɨ ma chepɨaguasu ikotɨ reta, chereröɨro reta jeko pegua.

San Mateo 20:28

Echa che Kuimbaerä ayeapo vae ayu ayeokuai vaerä ïru vae reta pe. Mbaetɨ ayu ïru vae reta oyeokuai cheve vaerä. Ayu amano vaerä, jeta vae aepɨ vaerä.

San Mateo 26:67

Jayave amogüe vae ondɨvɨ Jesús jova re, jare okua jese. Jare ïru vae reta oovapete,

San Lucas 22:27

Echa mesa pe oguapɨ okaru vaerä vae ko tenondegua tembíu güeru vae güi. Ërei che aï pepɨte pe ayeokuai peve vaerä.

San Lucas 23:18

Jayave opaete vae osapúkai reve jei reta metei rami: —¡Eyukauka kuae kuimbae! ¡Eyorauka oreve Barrabás!

San Lucas 23:23

Ërei jeieteño täta osapúkai reve jei reta oikutuuka vaerä kurusu re. Jare jae reta iñee jare sacerdote reta itenondegua reta iñee omoamɨri Pilato.

San Lucas 23:35

Jare opaete vae reta omae ñogüɨnoi Jesús re. Jare tëta guasu pegua reta itenondegua reta ave oyóyai Jesús, jei reve: —Jae oepɨ ïru vae reta. Toyeepɨ vi, jae ko Cristo, Tumpa jembiparavo yave.

San Juan 18:40

Jae reta osapúkai reve jei: —Agüɨye eyora jókuae kuimbae. Eyora oreve Barrabás. Jókuae Barrabás ko jae imonda vae.

San Juan 19:15

Jayave jae reta osapúkai reve jei: —¡Tomano, tomano! ¡Eikutuuka kurusu re! Pilato oparandu chupe reta: —¿Aikutuukata pa peruvicha guasu kurusu re? Jayave sacerdote reta itenondegua reta jei: —Jaeño ko César oreruvicha guasu.

San Juan 19:6

Sacerdote reta itenondegua reta jare jembiokuai reta oecha yave Jesús, osapúkai reve jei reta: —¡Eikutuuka kurusu re! ¡Eikutuuka kurusu re! Jayave Pilato jei chupe reta: —Pe reta etei peraja peikutuuka kurusu re. Echa che mbaetɨ etei aväe teko jese.

1 Corintios 1:9

Tumpa ombopo avei iñee vae ko. Jae peparavo, peiko vaerä metei rami Taɨ yandeYa Jesucristo ndive.

DEUTERONOMIO 7:9

Peikuaa peyeupe yandeYa Tumpa, jae ko Tumpa; Tumpa jupi vae, ombopo morogüɨrökuavee päve jare mboroparareko opaete iporoaɨu ikotɨ vae reta pe jare oyapo iporookuai vae reta pe;

1 Pedro 2:4

Peyemboya yandeYa re, jae ko jókuae ita oikove vae, ɨvɨ pegua reta güɨröɨro jókuae ita. Ërei Tumpa peguarä ko oyeparavogüe jare ikavigüe.

Apocalipsis 11:15

Jare araɨgua omoñee chiúa mimbɨguasu yave, oyeendu ñee reta tätagüe, jei: “Mborookuaía reta ɨvɨ pegua ou opɨta yandeYa jare Cristo ipo pe. Jare jae oporookuaita jekuaekuae avei rupi.”

Apocalipsis 3:7

Eikuatía Filadelfia pegua oporogüɨrovia vae reta iaraɨgua pe: Iyoambae vae, Añetete vae, güɨnoi David imbaepuere vae, oipea yave mbaetɨ kia ipuere oyokenda ye vae, oyokenda yave, mbaetɨ kia ipuere oipea ye vae, jei: