ISAÍAS 49:24 - Biblia Guarani Tumpa Iñee

²⁴ ¿Ipuereta ra kia opɨ̈ro sundaro jëia vae güi, jókuae mbae ñeraroa güi güerugüe? Ani ¿ipuereta ra tembipɨɨ reta otekuarai mburuvicha jëia yae vae güi?

ISAÍAS 49:24 ပူးပေါင်းရင်းမြစ်များ

ESDRAS 9:13

Ërei opaete kuae mbaembae oasa ore ndive orereko ikavimbae jeko pegua, jare oreyoa yae jeko pegua, nde oreTumpa mbaetɨ reiporarauka oreve orereko kavimbae rupi etei, remaeño mbovɨ roikove vaerä.

ESDRAS 9:9

Echa tembiokuairä roiko, ërei royeokuai pɨte pe nde oreTumpa mbaetɨ orereeya, nde oreparareko mburuvicha guasu reta Persia pegua jóvai, oremoäta ngatu romopüa pɨau ye vaerä tupao guasu oyemboai vae, ¡oreangareko Judá pe jare Jerusalén pe!

NEHEMÍAS 9:33

Ërei nde mbaetɨ ko ndereko opaete mbaembae ou oreve vae re; echa jupi rupi ko nde reyapo vae, ore ko royapo ikavimbae.

NEHEMÍAS 9:37

Kuae ɨvɨ pe jeta mbaembae oñemuña vae, opɨta mburuvicha guasu reta ambuae vae reñono oreré vae jou vaeräño; jókuae mburuvicha reta güɨnoi mbaepuere oreré oreyoa jeko pegua jare orerɨmba reta re vi. Jáeramo, roiporara yae roï.”

ISAÍAS 42:22

ërei kuae tëta güi jeta mbae oñemaepɨ̈ro, opaetei oyepɨɨ reta oñeñono tembipɨɨrä ɨvɨkua pe, opa oyokenda oñono tembipɨɨrɨru rupi; oyemombae jese reta, mbaetɨ kia oyora vaerä; opa oipɨɨ güɨraja reta, mbaetɨ kia oñemoë jese reta vaerä.”

ISAÍAS 5:29

yaguapope oñee rami, osapúkai retata, yaguapope raɨ oñee rami, ombokɨrɨrɨuta jäi oipɨɨ jembia vae rami, güɨraja jare mbaetɨta kia ipuere opɨ̈ro chugüi rami.

ISAÍAS 53:12

Jáeramo, che ameeta chupe oï vaerä jëia yae vae reta ndive, jare imbaepuere vae reta ndive omboyaota ñeraroa pe mbae opɨ̈rogüe; echa omee ramo jekove omano regua, jare oyepapa iyoa vae reta ndive, güɨraja ramo jeta vae reta iyoa, jare oyerure iyoa vae reta re.

EZEQUIEL 37:11

Javoi jei cheve: “Nde kuimbae, opaete kuae maekägüe reta rami ko Israel iñemuña reta. Echa jei reta: ‘Ñanekägüe reta opa otini; mbaetɨ ma ñanoi mbae re yayerovia vaerä, opa ma ñakañɨtei.’

EZEQUIEL 37:3

Jayave jei cheve: “Nde kuimbae, ¿rerovia pa kuae maekägüe reta ipuere oikove ye?” Che jae chupe: “CheYa Tumpa, ndeño ko reikuaa.”

NAHUM 2:13

YandeYa Imbaepuere yae ete vae jei: “Ko añemopüa ndekotɨ: Opata aapɨ nekäretou ñeraro pegua reta, opata ayapo tätatirä; opata ayuka nderaɨ reta; opata amokañɨ maeñomi oime ndeɨvɨ pe vae, jare ngaraa ye ma oyeendu neñee jerajaa reta iñee.”

San Mateo 12:29

Metei kuimbae ¿ipuere pa oike ipɨ̈rata vae jo pe, opɨ̈ro vaerä imbaembae chugüi oipokuambae reve? Oipokuata räri ko, jayave ramo ipuere opɨ̈ro imbaembae jo pegua.

San Marcos 3:27

Ngaraa kia ipuere oike kuimbae ipɨ̈rata vae jo pe opɨ̈ro vaerä imbaembae chugüi, oipokuata räri ko kuimbae ipɨ̈rata vae. Jayave ramo ipuereta opɨ̈ro imbaembae chugüi.