ISAÍAS 49:26 - Biblia Guarani Tumpa Iñee

²⁶ Nderovaicho reta pe jauukata isoo aeño, jare jugüɨ ae pe oyembosavaɨpo reta vino pe rami. Jökorai opaete vae toikuaa, che ndeYa, ndereroasayepe jare ndeReepɨ vae, jae ko Imbaepuere yae ete vae Jacob pe.”

ISAÍAS 49:26 ပူးပေါင်းရင်းမြစ်များ

GÉNESIS 49:24

Ërei ngatu igüɨrapa omopɨ̈rata yae, iyɨva omomɨ̈rata yae. ¡Yasoropai Imbaepuere yae ete vae pe, Jacob iTumpa pe! ¡Yasoropai Oporoangareko vae pe, Israel iñepɨ̈roa pe!

SALMOS 83:18

¡Toikuaa reta nde jae ko Tumpa vae, ndeño ko jae Tuichagüe yae ete opaete ɨvɨ re vae!

SALMOS 9:16

YandeYa oyekuaauka chupe reta. ¡Jae oyapo jupi vae! Jeko pɨ̈chɨi vae reta opa oyepɨɨ, jae reta ñuai oyapo vae pe yeño oa reta.

ÉXODO 6:7

Jare poapota tëta chembaerä jare che aikota peTumparä; jare pe reta peikuaata che ko jae peYa Tumpa vae, pogüɨnoe mbaravɨkɨasɨ katu peyapo Egipto pe vae güi.

ISAÍAS 1:24

Jáeramo, yandeYa Imbaepuere yae ete vae, Imbaepuere yae vae Israel pegua jei: “¡Joko peño mo! Tañono kavi teko oyemboyovaicho chekotɨ vae reta ndive. Tayepɨ jese reta.

ISAÍAS 12:6

Pesapúkai jare petairari peyerovia güi, pe Sión pegua reta, echa Tumpa, Iyoambae Israel pegua tuicha yae vae, oime oï pepɨte pe.”

ISAÍAS 14:4

rereta kuae ñee arakuaa pegua, mburuvicha guasu Babilonia pegua kotɨ: “¡Mase, kërai ou opɨta imbaeyuvanga yepi vae! ¡Mase, kërai ou opɨta tëta guasu oro oipota rai yae yepi vae!

ISAÍAS 16:4

Emaeño toyogüɨreko pepɨte pe Moab güi otekuariagüe reta. Eï chupe reta, oparapiti vae güi oñepɨ̈ro reta vaerä.” Echa opa ma kuae tembiporara reta yave, parapiti oasa ma yave, kuae ɨvɨ oike opɨ̈ro vae reta opa ma yogüɨraja ye yave,

ISAÍAS 19:20

Jókuae oïta ikañɨmaa vaerä jare oporomomaendúa vaerä yandeYa Imbaepuere yae ete vae re, ɨvɨ Egipto pe. Osapúkai reta yandeYa pe oiporarauka chupe reta vae jeko pegua yave, jae ombouta metei mburuvicha oporoepɨ vae chupe reta, oepɨ vaerä jare oyora vaerä.

ISAÍAS 25:9

Jókuae ara jei retata: “Kuae ko jae ñaneTumpa ñaäro yaiko vae, jese yarovia jare jae yandemborɨta. Yayerovia jare yavɨa, echa jae ko yandemborɨta.”

ISAÍAS 33:22

Echa yandeYa ko jae oporojäa vae yandevegua, jae ko omee yandeve mborookuai vae, jae ko yandeRuvicha guasu, jae etei ko yandereepɨta.

ISAÍAS 43:1

Añave, Israel, Jacob iñemuña reta, yandeYa, ndeapoa jei ndeve körai: “Agüɨye ekɨɨye, che ko roepɨ; che ko reenɨi, chembae ko nde.

ISAÍAS 43:3

Echa, che ndeYa Tumpa ndereroasayepe vae ko, Tumpa Iyoambae Israel pegua. Che ko rogua; amee ko nderekovia pe Egipto, Etiopía jare Sabá.

ISAÍAS 45:6

Opaete ketɨ rupi: Kuaraɨ oëa kotɨ, kuaraɨ oikea kotɨ oikuaa reta vaerä mbaetɨ yé ko ïru chegüi vae. Cheño ko jae opaete vae iYa, mbaetɨ yé ko ïru chegüi.

ISAÍAS 48:17

Körai jei yandeYa, ndeReepɨ vae, Tumpa Iyoambae Israel pegua: ‘Che ko jae ndeYa Tumpa, ndemboe kavi yae vae, ndemboe kërai reiko vaerä vae.

ISAÍAS 49:7

YandeYa, oPoroepɨ vae, Tumpa Iyoambae Israel pegua, jei oñemotareɨuka ïru tëtaguasu reta pe vae pe, ipɨarai vae reta jembipɨɨrä oiko vae pe: “Mburuvicha guasu jare mburuvicha reta ndereecha yave, opüata jare ndemboeteta; echa che ndeYa, Tumpa Iyoambae Israel pegua jupi vae ko, che ko roparavo.”

ISAÍAS 51:13

Peakañɨ peYa peApoa güi, ara jare ɨvɨ iyapoa güi, ara ñavo pekaaru aru pekɨɨye oporombopɨatɨtɨ vae reta güi, oyemongeta pemokañɨtei vaerä yave. Ërei, ¿jama pa jókuae oporombopɨatɨtɨ vae reta iyarasɨ?

ISAÍAS 51:23

Jare añonota jókuae kopa, oiporarauka ndeve vae reta ipo pe, jei reta yepi ndeve: ‘Eyapakua, roasata ndeárambo rupi’; jare nde reyapakua ɨvɨ re, javoi jae reta oasa, tape rupi rami.”

ISAÍAS 54:14

Mbaejupi vae nemopɨ̈ratata, mbaetɨta ma kia oiporarauka ndeve vae, ngaraa ma rekɨɨye; echa kɨɨye ngaraa ma oya nderé.

ISAÍAS 60:16

Tëtaguasu reta omeeta ndeve tembíu ikavigüe jare mburuvicha guasu reta güeruta ndeve imbaeyekou reta; jayave peikuaata che peYa ko jae pereroasayepe vae, che, Imbaepuere yae ete vae Jacob pe vae, che ko jae ndeReepɨ vae.

ISAÍAS 9:20

Metei ñavo opɨ̈rota iyakatu kotɨ güi, ërei yɨmbɨaɨta opɨta; metei ñavo mbaetɨta oiparareko jëtara, mbaetɨta yangapɨɨ. Metei ñavo opɨ̈rota taɨ ae güi.

ISAÍAS 9:4

Echa nde reyora tembipɨɨ oiporara ñogüɨnoi vae güi, mburuvicha iporonupa güi, mburuvicha imbaepuere güi, Reiporarauka chupe, tëtaguasu Madián pe reiporarauka rami.

EZEQUIEL 34:16

Che aekata chevecha okañɨgüe jare jopagüe aru yeta jókai pe, ipɨ opë vae güi ayokuata, ipɨtu vae amborɨta; ërei ikɨra vae jare oikove katu vae ayukata. Ayangareko kavita jupi rupi jese reta.

EZEQUIEL 39:7

Jare amboyekuaata cheré ikɨambae vae, chembae vae reta Israel ipɨte pe, jare ngaraa ye ma amaeño oñereröɨrouka cheré ikɨambae vae; jare tëtaguasu reta chekuaata che ko jae Tumpa vae, Iyoambae Israel pegua.

Apocalipsis 14:20

Jare jókuae uva oñetɨamía oï tëta guasu güi ikatu pe, joko pe oñetɨami uva. Jare jókuae uva oñetɨamía güi oë tugüɨ, jare oupitɨ kavayu reta iyayu rupi jare osɨrɨ tresciento kilómetro rupi.

Apocalipsis 16:6

echa jae reta oyuka oporogüɨrovia vae reta jare ñeemombeúa reta, jáeramo remee vi jou reta tugüɨ. ¡Echa jupi ko jökorai vaerä!”

Apocalipsis 17:6

Jare aecha kuña osavaɨpo oporogüɨrovia reta jare oyeyukauka omombeu Jesús re vae reta jugüɨ pe. Aecha yave chepɨakañɨ yae.

JUECES 7:22

Jare jókuae tresciento vae reta jeiete omoñee mimbɨguasu. Jare yandeYa omoñerarouka oyoupii aeño opaete teyupa pegua reta. Jare tovaicho reta otekuarai yogüɨraja regua oväe Bet-sita kotɨ, Zerera re katu, Abel-mehola jembeɨ pe, Tabat pe.